هااا وبعدين معاكي يا 307

**seleman9** · 07-02-2014 11:33 PM

كنت كتبت موضوع عن مشكلتي مع فتيس ال 307 علما يانني شاريها مستعملة مبقاليش شهرين باختصار الفتيس كان فيه رزعة من الاول للتاني طبعا اوتوماتيك المهم رحت مودرن سيرفيس المطار عملوا لي فيلم و قالوا لي هنقك الفتيس وهيتكلف من7 -14 الف......
المهم طنشت و رحت الحرفيين و سالت علي الفتيس استيراد لقيته اصلا ب 5000 جنيه --المهم ولاد الحلال دلوني عيل مركز فرينش ليون بتاع احمد ندا==رحت اول مرحلة غير زيت الفتيس و بعد شهر رحت له كان اجير بوكس فالت(gearbox fault)كان بيظهر علي الشاشة المهم غيرنا بلوف و اديني بجرب الحمد لله العربية احسن بس لسة في نتشة بسيطة:؟
ايه رايكم النتشة دي من ايه؟\

استفسار تاني طلع لي antipollution fault ,,,وعلامة الموتور نورت بعدها رحت غيرت بوجيهات بوش الايرور مظهرش تاني علي العلم اني كنت لسة مغيرهم في مودرن سيرفيس اعمل ايه بس معاكي يا محيراني؟

**kirolous123752** · 08-02-2014 01:45 AM

باشا انا مش عايز اكرهك في العربية بس انا كان معايا العربية دية و صارف عليها و الله بدون مبالغة اكتر من 13 الف جنية و في ست شهور بسسسسسسسس و بعديها خلصت منها بعد خسارة ربا اللي يعلم بيها من تغيير فتيس بسبب مشكلة الرزع برضو و حاجات تانية و انا قولت ان انا عربيتي اللي كانت تعبانة بس انا كان مع واحد صحبي العربية دية برضو و بعها علشان هيا معقدة جدااااااا فحاول تخلص منها قبل ما تخسر خسارتيييي

**seleman9** · 08-02-2014 02:21 PM

المشاركة الأصلية كتبت بواسطة kirolous123752

باشا انا مش عايز اكرهك في العربية بس انا كان معايا العربية دية و صارف عليها و الله بدون مبالغة اكتر من 13 الف جنية و في ست شهور بسسسسسسسس و بعديها خلصت منها بعد خسارة ربا اللي يعلم بيها من تغيير فتيس بسبب مشكلة الرزع برضو و حاجات تانية و انا قولت ان انا عربيتي اللي كانت تعبانة بس انا كان مع واحد صحبي العربية دية برضو و بعها علشان هيا معقدة جدااااااا فحاول تخلص منها قبل ما تخسر خسارتيييي

يا باشا ولا تعقيد ولا حاجة يظهر ان دي الحقيقة
هبقي راشق في الحرفيين علي طول
دة انا قابلت واحد معاه 308 موديل 2010 وكان رايح يغير لها بلوف وقاللي انه غير لها 3 مرات طرمبة بنزين اصلي

**Ahmed Saad** · 08-02-2014 02:39 PM

بصراحه عربيه في منتهى السوء وعن تجربه النتشه بتاعت الفتيس دا العادي بتعها قطع غيارها غير معمره موتورها كثير الأعطال نصيحه زي مالاخ الفاضل قالك بيعها احسن ماتصرف عليها وفلوسك تترمي في الأرض