هل فى حالات غش جماعى ؟؟

**ramymechanics** · 08-02-2014 10:06 AM

قريب المدام فى تالتة اعدادى اما النتيجة طلعت انهار عشان طلع التالت مش الأول عالمدرسة زى كل سنة لأن فى زملاء ليه فى المدرسة اجبروه على تغشيشهم باستخدام السنج والمطاوى هو وزمايله مش بس كدة المدرسين كانوا بسيبوا الطلبة تدخل ملازم للجنة بردو تحت تهديد الأسلحة البيضاء فهل فى حد اتكرر عنده الموضوع دة مع حد يعرفه علما بأنه فى مدرسة فالمقطم قريبة من مساكن الزلزال

ملحوظة: معتقدش انه بيكدب لأن مامته ايام الامتحانات كانت بتستناه قدام المدرسة وفى يوم امتحان الانجليزى اتصل بيها من جوة اللجنة وقالها ان فى ناس معاها سلاح وهى قالتله اكتب اللى ينجحك وانزل وفعلا حصل يوميها خناقة كبيرة وناس دمها ساح

**ganash** · 08-02-2014 12:52 PM

انا والدى كان ساعات لما بيروح يراقب فى الامتحانات الاهالى والطلاب كانو بيعملو كده لدرجه ان اكتر من مره اهالى العيال بيستنوهم بره المدرسه بالسنج والمطاوى وبيتصلو بالشرطه علشان تيجى تطلعهم