بالظبط يا باشا ... ياريت لو حد يساعدنا في ايجاد حل للمشكلة ده يا جماعة ... يعني فاضل ايه تاني نعمله وعلي فكرة والله اي فكرة بتقولها الخبراء انا بتفذها علي طول وبجرب لغاية ما اوصل للحل ....
عرض للطباعة
متابع معاك.. ويارب نوصل للحل
وش سلندر لو بتسقف جامد طول ما انت ماشى غيره احسن
ارجع على حساس الماب... اتاكد ان البزبوز اللى فى المنافولد اللى راكب فية الخرطوم اللى رايح لحساس الماب مش مسدود و ان الحساس نفسة قراياتة سليمة
MMamdouh
انا اعتقد الحساس سليم بس مش عارف يقراء التغيرات فى الضغط داخل المنافولد صح... و انت مش دايس بنزين البوابة بتبقى مقفولة و دة بيعمل فراغ قوى جوة المنافولد و بالتالى الكونترول بيفهم ان مفيش هوا كتير داخل للمكنة فا بيقلل كمية البنزين اللى داخلة للمكنة
لما بتدوس بنزين البوابة بتتفتح و الضغط بيقل جامد... المفروض الكونترول يحس بدة و يفهم ان فية كمية هوا كبيرة داخلة فا يدى بنزين كتير... انا اتخيل ان دة مبيحصلش نتيجة سدد فى الخرطوم او البزبوز و بالتالى الخرطوم بيبقى لسة الضغط فية قليل و مبيلحقش يتغير بنفس سرعة تغير الضغط فى المنافولد
بالتالى الكونترول مش بيدى كمية البنزين المطلوبة و بالتالى خليط الهوا و البنزين بيبقى فقير جدا (كمية البنزين قليلة جدا للهوا) و بالتالى بيحصل تسقيف
MMamdouh
يااااااااااااااااااه يا زمن
انا وقعت فى المشكله بتاعت حضرتك ديه ومنه لله اللى ورانى الويل فيها وقعدت سنه كامله متروق فيها
هاقول الاعراض اللى كانت عندى
العربيه مستحيل تسقف الصبح أو وهيه بارده
اول لما العربيه تسخن تبدأ المشكله
الحلول
مراجعة دورة المياه - بدون فائده
تغيير بوجيهات وفلتر هواء وبنزين - بدون فائده
تغيير طرمبة الميه والترموستات - بدون فائده
تغيير ترموستات الكوعه وشوية حاجات تانيه بسبب مشكلة ارتفاع درجة حرارة العربيه على السرعات العاليه - وبرضو التسقيف فضل موجود
وفى المرحله ديه ابتدى التسقيف يعلى جدااااااااااااااااااااااا اااااااااااااا
لغاية لما واحد ابن حلال قال لى نراجع على حساس الكرنك وساعتها لاقيت جزء منه مكسور وغيرته بالفعل وفى ساعتها التسقيف قل بنسبة 80% - الحساس الاصلى كان ب 125 جنيه تقريبا
لكن برضو لسه فيه تسقيف - والعربيه مش بتشوف حتى البنزين ال 90 كله 92
لغاية لما كنت بعمل شغل فى عربية واحد صاحبى واخدت كابلات البوجيهات بتاعته وجربت بيها - المشكله اختفت تماما
مع العلم ان طقم الكابلات اللى كان عندى كان كله اصلى ما عدا كابل واحد كان اتقطع منى - جربت طقم تايوانى المشكله زى ما هيه
رجعته وجبت الاصلى
واعتقد انك لازم تجيب الاصلي اللى ب 140 جنيه على ما اتذكر
طب ياباشا متجرب تغير حساس التسقيف من أي حد لأنه ممكن يكون فيه مشكله ومش قاريها جهاز الأعطال وحساس التسقيف ده اسمه بالانجليزي knock sensor جرب كده وشوف
متهيقلى مفيش حساس تسقيف فى اللانوس
انا مش بخمن انا عندى نفس المشكلة وتسلسلها كالتالى:
1- كلمت استاذ محمد ممدوح قالى ممكن يكون كرنك وسبايك
2- روحت للميكانيكى بتاعى قالى الموتور لازم يتفتح ونبص على الكرنك والسبايك والـ بيلات وتقريباً عمرة
3- روحت لميكانيكى تانى قالى كرنك وسبايك
4- روحت للميكانيكية اللى عندى فى الشغل بتوع حملة الاوتوبيسات قالولى الصوت من فوق فممكن يكون كامة وكوستبانات
4- روحت لميكانيكى مهندس معايا بيتعامل معاه ومصدر ثقة بالنسبة له قالى كوستبانات قافشة ومحتاجة تنضيف.... وفتحت الموتور وغيرت على حس ان العيب حيتحل طقم دبرياج واولسيهات وقواعد موتور وطقم سيور وبلية كاتينة وزيزت وفلاتر وكل حاجة محتاجاها العربية والمفاجئة بعد ده كلها وبعد ما قفلها لقيت الصوت هو هو بعد ماصرفت تقريباً 1900 جنيه وتقريبا دلوقتى بشد فى شعرى بسبب انى ولا منى سقطت موتور وريحت دماغى ولا منى كشفت على الكرنك والسبايك ورجعت لنقطة الصفر تانى............
ومظاهر العيب صوت قريب من التسقيف عند ار بى ام من 2.5 : 3 وبيروح لما ارفع رجلى من البنزين ولما اقرص على الغيار المهم يعنى ابعد عن الرينج ده وفى نفس الوقت العربية سحبها كويس واستهلاكها للبنزين ممتاز وكله زى الفل بس ماشى بيها وانا خايف احسن قالولى لو كرنك ممكن يقفش منك فى اى لحظة ويدغدغ الموتور.... بس ياسيدى ده الحكاية
انا نفسى اقابل محمد ممدوح او اى حد من الكبار دول عشان بس يوجهنى صح وماصرفش تانى على الفاضى
وده اللى مجننى انه فعلا ما بيبانش الصبح والعربية باردة انما بيبان بعد ما العربية تسخن او فى نص اليوم انما الصبح لا
وغيرت زيوت وفلاتر اصلى (بنزين & زيت & هواء) بوجيهات استاندرد
انما ما قربتش من سلك البوجيهات ولا حساس الكرنك وخايف بصراحة اجيبهم اصلى واتكلف والمشكلة تفضل موجودة فحستنا لغاية لما اشوف اخر المناقشات ده لانى زى مانا كاتب فى الرد على صاحب المشكلة لسه دافع 1900 جنيه على حس الموضوع ده ومفيش جديد
وياريت لو حد من الاعضاء يقابل حد مننا اللى بنعانى من المشكلة ده ويجرب معانا موضوع سلك البوجيهات ده او حساس الكرنك
فى انتظار الدعم منكم وممكن اقابلك او اقابل اى حد فى اى مكان بس اخلص واعرف سبب المشكلة ده احسن خلاص حتجنن
انا عندى نفس المشكلة بكل التفاصيل الى تم ذكرها
جوليت مو99 عاملة 130الف كم وملتزم بالصيانة الدورية
بس الموضوع قل شوية لما غيرت البنزينة واستمريت مع موبيل المعادى
لكن الميكانيكى مقتنع انها عيب بنزين
لغاية لما زهقت من الموضوع ومتعايش معاه
الله معنا
يا جماعة لو جمعنا مع بعضنا كدا كم الحاجات اللى كل واحد غيرها علشان نفس المشكلة دى هنبقى جمعنا عربية من جديد وفى المقابل نفس المشكلة موجود... لو مشكلة بنزين يا جماعة كانت ظهرت واختفت مع تغيير البنزينات ولكن ثبات المشكلة عندنا وإستمرارها مع تغيير كل واحد فينا قطع غيار بالكوم.. ومازال اللغز مستمر...
تركيز المشكلة اللى بنعانى منها هى سخونة العربية... لان الصبح وهى باردة مبتعملش كدا نهائى... فالمشكلة فى النقطة دى... اعتقد لو كانت كهرباء كانت هتبقى مستمرة، حاجة ميكانيكية متهيقلى ملهاش فى السخونية برضوا... نفكر سوا...
أتفق معاك، إحنا بنشاور بعض، بس بالنسبة للبوبينة من ضمن الحاجات اللى غيرتها مرتين ونفس الموضوع هو هو... مش بسبب القصة دى ياعنى غيرتها بس كانت باظت... ولكن الصوت كان ومازال متواجد، أما بقى بالنسبة للزوجة الزيت دى انا مفتيش فيها ومعرفش ممكن تؤدى للتسقيف بعد كدا..
اه بالمناسبة,,, لو بالفعل زى محصل عند اخونا ابو مروان المشكلة فى السلوك بتاعة الكهرباء... يبقى هل للسخونة علاقة بالموضوع ؟؟ هو دا السؤال...
انا بصراحة يا جماعة قررت امشى بالعربية لحد ماتجيب اخرها حتى لو الموتور اتدغدغ طالما بعملها الصيانات بتاعتها ولو حصل ده لاقدر الله حسقط شورت بلوك واريح دماغى وفى نفس الوقت حسمع اراء الزملاء او اقابل حد من خبرا اللانوس بتوعنا انما مصاريف تانى مش صاااااااااااااااارف:mad2:
يا جماعة انا ملاحظ ان الموضوع ده الكل بيعاني منه او نقدر نقول 60% او 70% والمفروض ان كان فيه ناس عندها نفس المشكلة ده بس المشكلة انها بتختلف من عربية لعربية بس لما نشترك في عيب واحد كلنا يبقي المفروض نلاقي حل ...
1- المشكلة لو في حساس الكرنك يبقي العربية ما تدورش اصلا وده من كلام ناس خبرة
2- المشكلة لو في السخونة او دورة التبريد بتاعت العربية ... انا عملت سكان بالكمبيوتر علي العربية وطلعت السخونة طبيعية جدا وما بتعلاش عن المعدل الطبيعي وهكذا مؤشر الحرارة طبيعي جدا وما بيعلاش عن قبل النص
3- لو في البوجيهات انا مغيرها من شهرين وعلشان اتأكد اكتر انا لسه منضفها امبارح بصنفرة ورجعتها لانج
4 - الاسلاك بتاعت البوجيهات لسها مغيرها من شهر وكوري اصلي مكتوب علي السلك نفسه made in korea
5 - لو في الموبينة انا اصلا من حوالي شهرين كانت الموبينة باظت بتاعتي بتجيب شرارة من فتحتين بس روحت غيرتها بواحدة جديدة ...
6 - فلتر البنزين ده اخر حاجة افكر فيها في مشكلتنا ده يا جماعة لأن مشكلة التسقيف ده بتظهر لما العربية بتسخن بس ..
والله العظيم يا جماعة انا لسه يدوبك طالع البيت وكان مؤشر الحرارة لسه بيعلي يعني لسه العربية ما سخنتش وطالع مطلع غبي جدا لأن انا بيتي علي مطلع يعني وفي المطلع ده لازم عربيتي تسقف طبعا .. لكن دلوقتي والله العظيم طالع علي التالت وما سقفتش خاااااااااااالص ولا سمعت صوتها وطلعت سريع جدا بسم الله ما شاء الله والله ... فكنت هتجنن والله اشمعنا لما تسخن اووووي ويبقي المؤشر بتاع الحرارة في مكانه الطبيعي لما تسخن بتسقف اووووي في المطلع ده وغير المطلع طبعا لما اكبسلها بنزين مرة واحدة ... انا حاسس ان الموضوع مضلع اووووي لدرجة ان احنا مش عارفين العيب فين غير ان احنا لازم نشتري حاجات كتييييييييييييير اووووي ونتعور في فلووووس كتيييير علشان في الاخر نكتشف العيب فين .....
ملحوظة : انا من الناس اللي بتخنق اووووي لما اغير حاجة او اشتري حاجة للعربية واركبها والمشكلة اللي بعاني منها زي ما هية .... فياريت يا جماعة حد يقولي العيب يكون فين بالضبط والله تعبت بجد ....
عارف ان اللى هاقوله ده غلط
انا اللانوس قعدت معايا 6 سنين تقريبا
أول 4 سنين تقريبا كنت بصرف عليها شهريا صيانات - تقريبا 6000 سنويا كل ده علشان اوصل ان العربيه تبقى فابريكه
كنت بشترى لها اغلى حاجه ولازم الاصلى
لغاية لما زهقت منها وسيبتها - وتوقعت انها هاتنهار لكن فضلت ثابته على حالتها لغاية قبل ما ابيعها
المصيبه انى قبل ما ابيعها شدتها جامد وصرفت عليها دم قلبى وبعدين بعتها
الخلاصه - اللانوس تسمع فيها صوت طنشه - لغاية لما تجيب اخرها
معلش يا باشا اللي انت بتقوله ده غلط 100%100 ... ما ينفعش اطنش عربيتي لأنك لازم تديها علشان تديك علي رأي جاسون ستاثام في فيلم transporter ... وانا اصلا من نوعية اول ما اسمع اي صوت غريب في عربيتي ما استناش عليه ولازم اعالجع واعرف العيب من ايه بالضبط ... وانا مستني اللي يديني الحل بردو يا خبراء المنتدي
الموضوع شكله غامض وملوش علاج
غير حساس الحراره وشيك على ثرموثتات الكوعه
الموضوع لو مرتبط بالحرارة ودورة التبيريد كان المفروض يظهر علي الكمبيوتر اي error او تبقي سخونة العربية غير طبيعية علي الكمبيوتر لكن انا لقيت الحرارة من 89 الي 92 درجة وطبعا الامبير زي ما هوة طبيعي قبل النص بشوية ...
انا معاك علي فكرة ان اول حاجة افكر فيها هية دورة التبريد او سخونة العربية بدليل انها اول ما بتسخن اوووي او بعمل بيها مشاوير كتييير بتبتدي تسقف ... وعلشان كده اول حاجة بصيت عليها علي الكمبيوتر سخونة العربية طبيعية ولا لأ وهل فيه اي مشكلة في حساس الحرارة ولا لأ ... لكن لقيت كله تمام وبردو انا مستني الردود والمناقشات من الاخوة لحل مشكلتي واللي علي ما اظن فيه كتييير زيي بيعانوا من المشكلة ده ....
لو حساس الحرارة فيه مشكلة هتلاقى قراية السكانر صح لكن حرارة المية الفعلية غلط
MMamdouh
المفروض ساعتها مؤشر الحرارة يعلا عن النص لانة شغال بحساس منفصل عن الحساس اللى بيعتمد علية الكونترول فى تشغيل المراوح... صعب اوى الحساسين يبوظوا مع بعض
MMamdouh
بالضبط يا باشا انا الامبير بتاع الحرارة عمره ما علي عن النص خاااااااااااالص ابداااااااااااااا بالعكس ده تحت النص بشوية
للرفع لأهمية معالجة العيب ارجووووووووووووووكم
يبقى الموضوع برة الحرارة
الوش بتاع العربية دى اتقشط قبل كدة؟
MMamdouh
لا يا استاذ محمد محصلش قبل كده ...