يعني خلاص يا جماعة اعتبر ان مشكلتي ده مالهاش حل ... بارك الله فيكم وعليكم يا باش مهندسين
عرض للطباعة
يعني خلاص يا جماعة اعتبر ان مشكلتي ده مالهاش حل ... بارك الله فيكم وعليكم يا باش مهندسين
احنا نروح المقابلة اللى جاية يوم الخميس اللى جاى ونطب على رجالة اللانوس طبة رجل واحد ونعمل كونصولتوا لعربياتنا ويبقو هما اللى جابوه لنفسهم وخصوصا استاذ طارق (tarek_2005)..........هههههههه
هههههههههههههههههه ... ماشي يا باشا وانا معاك بس هقولك علي المفاجأة بقي
انا من اسوان يا مستر هيثم
طيب بس بالله عليك اوعي تنساني يا نجم النجوم
انا هقولك
صحابى كان معاة نوبيرا 2007 ماشية 130 الف
كان بيشتكى من موضوع التسقيف وكان ريحة العادم مش تمام
المهم قلنا عايزة عمرة فكينا الموتور لقينا كمية شربون كبيرة على سطح البستم كانت مضيقة غرفى الحربيق وهو دة اللى كان السبب فى التسقيف
فى حاجة بتتباع بتتحط على البنزين FULL SYSTEM Cleaner STP جربها الاول هيا تقريبا ب 75 جنية جربها الاول
طيب يا جماعة هتعبكم معايا .. ايه طريقة استخدام ال FULL SYSTEM Cleaner STP ده يعني هوة ليه طريقة استخدام معينة زي منظف الرشاشات كده مثلا ... يتحط علي تفويلة ومايقعدش في العربية يعني امشي بيه مشوار طويل وكده مثلا يعني ولا ايه .....
اقراء المكتوب على العبوة نفسها
MMamdouh
حبيت اضيف حاجة بعد موضوع عملته من اسبوع تقريباً فى العربية عندى...
كان عندى المياه الخضراء اللى المفروض خضراء صدت، وكنت شايف تمليح خفيف فى الزور اللى راكب فيه خرطوم المياه الى فى علبة الريدياتير... رحت لبتاع الريدياتير فكينا لقيت فعلا الزور فيه شرخ المهم غيرت العلبة وغسلنا الريدياتير واتسلك وطبعا كمية الصداء اللى كانت فى العلبة ولا عربية الرمل...
ركبنا العلبة الجديدة وغسلنا الدورة كويس وحطيت مياه عادية للمتابعة وان شاء الله رايح بكرة انزل المياه واحط مياه خضراء تانى..
النتيجة...
حسيت ان العربية مش بتسخن زى الأول بسرعة والمؤشر بياخد وقته لحد يوصل لتحت النص بسنة، التسقيف اللى كنت ملاحظه بقالى اسبوع ماشى بالعربية مش بسمعه.. بس مش عاوز ادى لنفسى الامل مستنى شوية بس حاسس ان فيه جديد فى موضوع التسقيف وهو انى مش سامعه على الاقل لمدة اسبوع اهو...
متابع وهبلغكم
متابع يا باشا .... بس انا حبيت اقولك علي موضوعي انا بقي
انا من حوالي 4 ايام كده سافرت بالعربية ومشيت بيها لغاية ال 140ك/س لغاية ما البلي الامامي ضرب المهم ده مش موضوعنا ... انا بقيت طول وانا ماشي علي الطريق بحرق علي الغيار اووووووي يعني التالت علي 50 والرابع علي 70 و 80 والخامس علي 100 ومشيت طول الطريق رايح جاي بنفس الاداء ... وبعد ما رجعت يا باشا لقيت العربية اداءها اختلف تمام والله وبتنطلق علي طوووول والتسقيفة اختفت تماما والحمد لله ويارب تفضل كده علي طوووووووول .....
مبروك حل المشكلة
:0002014a: مهو الراجل ميعرفش حرقك يا كبير، هو ممكن يكون قصده ان التانى معاه بياخد لحد 50 مثلا...
تصدق انا لحد دقولتى معرفش انت ازاى يا محمد بتجيب التانى لحد 60 والله دانا بنقل على ار بى ام 3 وبحس انى هعيط على الموتور.... هههههههههه
عموماً انا نفسى اخد مشوار زيك كدا وافوق العربية بس للأسف مفيش وقت ومش عارف اخد المشوار دا فين للأسف... عموماً الحمد لله ان السقيف على الاقل مبقناش نسمعه لمدة اسبوع ولا حاجة يارب يكمل للآخر وينتهى تماما بقى علشان دا عامل هسهس...
التانى عندى اخره 40 توبيرا 2 اوتوماتيك 15000 cc
لما توصل على الRPM ألى 6500 يبقى انت كدة على اخر الغيار
MMamdouh
لا مش خطر... هو الموتور مصمم انه يوصل الى 6500 بامان... اكتر من كدة خطر عشان كدة متعلم على اللفات الاعلى من 6500 بالاحمر
انت مش هتعرف تدخل الريد زون اصلا لان الموتور هيفصل... الحالة الوحيدة اللى تقدر بيها تخش الريد زون لو نزلت نقلة و انت اصلا على RPM عالى... هنا هتخش على الريد زون و هتكسر الشواكيش
MMamdouh
ازيكم يا رجاله
معلش اخوكم مهندس تحكم وقياسات الكترونيه بس لسه مجيبتش عربية
فاستحملوا محاولاتي في الحل معاكم -افتكاسات مبتدئ-
اولا الerorr اللي طلع علي الاسكانر هو المشكله فعلا
بص حضرتك الجهاز حاول يقري الحساس فجاتله اشاره اقل فكتبها زي ماهي علي الشاشه 89-92
بس في نفس الوقت بعتلك رساله تقولك في اشكال في السينسور ده
اقتراحي غير السينسور وشوف اظن العربيه كانت فعلا بتسخن زياده بسبب تسريب الرادياتير
ولذلك حل مشكلته الاول مغير الحساس ولا مانع من اضافه المنظف وفتح الماتور بعد التنظيف -احرق يعني في مشوار ولا اتنين-
طيب واللي معندوش ار بي ام يعمل ايه يا كبييير
بسيطه جدا
هتعمل قياسات بنفسك عن طريق الضغط على الدواسه وانت واقف بالعربيه وتخليها مراحل ...
يعنى زى مسطره كدا .. تجيب اخر الدواسه وتسمع الصوت وتانى مره تدوس فى النص وثالث مره العادى بداية المشى بالعربيه على الاول ...
وبعد كدا تمشى بالعربيه وتدوس على الاول لغاية ما صوت الموتور يعلى وتحس ان العربيه ما بتسحبش يعنى هيوصل معاك لسرعه 30 او 40 وبعد كدا التانى تدوس عليه لغاية ما تلاقى بطل يسحب وتقريبا هيوصل لسرعه 70 او 80 وهكذا يبقى انت كدا عملت معيار لنفسك بدون ما تعتمد على ال r.p.m
الراجل مش عاوز يقول ان سواقتك هى السبب فى التسقيف
بمعنى اخر انك لو سوقت اى عربيه هتسقف والعيب مش فى العربيه بتعتك (بس الراجل حب يقولها بشياكه )
خليك مع المشاركه بتاعه ا / ممدوح انك تسوق بشكل اقتصادى لو عندك rpm يبقى متنقلش الغيار قبل 3000 ولو معندكش يكون زى الاستاذ ممدوح كتبه
أخى الفاضل الكلام مكانش ليا أولاً دا كان لصاحب الموضوع،، ولو التسقيف اللى عندى برضوا بسبب نفس الموضوع يبقى كدا مش انا لوحدى اللى عندى العيب الناس كلها اللى بتسوق.. الأخ الفاضل طارق ركب معايا وكان عنده نفس العيب فى عربيته... معنى كدا انه نفس حالتى ونفس حالة صاحب الموضوع كلنا رجلينا فيها عيب فى السواقة؟؟؟
معتقدش...!
اولا يا سيدى متزعلش انها جت فيك انا فعلا كنت اقصد التوضيح لصاحب الموضوع (تقبل اعتزارى)
ثانيا : الراجل كان قصده على عيب صاحب الموضوع فقط لآن مش بضروره ان يكون فى عيب فى العربيه عندى وعندك ان الحل يكون واحد
وبذلك انا اعتقد
حد وصل لحاجه في موضوع التسقيف دا يجماعه؟؟؟؟؟؟؟؟؟؟
ياريت صاحب الموضوع يقولنا المشكله اتحلت ولا لسه عشان انا جبت اخري وشكلي هبيع العربيه بسببه