مبروك يا استاذ صدام وياريت حضرتك متنساش الصور
والله انتا راجل محترم وشخصية ظريفة جدا
عرض للطباعة
مبروك يا استاذ صدام وياريت حضرتك متنساش الصور
والله انتا راجل محترم وشخصية ظريفة جدا
والله يا استاذ صدام مواضيعك كلها جميلة وشيقة
وواضح خبرتك فى مجال السيارات
لكن لو انا مكانك كنت هعمل قصة وحكاية وموضوع لكل عربية
يعنى مثلا
العربية الاخيرة اللى انت جبتها دى كنت تعملها موضوع وتصورها وهيا عليها التراب وتصور مراحل النقل على الونش وبعدين صورها وهى رايحة الورش وهكذا ......تقوم تلاقى الموضوع شيق فعلا ومثير وتلاقى متابعة والناس مستمتعة ومنتظرة
وتبقى كل عربية بموضوع لوحدة مدعم بالصور
اكيييييييييييييييييييد هيبقى اجمد واحلى من موضوع بدون صور
وفى النهاية ربنا يوفقك
صديقي المواطن
مبدئيا أنا واخد للعربية لغاية دلوأتي فوق ال 100 صورة حتى قبل مشتريها ولما نفخت العجل ولما شالها الونش وفي الطريق وعند السمكري وهكذا وكل عربية من عربياتي بعمل كده وكل عربية كمان بيبقه ليها قصة شيقة وتستحق تتحط في مواضيع مش موضوع واحد لكني مش من هواة كتب المواضيع جدا كل فترة كده بكتب موضوع مبعملش زي بعض الناس يروح يركب غطا بلف للكاوتش وييجي يكتب عليه موضوع
أما الصور فلغاية في نفسي ونفس يعقوب مبحبش أطلع وأوري للناس مصارين وداخليات وأصل وفصل عربياتي ﻷن طبيعة البشر دائما والمصري خاصة عنيه بتيجي عالوحش قبل الجميل وكمان الصور لا تبين الحقائق يعني لما إبتديت رش اﻷلماز والذهب والجواهر لعربياتي في الصور ميبانش ﻷن رسيليوشن الكاميرا مش جايبه لكن في الحقيقة يبان أوي أوي أوي وكمان من طبعي أحب الناس تشوف العربية في الشارع وأنا ماشي بيها وكمان في النية من أول 2015 حبتدي أحضر دعوات مقابلات المنتدى التي توجه لي شبه أسبوعيا وقررت أحضر بكل عربية معدلة عندي تستحق أتباهى بيها وتكون جاهزة من كله ونسأل الله الثبات
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
الانسيجنيا اللى كنت عاوز اركبلها حليتين شكمان من ورا،،،،فاكرها،،،اتقل عليا بس استلمها واشقلبها وححسرك على عربياتك،،،،،ههههههههه اكيد بمرح معاك يا اكبر اسطى وصاحب مزاج عالى جداً فى المجال ده،،،،،قولاً واحداً انا لسه شبطان فى العزومه اللى عزمتنى عليها وانك. حتساعدنى فى شقلبه العربيه
ربنا يفتحها عليك ويبقى عندك بدل المجموعه ١٠ ويبعد عنك عين الحاقد والحاسد
سلام يا زمييل ولنا لقاء قريب بإذن الله
صديقي المواطن
أتحفظ على كلمة أسطة جزاك الله خيرا
أنا صدام المواطن
تقدر تقول المهيب الركن على اﻷقل ده أنا مش من زمان أوي لغاية قبل 3 سنين كنت بمشي وراية 7 عربيات حماية فمش معنى بحب هواية العربيات السلم الوظيفي بتاعي حيتدهور وأوصل أسطة وأنا بحب اﻷسطوات كلهم ولكن الناس مقامات وأنا أقل واحد فيهم على فكرة والزبال كإنسان أحسن مني عشان محدش يقول مغرور أهوه
بس عندك خيارات كتير عندك برنس عندك كبير عندك عظيم عندك صغير عندك ضايع عندك بتشتغلنا لكن توصفني توصيف وظيفي فدي مش مهنتي وأنا عشان مشاركتك دي لما حطلع معاك أظبط عربيتك كنت حأكلك كباب وكفتة دلوأتي ومرة واحدة مستواك وقع عندي وحكتفي بأني أعزمك على فراخ مشوية ومن غير بيبسي كمان
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
طب هو اللى يركب غطا بلف للكويتش مش بردو موضوع مفيد ولا ايه !
الف مبروووك ... والله اتمنى ان اشتري سيارة خارجة من تحت ايدك
صديقي المواطن
ده مثل أنا قلته للتندر ولكن تعال إتفرج على ختاقاتي مع أي بتاع كاوتش لو محطليش الكاوتش ده مش بعيد أحرمه من اﻹكرامية اللي ممكن في ساعة كرم وتجلي توصل ربع جنيه بحالهم
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
ده بلف حبنا هو إحنه نعرف نعيش من غيره
صديقي المواطن
كان منى عيني ولكن أنا للأسف ساعة كتب أي عقد إبتدائي لعربية منضمة لمجموعتي بتبقه جزء من دورتي الدموية ومحدش بيبيع دمه ومجرد متفتح ليها سجل مصاريف صارت غير قابلة للبيع
ولكن لو حضرتك عشمان فأنا ممكن أصنعلك عربية كلاسك ليس لها مثيل في مصر مجددة كأنها جايه من ألمانيا وأمريكا وحتولى أنا كل شيء بس حتاخد وقت من 8 شهور إلى سنة ودخ وقت بسيط لتكون مميز وإنت راكب في الشارع ومش شرط كلاسيك ممكن وإنت هناك من بره تختار نوع العربية إللي نفسك تعدلها حتى لو كانت زيرو وأنا أزقهالك وسط عربياتي في الورش المنتشرة في أنحاء الجمهورية وممكن أديلك عليها ضمان سنة و 15 ألف مختوم بختم صدام المواطن وضمان البوية ةالسمكرة سنتين هو حيقعد 20 سنة لكن الضمان سنتين عشان حصلح على حسابي لو أي حاجة حصلت سبب إهمال في إعادة التجديد الضمان لا يشمل الفتيس والدبرياج ﻷن دي حركة قسوة رجل ولما ترجع من بره بعد شقى السنين حتلاقي عربيتك مركونة في المطار تركبها ولغاية متخش بيتك كل مصر بتصورك وتقوللك تبيع ولما توصل البيت تحضن عيالك هم حيكونوا مشغولين عنك بحضن العربية وبيقللك خلاص بابانا عدى بعد طول السفر ورجع مقفل أول 5 مليون جنيه والدليل عربيته اللي ملهاش أخت
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال