والله مش عارف اقول اية على الشربات اللى بيخلينى ما بطلش ضحك واقول ربنا يضحكه فى الجنة ذى ما بيضحكنا بإسلوبه الراقى العسل ومعلوماتة الجميلة المختصرة ربنا يكرمك دايما انا اصلا بحبك من الاسلوب دة وبحب اقرأ ردودك جدا
عرض للطباعة
والله مش عارف اقول اية على الشربات اللى بيخلينى ما بطلش ضحك واقول ربنا يضحكه فى الجنة ذى ما بيضحكنا بإسلوبه الراقى العسل ومعلوماتة الجميلة المختصرة ربنا يكرمك دايما انا اصلا بحبك من الاسلوب دة وبحب اقرأ ردودك جدا
صديقي المواطن
قولا واحدا إنت مكانك في القلب محفوظ وحنزل أجيب شكارتين أسمنت وشوية حديد عشان أبني سور وأسور حبك داخل قلبي للأبد عشان محدش يخطفك مني
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
ملحوظة بكام اﻷسمنت النهارده أيها اﻷخوة المواطنون عشان شكل موضوع بناء السور ده بهوق مني ووسعت مني
صديقي المواطن
قولا واحدا إنت مكانك في القلب محفوظ وحنزل أجيب شكارتين أسمنت وشوية حديد عشان أبني سور وأسور حبك داخل قلبي للأبد عشان محدش يخطفك مني
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
ملحوظة بكام اﻷسمنت النهارده أيها اﻷخوة المواطنون عشان شكل موضوع بناء السور ده بهوق مني ووسعت مني بس خلاص إدينه للراجل كلمة وزمال العمال شغالين على باب الله من النجمة
الشيكارة 20 جم
حب الاعضاء هنا بتلاقيه عمال يطلع لوحده كدة من غير ما تحس
فخد بالك بعد كدة لانك لو استعملت اسمنت يبقى هتخلص اسمنت مصر
المواطن صدام
انا كنت هكتب مشاركة بس رجعت في كلامي خوفا على زعلك
بس اقدر ااقولك تحياتي
صديقي المواطن
وهل نجرؤ نزعل من عضو كبير وعمود مسلح من أعمدة المنتدى قول براحتك يا مواطن ولا تقلق أنا أساسا رميت طوبة نفسي ولا عودة عن التطرف في عالم السيارات مهما حدث ولن تأخذني بنفسي رحمة ولا شفقة وأنا أساسا كاره الدنيا والحياة وكاره نفسي واللي مخليني مستمر بالشغل والعمل والحياة هو عشان أطور مجموعتي وأكبرها وأبنيلها متحف داخل بيتي وبعديها أرجع أسافر زي زمان وأحضر معارض ونبقه مقتنين بجد مش أي كلام وناخد عربياتنا بالطيارات نحضر بيها معارض وإبني تطلع حصرة في قلبه إنه يركب وحده من عربياتي المعدله وطبعا ده مش حيحصل بس حجيبلهم عربيات زيرو أي كلام لكن عرببة من المجموعة من أيام الزمن الجميل يركبوها قولا واحدا مش حيحصل
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
تحياتى من اسوان حيث السياحة نايمة والدنيا فاضية والفنادق عاملة عروض جامدة ومنتظرك ولو مش عاملة عروض بيتك موجود
وانا لو كنت فى السياحة ومدير كنت حطيت عربيك رقم واحد فى متحف النوبة بدل نادر بكار اقصد بكار بس محدش يفهم غلط
عم صدام بصراحة مع ان افكارك بالنسبة للمجتمع غير واقيعه واحنا لو قسنا بالواقع حنركب تكاتك مش عربيات
(واحد قريبى امبارح بيقولى بدل ماتشترى عربية bm كلها اربع عجلات وهاتلك فيات مع احترامى الشديد لراكبى الفيات ناس كلها محترمة او هتلك حتة ارض )
ولو بالواقع مش حنعيش مع العلم انه يوجد قياسات بالواقع فى بعض الامور.....
بس بجد انت اسطورة فى عالم السيارات والمفروض تقدم برنامج دوس بنزين بدل تامر بشير
بس ياسلالم لو كنت مجوز كنت حتجيب صدام صغير يساعدك
وشكرا للمنتدى واعضائة الموسسين والقائمين
صديقي المواطن
أنا منذ سنة أو أكثر بقليل عرض علي فعلا عمل برنامج مع زميلي في التعديل محمد البديوي ينافس دوس بنزين وكنت حكون أقرب من تامر بشير للشعب ﻷني دايس مع الناس كلها وعارف الناس بتفكر إزاي وكنت حخش ورش اﻷسطوات أنقل تجارب حية ونسافر بره نتابع أخبار السوق بدل أخبار السباقات التي لا تهم المواطن المصري أبو 127 و 128 ببصلتين وشوية بقدونس لكن هو بيعمل اللي يقدر عليه وربنا يعينه بيدن في مالطة محدش بيساعده في بلدنا
وربنا يعدل حال السياحة وأنا أحب أقلك متفضلش تعزمني كتير عشان أنا كده جايلك جايلك أقعد 4 أيام عندك وأنا إنسان عنيا فاضية وشغل الفول والطعمية والكشري تخدعني بيه ميسدش معاية تفطرني فراخ وتغديني لحمة وتعشيني فراخ ولحمة لكل أنواعها يعني بالمختصر تقل جيبك عشان حتتعور وحطيرلك مرتب الشهر ﻷني ححرق بنزين من القاهرة ﻷسوان وحمشي بسرعة 200 وحصرف تكييف وحصرف كاوتش وحصرف كهربة كلاكسات وأنوار فكل ده لازم يتعوض وأكيد حييجي اليوم ده بعد شهر بعد سنة بعد سنتين جايلك جايلك فأنصحك نصيحة حسبة لله تعالى شوفلك أي حجة قدام وإقطع علاقتك بيا أحسن مخسرك 2000 جنيه في أربع أيام
اللهم قد بلغت اللهم فإشهد
ملحوظة بالنسبة لصاحبك اللي نصحك تجيب فيات فأنصحك الصاحب ده صاحب سوء وإنت عشان تترقى وتطلع لفوق لازم تكنسل الصاحب ده من حياتك وتمسح أرقامه وتنسى مكان بيته ولو إتصل بيك قول له إنك شفته بس مش عارف فين
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
1- ليه مرضيتش بالعرض دا مع محمد البديوى لان بردو موضوع التعديل مش كل الناس عندها شغف بيه - وتامر بشير اللى عملة شهرة انه من حوالى 3 رمضانات (حلوة 3 رمضانات دى انا ضعيف لغه عربية معرفش جمع رمضان) انه كان بيجيب كل يوم عربية ويتكلم عليها من العربيات بتاعه 80 % من الشعب وعلى فكرة اتكلم كتير عن كيا سيراتو وهو على فكرة طيار
2-عمرى ما فكر اقطع علاقتى بسبب النقود او المصاريف وفداك 2000 يورو مش جنية وثانيا صرف الكهربة والانوار نسيت ان السد العالى عندنا ولا ايه
3 - اللى نصحنى بالسيارة الفيات دا ابن خالتى اعمل معاه ايه؟؟؟؟؟