كيفية تلميع الكاوتش

**loai-omar** · 15-10-2008 12:01 PM

احسن حاجه تلمع بيها الكاوتش

STP Son of a gun

بعد غسيل الكاوتشات كويس

و بيفضل في الكاوتش مده كبيره لو بعدت عن الميا

نتيجته ملهااااش حل هوا غالي شويه بس تمنه فيه

**kefafy** · 21-10-2008 01:16 PM

طريقة الورنيش مجربة وشغالة زى الفل
ومهما الكواتش جة علية طينة حتى برشة مية بيرجع جديد
من وقت للتانى بلمعة بالورنيش وسعات بجيب ازازة صبغة احذية سودة ب 3 جنية واخفها بنص لتر سبرتو
وحطها فى ازارة وارجهم كويس
بعد كدة بغسل الكوتش بمية
ولما تنشف المية بركب بخاخ على الازارة بتاعة السبغة برش بيها الكواتش
واسيبة ينشف
والحمد لله لا بتشقق ولا بتنشف الكاوتش
ولون الكوتش كئانة جديد تماما
طبعا فى انواع جاهزة فى السوق كتيير لسترجاع لون الكوتش الاصلى بتبقا جاهزة ولكن سعرها بيبقا غالى ( ممكن اجيب بتمنة حاجة اقيم للعربية بدل ملمع الكوتش )
وعموما كلها مركبات كيميائية ولكن انا بقول ان السبرتو اساسا حتى لو جه على الجلد مش هيضر لان تبخرة سريع جدا ومطهر للجروح كمان ( اقصد السبرتو الطبى طبعا :k48: )

**aymansaad** · 21-10-2008 10:16 PM

ساجرب هذه الفكرة

**aymansaad** · 21-10-2008 10:20 PM

انا شفت مرة سواق تاكسى يضع كوكاكولا على سفنجة ويغسل يها الاطارات بعد غسلها جيداوكانت لمعتها ممتازة

**2hmed_7osam** · 22-10-2008 01:23 AM

المشاركة الأصلية كتبت بواسطة kodak_gti

الورنيش الدهان افضل من الورنيش الساسئل طبعا
لأن الدهان بيحافظ على الجلد
لكن السائل بيعمل تشققات للجلد مع المية والحرارة بتاعة الاسفلت
بس حد يجرب ويقولنا

:D:D:D:D طيب متجرب انتا وقولنا وطمنا :D:D:D:D

**kefafy** · 22-10-2008 10:29 AM

والله يجماعة انا عن نفسى وبعمل الموضوع ده وشغال تمام والحمد لله
وبالنسبة لموضوع الكاكولا دى كويس بيلمع بردو بس لازم تكون راكنها فى مكان مفيهوش اى تراب نهااااااائى لان الكواتش هيلم كل التراب الى طاير حتى فى الجو دة لحد متنشف الكاكولا
بس فى نقطة مهمة جدا وياريت لو حد عندة خلفية عنها يريت يقولنا
شوفت فى مترو ماركت
كزا نوع من انواع بخاخات زى البليدج و الجلانس بس لتلميع كل ما هو نيكل
وفى صورة عرض المنتج شكل الجنط بيبروق زى المريا كان سعرهم اقل حاجة 25 جنية وشوفت نوع تانى 40 جنية مش فاكر بظبط
طب ازاى الواحد ممكن يعمل حاجة زى دى
انا عن نفسى قريت فى منتدى اخر قبل كدة عن تركيبة وبلفعل قمت بعملها وهى كانت
حطيت فى ازازة جلانس نص ميه و النص التانى خل ومقدار غطايين صابون فيرى (او بيريل ) السائل
ورجيت الخلطة السرية دى مع بعض
ورشيط الجنوط عندى و الاكصدامات و المرايات
عشان نيكل يعنى
بس اكتشفت انهم نظفو عادى يعنى كانى غسلتهم بشوية مية فقط
فلو حد عندو فكرة افضل ياريت يقولنا عشان الكل يستفاد

**nobody** · 24-10-2008 02:51 PM

شكرا لكل الأعضاء على تفاعلهم مع الموضوع
أنا كان غرضي من الورنيش حماية الكاوتش مش تلميعه فقط
الورنيش الصلب بيعمل زي طبقة شمعية بتحمي الكاوتش و أيضا بتديله لمعة
أما المنظفات اللي في السوق بتدي لمعة فقط وأكيد لها آثار سيئة على الكاوتش لما تحتويه من مذيبات
و أيضا فارق السعر علبة الورنيش ب 1.75 جنيه أما المنظفات فأقل حاجة 25 جنيه