محتاااااار ارجوكم افيدونى فى ال جين 2......

**scaryface** · 11-07-2007 04:35 AM

بسم الله الرحمن الرحيم ......
ياجماعه انا والله محتااار جدا والحمد لله الى هدانى للمنتدى دة.
انا انشاء الله ناوى اشترى عربيه اليومين دول وبعد بحث طوييييل .....وجدت ثلاث عربيات عجبنى اوى.....
ا.بروتون جين 2
2. هيونداى نيو أكسنت
3.ميتسوبيشى لانسر 1300
بس البروتون هى اللى عجبانى اوى لآنها شبابيه وفيها جميع الكماليات وAbs,ebd,Airbags
وهو ما يفتقر اليه باقى السيارات السالف ذكرها ......
بس انا خااااايف اوى من حكايه قطع الغيااار الغاليه بتاعتها وخصوصا ان انا فى اسكندريه ومعرفش انه فى محلات عندنا بتبيع قطع الغيار بعيد عن التوكيل واسعارة ولا لآ وهل يوجد مراكز صيانه قريبه ام لا.......وهذة المشكله محلوله تماما فى الميتسوبيشى.....فأرجوكم افيدونى ......وشكرا ليكم

**M.Elsheikh** · 11-07-2007 04:55 AM

مبروك مقدما :D
اهم شئ في السيارة قطع الغيار و الصيانة :shock:
كل السيارات حلوة و هي جديدة و معروضة في المحل
و لكن المهم مصاريف تشغيلها
شوف الاسهل و الانسب لك و اشتريها :?:

**fahd_628** · 11-07-2007 04:59 AM

بما ان حضرتك شكلك شاب :) يبقى الجين 2 من رأى افضلهم

عربية 10 على 10 فى الموتور و الثبات و الصاج

بس تقفيلها اسمع انه مش اوى يعنى فية حاجات بسيطة كدة بس كمالياتها ممتازة و كمان فيها على ما اذكر 10 سى دى تشينجر و كاسيت بلاوبانكت و دية ماركة عالمية مشهورة جدا و 2 ايرباج و فرامل ABS و EBD و شكل ما شاء الله جميل جدا بس اسمع والله اعلم علشان انا مركبتهاش ان سقفها من ورا واطى بس برضة اركبها انت و شوف و لما ان شاء الله تشترى اى عربية اتأكد ان كل حاجة فيها شغالة ( مثال الكاسيت و كل السماعات شغالة و الزجاج و الانوار و كلة كلة )

و انا شايف ان الجين 2 مش نادرة يعنى و انا على فكرة من الأسكندرية :) و بشوفها كل يوم

و مبروك مقدما :)

و اهلا بيك معانا فى المنتدى

**fahd_628** · 11-07-2007 05:05 AM

و دة Brochure للجين 2

http://media.proton.com/public/media...chure_Gen2.pdf

بس لازم يكون عندك برنامج Acrobat علشان تشوفة

و ربنا يوفقك

**scaryface** · 11-07-2007 02:43 PM

شكرا على ردك يامحمد وربنا يوفقنا فى الاختيار ان شاء الله.............

وشكرا جزيلا على ردك الجميل يافهد والله اعلم انا قد ايه معجب بالعربيه ........بس المشكله انى معنديش اى فكرة عن مشاكلها بأستثناء عيوب التقفيل......فلو حضرتك سمعت عن اى عيوب بيها ياريت تذكرها ......
فأعذرنى لو كنت هتقل عليك بما انك من اسكندريه ماتعرفش محلات لبيع قطع الغيار ليها عندنا ولا لآ
...........وشكرا على مجهودك الجااااااااامد دة والملف الى حضرتك جبته بجد تحفه ....

**fahd_628** · 11-07-2007 05:45 PM

العفوو يا باشا على اية دة احنا اخوات

بصراحة انا معرفش اى محل فى الأسكندرية متخصص ى قطع غيار بروتون و بالنسبة للمشاكل انا مسمعتش فيها اى مشكلة خالص و برضة ممكن الأخوة اصحاب الجين 2 هنا يفيدوك اكثر منى

استنى رأيهم :)

**scaryface** · 13-07-2007 02:09 PM

ايه ياجماعه فين ردود اصحاب الجين 2 والله انا محتاجه ضرورى اوى .........
عايز اعرف ايه مشاكلها......
ايه نظام اسعار قطع الغيار وهل جميع قطع الغيار متوفرة خارج التوكيل ولا لآ....
وياريت سرعه الرد أرجوكم...

**Ahmed Hassan** · 13-07-2007 03:47 PM

لو العربيه عاجباك توكل على الله و هاتها. هوه مفيش حاجه غير موضوع التقفيل ده.

بالنسبه لقطع الغيار دي عربيه زيرو... يعني ان شاء الله مش هتحتاج تعمل فيها حاجه دلوقت خالص... و يا سيدي لو حتى قطع الغيار مش موجوده غير في القاهره مثلا بردو دي مش مشكله يعني... المهم تجيب العربيه اللي عاجباك و تستمتع بيها.

**scaryface** · 13-07-2007 05:46 PM

ربنا يخليك يأحمد باشا والله كلامك عين العقل بس هى المشكله مش ان قطع الغيار موجوده فى القاهرة والاسكندريه لآ لو على كدة الموضوع هيبقى سهل المشكله هيه موجودة برة التوكيل ولا لآ
ولو احتجت اى حاجه هلاقيها برة التوكيل ولا ......
وشكرا ليك ولردك المفيد...شكرا جزيلا...