العمليه دى ملهاش اعراض جانبيه زى ما حضرتك بتقول
فى ناس عملينها من التسعينات و الدنيا تمام(فى السعوديه و الدول العربيه)
اللى ناوى يعملها يدخل ع النت و يقرا كويس و يشوف رأى دكاتره العيون فى كل المنتديات
عرض للطباعة
شكرا لكل الاعضاء المحترمين اللى شاركوا فى الموضوع مقدر مشاركتكم جدا
انا يوم الاتنين خدت حباية الشجاعة وكلمت دكتور محمد توفيق وبعدين كلمت مركز رؤية مصر الجديدة حجزت يوم الثلاثاء ورحت وعملت الفحوصات والعملية فى نفس اليوم والحمدلله كله تمام
الف مبروك وان شاء الله تبقى صقر
شاهدت برنامج على التلفاز لطبيب عيون مش متذكر إسمه تحدث فيه عن عملية الليزك واتضح لى أن المشكلة كلها أو ال trick فى إزالة طبقة من القرنية رقيقة وعمل العملية ثم إرجاعها مكانها مرة أخرى
وقال أيضاً أن خطورة هذه النقطة زالت بعد وجود جهاز حديث كما أشار عنه العضو egytamer يقوم بكشط القرنية ولكن طبقة رقيقة جداً جدً ثم إرجاعها مرة أخرى وهنا قلت خطورة ا لعملية
وقال أيضاً أن هذا الجهاز لا يوجد إلا فى بعض العيادات وانتشاره قليل فى مصر
انا لغاية دلوقتى 4 فى العائلة عملوها و تمام مفيش مشاكل والحمد لله الكلام ده من سنتين والتكلفه كانت 3000 تقريبا
الاخوة الافاضل الواحد بجد استفاد من خبراتكم
ان شاء الله ناوى اعملها لما انزل فى رمضان على مصر المحروسة لانى سالت على العملية هنا فى السعودية بجد احنا فى نعمة العين الواحدة 9500 ريال وشغلوا الالة الحاسبة *2
بجد انا اعرف ناس عملاها من سنة 1991كانت عند دكتور مشهور اوى فى سموحة وقتها والحمد لله كان نظرهم كعب كوباية دلوقتى بيحتاجوا ظارة قراية بس وربنا يرحمنا بقى من النظارات عشرة 19 سنة
الداكترةبيعملوها عشان الجهاز ده بالنسبه له مشروع تجاررى مش اكتر ولا اقلل وكده كده هيعملك العمليه سواء كانت سمك القرنيه تسمح اولا تسمح ونصيحه منى انا كمان لو نظرك مش ضعيف اوووووووووووى بلااااااااااش ليا قرايبى عملوها وكله ماشى بالقطرة ده غير الصداع والنظر بيرجع يقل تااااااااااااااااانى
الله يبارك في حضرتك :)
الله يبارك فى حضرتك هو انا كنت خايف من موضوع الكمبيوتر وخفيته شوية والدكتور قى الاستشارة قالى مارس حياتك عادى ومارس الرياضة برحتك بس التحذير الوحيد هو دعك العين
بصراحة خلع الدرس فيها الم عن الليزك اهم حاجة سمك القرانية ودقة الدكتور اللى بيعمل العملية فى رفع الطبقة الشفافة من القرانية وانه يرجعها مكنها تانى بكل دقة
هنا فى مصر الفيمتو سمايل ب7000 متوسط ودى اعلى نوع فى عمليات الليزك اقلع النضارة وريح دماغك
انا معاك ان فيه دكاتره جزرين ودول فى كل مجال الطب عامة فى مصر بس موصلتش لدرجة انعدام ضمير الدكاتره فى مصر كلها ياعنى مقابل كل دكتور معندوش ضمير وعايز يكسب وبس 10 دكاتره عندهم ضمير وعارف ياعنى ايه عين انسان واعرف ناس رحوا يعملوها والدكتور قالهم مش هتنفع
ومثلا الدكتور اللى عملت معه العملية المساعدين هما اللى عملوا الفحوصات اللى ع اساسها بيحكم اعمل العملية ولا لاء بعد ما استلم الفحوصات عملى مرجعة فحص تانى بنفسه عشان يتاكد ان كله تمام ومفيش اى غلط فى القياسات واحتمال كبير الناس اللى انت بتتكلم عنهم يكون عندهم مشكلة فى النظر اساسا وربنا يشفيهم
وانا الحمدلله كله تمام ومظهرتش اى مشاكل معايا من بعد ما عملت العملية اللى المفروض ميبقاش اسمها عملية اصلا
السلام عليكم ورحمة الله وبركاته
أستاذ إسلام انا وصلت للموضوع بتاعك عن طريق جوجل
انا المفروض هعمل العملية إن شاء الله عند دكتور محمد توفيق بس المشكلة انى معرفش اى حد عملها عنده يقدر يفيدنى لأنى عرفته أصلا عن طريق النت
فياريت لو تفيدنى
وجزاك الله كل خير