كرولا 2014 خليجى

**m_kamal** · 10-02-2014 11:53 AM

السلام عليكم يا باشا
انا اشتريت العربية الكرولا 2014 و انا عايش فى الكويت انا كمان و ناوى انزلها مصر ان شاء الله
كنت فى نفس حيرتك و صدمتك ... و رحت بصيت عالسيراتو و الالنترا
اتوهمت باوبشنز السيراتو اما الالنترا ماوهمتنيش خالص
كنت ناوى فى الاول خالص عالاوكتافيا .. بس صرفت نظر عنها لما لقيتها نازلة بالفتيس ال dsg زز مع انها وهمية فى كل حاجة .. قوة و ثبات و كل ما تتمناه
بس فى الاخر اتوكلت على الله و جبت الكرولا ال 1600 الفول علشان اعادة البيع لو اضطريت ابيعها فى اى وقت هتجيب احسن سعر ... هى احسن تكييف .. و اعلى اعتمادية ... و فرق الاوبشنز عن اللى فى مصر مش هتحس بيه قوى الا ما تنزل مصر و هتكون اتعودت عليها خلاص .. و انا الحمد لله مرتاح مع العربية و مش متضايق منها فى حاجة

و على فكرة انت حاطط صورة اقل مواصفات xli مش اعلى مواصفات اللى هى GLI جنط 16 و بصمة ;)

و ربنا يهديك للصواب ان شاء الله

**yassermahmmoud** · 11-02-2014 07:29 AM

ألف مبروك على السيارة، وياريت تقول لنا عن ارتفاع السيارة هل أعلى من الموجودة في مصر؟ وأيضاً عن عزم السيارة وثباتها وسواقتها؟

**m_kamal** · 11-02-2014 09:29 AM

المشاركة الأصلية كتبت بواسطة yassermahmmoud

ألف مبروك على السيارة، وياريت تقول لنا عن ارتفاع السيارة هل أعلى من الموجودة في مصر؟ وأيضاً عن عزم السيارة وثباتها وسواقتها؟

الله يبارك فيك و يكرمك

بالنسبة لارتفاع السيارة لم تواجهنى به اى مشكلة ولله الحمد الا مرة واحدة حتت البلاستيك اللىى قدام العجلة الامامية خبطت فى رصيف مكنتش شايفه و دى غلطتى انا طبعا ... مع الاخذ بعين الاعتبار ان الشوارع و المطبات هنا فى الكويت ليست كمصر .. اظن انها نفس الارتفاع و لكن الفرق فى الشوارع

عزم السيارة مقبول جدا بالنسبة لعربية 1600 سى سى .. فى الاول طبعا كنت مخنوق منه لأن كان معايا قبلها كابريس 8 سلندر و 5700 سى سى ... بس اتعودت عليه و بالمقارنة بنفس فئتها مقبول جدا

ثبات السيارة بصراحة رائع .. انا اكتر سرعة جبتها بيها كانت 165 و ما شاء الله ثابتة على الخط السريع بدون ارتجاج او تعويم .. بس طبعا ماجربتش اخد بيها غرز ميتة يعنى ولا كدة .. انا باتكلم عن المشى العادى .. مش المواقف الحرجة .. الثبات كانت اكتر حاجة مقلق منها بصراحة من تجربتى للكرولات السابقة و خصوصا الشكل بتاع سنة 2002 الى 2006 كان ثباتها فى منتهى السوء .. بس الحمد لله الثبات كويس و متهيألى الجنوط ال 16 ليها دور فى كدة ... يا سلام بقى لو كان فيها نظام ثبات كمان زى اللى بتنزل فى مصر كان بقى تمام التمام فى المواقف الحرجة كمان

بالنسبة للسواقة .. الموتور ناعم و القعدة فى العربية مريحة و زوايا الرؤية جيدة و الشكل الداخلى حلو جدا .. ووسعها الخلفى ممتاز بالنسبة لفئتها ...
من الاخر بالنسبة لفئتها اختيار ممتاز علشان كمان قيمة اعادة البيع و ربنا يسهل و نختبرها مع التكييف فى الصيف ان شاء الله

عيب العربية الوحيد قلة الاوبشنز عن مصر ..

**i3abdallah** · 11-02-2014 09:46 AM

والله انا كنت محتار جدا ومش عارف اقرر ووصلت لدرجه ان كنت هصرف نظر عنها بس كلامك بدا يقنعنى بيها من تانى

**m_kamal** · 11-02-2014 10:28 AM

المشاركة الأصلية كتبت بواسطة i3abdallah

والله انا كنت محتار جدا ومش عارف اقرر ووصلت لدرجه ان كنت هصرف نظر عنها بس كلامك بدا يقنعنى بيها من تانى

يا باشا فكر و استخير و ان شاء الله ربنا يهديك لما فيه الخير

**waleedmohmood** · 11-02-2014 01:49 PM

والله انا فنفس حيرتك بالظبط وبرضو فكرت اني اصرف نظر عن الكورولا بما انها نازلة فتوكيل الفطيم بالامارات العربية مفهاش اي اوبشنز خالص غير البصمة والدخول الذكي وجنوط 16 بالنسبة لفئة البلاس 1600 سي سي وفكرت اخد المازدا6 2014 بصراحة شكل ومواصفات خيالية بالنسبة لسعرها جنوط17 مثبت سرعة بلوتوث 6 ايرباج صالون اوسع شاشة وكاميرا 2500 سي سي بس لقيت نفسي مش هقدر انزلها مصر لعدم وجودها فمصر اصلا وجمارك 2500 سي سي طبعا مبلغ خيالي فرجعت لنفس الحيرة

**yassermahmmoud** · 11-02-2014 03:06 PM

الكورولا الخليجي معقولة جداً ، وماينفعش ينزلوا فيها كل الأوبشن الموجود في الكورولا المصرية لأن لو نزلوها بكل هذه المواصفات هتضرب سوق الكامري والأفالون وهيكون سعرها مرتفع، أنا أخذت السيارة Test Drive وبصراحة عجبتني جداً هنا في السعودية، ووجدت أن أرتفاع السيارة أعلى من أرتفاع موديل 2013 . تحياتي للجميع.

**i3abdallah** · 11-02-2014 05:42 PM

المشاركة الأصلية كتبت بواسطة waleedmohmood

والله انا فنفس حيرتك بالظبط وبرضو فكرت اني اصرف نظر عن الكورولا بما انها نازلة فتوكيل الفطيم بالامارات العربية مفهاش اي اوبشنز خالص غير البصمة والدخول الذكي وجنوط 16 بالنسبة لفئة البلاس 1600 سي سي وفكرت اخد المازدا6 2014 بصراحة شكل ومواصفات خيالية بالنسبة لسعرها جنوط17 مثبت سرعة بلوتوث 6 ايرباج صالون اوسع شاشة وكاميرا 2500 سي سي بس لقيت نفسي مش هقدر انزلها مصر لعدم وجودها فمصر اصلا وجمارك 2500 سي سي طبعا مبلغ خيالي فرجعت لنفس الحيرة

توكل على الله واشترى انا خلاص حسمت امرى وهاخد الكرولا وفى ناس كتير هنا سالتها قالتلى مش هتندم