السلام عليكم ..

انا جديد معاكم فى المنتدى يا جماعة .. وسعيد بالروح الجميلة اللى هنا

انا اشتريت عربية اوبل استرا موديل 2000 و 1200 سى سى

المهم حاسس ان سحبها ضعيف معايا سألت كام ميكانيكى قالولى ان موتورها اصلا ضعيف وده اخرها

المهم وانا بغير لها زيت الراجل غسل لى الموتور ومن بعدها اجى ادور العربية تكركر وتبقى عايزة تبطل الا لو زودت بنزين ..المشكلة دى من ايه ؟

ثانيا : اوقات مع الزحمة لما بعلق رجلى ع الدبرياج كتير لما بكون واقف واجى اخد الغيار الاول بدوس ع الدبرياج وقبل ما ادوس بنزين اصلا العربية بتيجى فيها رعشة كده .. مش عارف من ايه لكن مابتجيش مع الغيارات بعد كده .. هى بتيجى مع الاول لما بكون فى زحمة

ثالثا .. ومعلشوا صدعتكم حاسس ان الفتيس تقيل شوية يعنى لما بنقل للخامس وبرجع اهدى اجى اخد الثانى احس الفتيس تقيل معايا ده من ايه ؟

اسف لو طولت عليكم بس انا معلوماتى فى العربيات عموما صفر .. وعشمان استفيد من الخبرات اللى هنا ..