الموضوع: الماتور اتحرق اوبل استرا 1200

بتهيألي تجيب موتور اريحلك بس المهم عرف ايه اللي حرق الموتور

معقول السبايك ساحت؟؟
انت عملت فيها ايه بالظبط؟؟
ممكن تكون ماشى بيها على سرعة عاليه جدا والراجل اللى غيرلك زيت مكانش قافل الطبه كويس فالزيت نزل والسبايك ساحت من السخونه

السلام عليكم

هو زى ما الزميل قال , أغلب الظن ان اللى غيرلك الزيت مقفلش الطبة كويس فالزيت وقع تدريجيا لغاية ماخلص , بس برضه حضرتك المفروض تراقب مؤشر الحرارة بانتظام و أى ارتفاع فى المؤشر تقف وتشوف ايه الموضوع .
عموما اللى حصل حصل وربنا يعوض عليك

نصيحة أخوية ماتخليش حد يصلح فى الموتور دة , عمرة ماهيتصلح وهتدفع فلوس كتير وبرضة مش هيبقى كويس , الأفضل تجيب موتور استيراد حالتة كويسة , ويفضل طبعا لو أكتر من 1200 , حضرتك خدلك لفة فى الحرفيين عند تجار الاستيراد أو لو حضرتك تعرف حتة تانية بتجيب قطع الأوبل الاستيراد , تاخد لفة وتعرف الأسعار عاملة ازاى , وتحدد أحسن 2 أو 3 , ووقت ما تروح تشترى خد معاك ميكانيكى تثق فية وبتتعامل معاة بقالك فترة وهو أكيد نظرتة بتبقى أحسن شوية .

وبالتوفيق مقدما .

تقبل تحياتى

جزاكم الله خير الجزاﺀ علي ردودك

انا لقيت ماتور 1200 ب 5000 و 1600 ب 6000

هل لو جبت 1600 هيبقي احسن مع ان العربيه اصلا 1200 وهل هيحتاج تغيير حاجه في العربيه
و لو تعرفوا تليفون حد عنده مواتير اكلمه

و هيه العربيه دلوقتي عند ميكانيكي في الفيوم تنصحوني اركبه هناك ولا اسحبها للقاهره

و اسف تاني علي تعبكوا معايا

استاذ عمرو انا لقيت نص ماتور ب 1500 بس حسيت ان الميكانيكي ملوش مزاج ليه قالي هتحتاج تخرط مش عارف ايه كده و كرهني فيه مع ان السعر حلو و ملمومه و الراجل اللي بيبيعه قالي ركبه و لو مش حلو رجعه وانا ادفعلك التركيب كمان

انا 1200 مريحني بالزات في البنزيين

هات شورت بلوك يعنى موتور فقط بدون دينامو و مارش و كومبريسور تكييف و فتيس و ادوات التغذيه كل دة بيعمل معاك ال 5000 جنيه و عندك شغالين فى عربيتك يعنى بتدفع فلوس فى الارض ... لا انتا تجيب اللى بايظ بس قول عاوز شورت بلوت 1200 او اورمه بيسموها كدة باللغه الميكانيكيه الفصحى .... و سعرها مش هيعدى 2500 و اوعى تصرف شلن تصليح فى الموتور دة العربيه هتمشى معاك 3 شهور و هتفتح بقها تانى