-
اللانسر من اكثر السيارات انتشارا لاسباب
1 توفر قطع الغيارسواء الاصليه او البديله
2ان فعلا مفيهاش تقنيه عاليه مقارنه بالموديلات الاخري مما يقلل من اعطاله ا
3سعرها يعتبر مش غالي
4 وشكلها حلو و ياباني
-
بصراحة كفاية عليها كدا بقى....
إنتشرت جدا صوت الموتور عالى ومش مريحة خالص، شوف الهوندا ولا التويوتا حاجه تانية خالص
أنا بحس إن عربيتى اللانسر 128، لما بركب هوندا ولا تويوتا.
-
بدون زعل مش عجباك ممكن تبيعها او من الاصل جبتها ليه؟؟؟؟؟؟؟؟؟؟؟؟؟؟؟
لكن رجاء متعبش فيها لو سمحت العربيه مش عجباك دى حاجه راجعالك انتا لكن هيا عجبا ناس كتير غيرك
واخيرا كل اللى بنقوله ده ملوش لازمه يبقى من هو معجب بيها معجب واللى مش عاجباه يبعها او يرضى بنصيبه
-
هههههههه اعتقد ان الموضوع ده اتفتح بعد ماانا كتبت موضوع اسباب اختيارى لللانسر
ومن رأى كل واحد بيجيب عربيه على حسب استخداماته وامكانياته وانا ارفع القبعه احتراما للعربيه ديه
الى انقذت بفضل الله خالى وأولاده من موت محقق سنة 1991 لما كان فى الكويت وكان معاه لانسر استيشن موديل 90 ووقت الحرب نزل بيها من الكويت لحد الصعيد ومكنش بيحطلها غير بنزين بس
والحمدلله
-
الاخ ميرو اعذرني حضرتك بس مكنش في داع للكلام ده الراجل بيقول رايه بصراحة عن العربية ياريت نتعلم نحترم اراء الناس حتي لو كانت مش عجبانا ونحترم اراء بعض بدون ما نكون متحيزين كدة وبعدين دة راي واحد معاه العربيه يعني اكيد رايه له اهمية للي بيفكر يشتري سيارة وانا اسف لازعاجك
-
اللانسر عربية اعتمادية بالدرجة الاولى ، وانا بعتقد ان اهم حاجة فى العربية انها تكون اعتمادية
فالاعتمادية تعنى الثقة فى انك تنزل تدور العربية وتاخد عيلتك وتروح مشوارك وانت على ثقة ان العربية مش حتعمل معلك حركة ندالة
عشان كده انا من المعجبين جدا باللانسر مع انى عمرى ماركبتها ورغم العيوب البسيطة والهايفة زى العزل السئ ولكنها فى النهاية جديرة بالثقة
-
يا جماعه والله والله والله والله انا ما قصدى انى متشدد للعربيه ولا قصدى انها من احسن عربيات السوق المصرى وانا راكبها وبقول ان فيها عيوب لكن كل اللى هيجننى ان حوالى 4 او 5 مواضيع كلهم نفس الفكره مفتوحين لمناقشه اعجاب الشعب بيها وعندك وعيوبها :
1)انا مش فاهم الناس معجبه كده ليه باللانسر؟؟؟؟؟؟؟؟؟؟؟
2)اللانسر قصه ادمان 100 % خاطئه
3)اللانسر والالنترا ....... 4)هل تؤيدون بقاء اللانسر البومه ولا لا؟؟؟؟؟؟
وبتعاع موضوعين كمان ووصل ان ناس لم تركب العربيه اصلا دخلت واللى قال ان عفشتها انشف من عفشه اللادا وكلام يطلع الواحد عن شعوره وكلام مش موجود فى العربيه اصلا
وكل ده ليه؟؟؟؟؟؟؟؟ انا بيتهيألى لو موضوع واحد يناقش عيوب العربيه كان بقا كفايه وكنت سكت يا استاذ redhat8877
على العموم والله كمان مره انا مش متحيز للعربيه انا يمكن حاسس انها حلوه لكن طبعا فيها عيوب وانا مستعد اناقشها بكل وضوح لكن لو حضرتك بصيت على اسم العنوان بس هتلاقى انه مسئ للعربيه من قبل ما تدخل وتقرا اللى فيه وكانك بتتكلم عن تكتك مش عربيه يابانى محترمه
وفى النهايه يبقى قول مأثور لولا اختلاف الاذواق لبارت السلع
وشكرا
-
انا من اشد المعجبين بالانسر بالذات الشارك (الشكل الجديد) وشكل 2004 (لانه قريب من شكل الايفوليوشن) كمان محدش يعرف قيمت الانسر غير اللى يسافر ويشوفها فى البلدان التانية بتنزل سعات من 1.5 الى 4.1 لتر لكن احنا بيرمولنا الزبالة بتاعت الانسر
اخوكم يوسف
-
اقتباس:
فيها حساس خلفي للركن
مفيهاش بس بيتركب مفيش مشاكل
-
عيوب الانسر ( سعودى 2007 ) بعد استخدام 45000 كيلو هى :
1- صوت الموتور العالى اللى بيسببلى صداع فى السفر وده عشان مفيش عازل .
2- الكراسى الأمامية غير مريحة .. ولكن الكنبة مريحة .
3- ضعف الفرامل فى الأوتوماتيك اللى لا يمكن تعتمد عليها ... بس المانيوال ما شاء الله حاجة تانية خالص .
4- فتحات التكييف فى الوسط ضعيفة .. المفروض هى اللى تكون أقوى من الجانبية .
5- العفشة ناشفة وبتحس بالمطبات .. بس نغفرلها النقطة دى عشان الثبات بتاعها ممتاز .
6- الأضاءة كانت محتاجة تبقى أقوى شويه .. ومش قصدى انها سيئة .
7- أسعار قطع الغيار الأصلية تعتبر غالية على عربية منتشرة ومحدوده التكنولوجيا زى الانسر .
8- ابعاد العربية بتحتاج مده عشان تتعود عليها ... بس مجرد ما تتعود فا مفيش مشكلة .
9- عدم وجود مركز صيانة يعتمد عليه " للى من اسكندرية " ودا السبب ان تعاملى مع التوكيل هو مجرد شراء قطع الغيار .
10- انتشار العربية بشكل فظيع .. صحيح دا ميزته فى قطع الغيار بس متحسش انك راكب حاجة مميزة .
11-متوسط استهلاك البنزين عالى ... 260 فى الصفيحة على السريع و 180 وسط البلد )
وكفاية كده لحسن صحاب العربية يقطعونى ...
Content Relevant URLs by
vBSEO 3.6.0 PL2