أنا مش أدر أفهم الناس معجبة كدة ليه باللانسر؟؟؟!!

**Aladdin** · 11-07-2007 05:17 AM

أولا أنا ما سؤتش لانسر بنفسي بس أصحابي كتير معاهم لانسر و مش شايف فيها حاجة زيادة عن عربيات تانية كتير من ناحية التجهيزات (الرفاهية) و الأمان كمان يعني في مثلا ال ستروين C4 تتفوق على اللانسر في تجهيزاتها و الأمان فيها عالي جدا و فرق السعر مش كبير أوي.
ممكن علشان أنا ما سؤتهاش فمش حاسس ان الموتور بتاعها مميز أوي زي ما بيؤولو بس العربية مش موتور بس.
و نقطة تانية مهمة هي الوكيل أنا مرة كنت هناك باتفرج على عربية الراجل اتكلم معايا بطريقة مش محترمة خالص بعكس عز العرب أنا كنت هناك الراجل كان محترم جدا معايه علما اني صغير في السن مش كبير.
أنا مش متحيز لستروين و لا ضد اللانسر بس مش أدر أفهم مدى الأعجاب الشديد ده سببه ايه

**M.Elsheikh** · 11-07-2007 06:00 AM

- انا اعتقد انها علشان مافيهاش تكنولوجيا كثير فاعطالها قليلة
- يوجد بها عدة فئات تبتديمن 80000 الى 110000جنيه تقريبا
- الشكل ثابت من كذا سنة مما يجعل قطع الغيار متوفرة و ارخص من الستروين مثلا

و كما ذكرنا سابقا لولا تعدد الاذواق...

**Aladdin** · 11-07-2007 06:56 AM

اعتقد هو ده السبب, عندك حق....

**عمرو عبيد** · 18-07-2007 10:06 AM

لا يا جماعة سبب اعجاب الناس بالانسر هو
اولا : قوة موتورها وانا عندى العربية و جربتها على الطريق الصحراوى و انا مسافر و كمان
كان فى اربعة راكبين معايا و كنت مشغل التكيف ورغم كدة الموتور كان فى منتهى القوة رغم ان عربيتى اوتوماتيك 1600 خليجى مش مانيوال
ثانيا : ثباتها على الأرض حتى مع السرعة العالية
ثالثا: الأنسر عربية شيك و فيها تكنولوجيا عالية زيها زى اى عربية حلوة و كمان معمولة فى اليابان
رابعا : الأنتشار الواسع للعربية بيدى ثقة للناس و علاوة على ذلك توفر قطع الغيار

**Sharky** · 18-07-2007 12:11 PM

المشاركة الأصلية كتبت بواسطة عمرو عبيد

ثالثا: الأنسر عربية شيك و فيها تكنولوجيا عالية زيها زى اى عربية حلوة و كمان معمولة فى اليابان

ما هى التكنولوجيا العالية الموجودة فى اللانسر ؟

**Sharky** · 18-07-2007 12:13 PM

المشاركة الأصلية كتبت بواسطة Mohamed Elsheikh

- انا اعتقد انها علشان مافيهاش تكنولوجيا كثير فاعطالها قليلة
- يوجد بها عدة فئات تبتديمن 80000 الى 110000جنيه تقريبا
- الشكل ثابت من كذا سنة مما يجعل قطع الغيار متوفرة و ارخص من الستروين مثلا

و كما ذكرنا سابقا لولا تعدد الاذواق...

أتفق معاك فى هذا الرأى

**عمرو عبيد** · 18-07-2007 03:54 PM

اية التكنولوجيا اليحضرتك تقصدها بالضبط

**Sharky** · 18-07-2007 04:43 PM

المشاركة الأصلية كتبت بواسطة عمرو عبيد

اية التكنولوجيا اليحضرتك تقصدها بالضبط

حضرتك اللى قولتك فيها فيها تكنولجيا عالية و أنا سألتك إيه هيا التكنولوجيا العالية اللى فى اللانسر ؟؟

**عمرو عبيد** · 19-07-2007 08:48 AM

الى انا اقصدة مثلا حاجة زى انظمة الأمان و هى كالأتى:
1 : عند حدوث تصادم يتم فتح نظام الأقفال (السنتر) اوتوماتيكيا و ذلك لمساعدة على انقاذ من بداخل السيارة
2: انذار السرعة
3: الأقفال الألى للسيارة فى حالة عدم فتح الأبواب فى خلال 15 ثانبة
4:انذار فى حالة نسيان المفتاح داخل الكونتاكت او فى حالة نسيان النور

وفى مميزات تانية كتير بس انا مش فاكرها و ياريت حضرتك تحدد نقطة محددة مثلا زى انظمة الأمان و نقارن على اساسها بين الانسر و اى عربية اخرى عاجباك

**Sharky** · 19-07-2007 09:21 AM

حضرتك لو حنتكلم على أنظمة الأمان :
1- فيها كام AirBag ؟
2-فيها ABS و EBD ؟
3-أختبارات الأمان EuroNap بتاعتها و اخدة فيها كام ؟

و لو حنتكلم على الأوبشن و التكنولوجيا العالية و الجديدة:
1- فيها كمبيوتر معلومات و أعطال ؟
2- فيها سينسور مطر و نور
3-فيها Cruise Control
4-فيها باور سيترينج كهرباء.

يعنى دى أمثلة عن الأمان و التكنولوجيا الجديدة و العالية .