ارجو المساعدة ضرورى

**mindpower** · 10-02-2014 09:31 AM

السلام عليكم
سعيد بمشاركتى فى هذا المنتدى الرائع
انا يا جماعة كان معايا هيونداى اكسل و كانت اول عربية ليا و طلعت عينى و لفيت على كل الصنايعية المهم
انا مشاويرى اغلبها جوا البلد و نادر لو طلعت بره البلد (انا من المنصورة و هى مدينة صغيرة بس مزدحمة) و انا متزوج حديثا يعنى انا و زوجتى بس فمش محتاج عربية كبيرة يعنى تكون صغيرة احسن بس تكون مريحة و هقعد فى البلد حوالى سنة و هسافر بعد كده ان شاء الله يعنى بعد كده هبقى استخدمها شهر الاجازة اللى هنزله

فايه انسب عربية ليا انا معايا من 20 ل 35 الف .... مش عايز ازنق نفسى لان جايز احتاج فلوس الايام الجاية الا لو الموضوع يستهل يعنى.. ياريت تكونوا فهمنى

انا معروض عليا ماروتى 2006 حالتها كويسة بس محتاجة شوية شغل دوكو بحوالى 500 جنيه و هى معروضة ب 22 الف كويسة كده و لا ممكن اجيب ايه؟

اسف على الاطالة و شكرا للمساعدة

**Ghost2** · 10-02-2014 11:19 AM

و الله هي الفئة دي فهيا كتير .. انا ملاحظ ان موضوع التكييف مش فارق معاك .. لو قدامك سكودا فيليشا حالتها كويسه خدها و متفكرش .. بس تبقى ميكانيكا و عفشة كويسة .. اقسم بالله عربية ممتازة

**Ghost2** · 10-02-2014 12:28 PM

ممكن تشوف هوندا موديل 91 لو حالة كويسة برده .. و ممكن تجيب مرسيدس 79 .. على فكرة العربيات دي على حسب الحاله يعني سيبك من كلمة قطع غيار و اصل بتعطل .. اصل قديمة .. العربية اللي بيعدي عليها عشر سنين زي اللي بيعدي عليها خمسين سنة .. الفكرة في الاهتمام و الصيانة .. ممكن فيات تيبو .. ممكن شاهين و ممكن لادا و ممكن سويفت و ممكن حاجات كتير بس انا ارشحلك الفيليشيا و السويفت و المرسيدس طبعا .. ولو عايز تشتري دماغك يبقى شاهين و خلاص

**Ghost2** · 10-02-2014 12:47 PM

المشاركة الأصلية كتبت بواسطة exelence

ما دمت خايف من اللف على الميكانيكية يبقى تدور على حاجه موديل حديث حتى لو عربية صغيره بس علشان تريح نفسك

ما الفئة السعرية هنا مش هتركبه عربية حديثة .. لازم يدور على حاجة حالتها كويسة بغض النظر عن الموديل

**speranz** · 11-02-2014 02:23 PM

يبقا ماروتى وتوفر فلوسك بس اهم حاجة الحالة خصوصا جدا الماتور انما الدوكو مقدور عليه

**J A G U A R** · 12-02-2014 12:45 AM

المشاركة الأصلية كتبت بواسطة mindpower

انا قدامى سكودا فيليشيا وش اوكتافيا 98 بس فى اسكندرية و سوزوكى التو 99 و سوزوكى ماروتى 2006 هنا فى المنصورة و محتار اجيب دى و لا دى
بالنسبة لظروف استخدامى المحدود للسيارة و رغبتى فى عدم اللف و الدوران على الصنايعية اختار ايهما

ماروتى بس تكون حالتها نظيفه ...