ارجو الافاده

**saifsaadmohamed** · 28-09-2008 02:07 AM

انا عايز يا اخوانى معلومات عن الكريستاله
من حيث
1- بلد الصنع و التقفيل
2-سعر اعادة البيع هل هو جيد و لا العربية مش مطلوبة
3- استهلاكها للبنزين
4- توافر قطع الغيار فى التوكيل و خارج التوكيل
5- اسعار قطع الغيار
6- متانة الصاج و العفشة
7- متانة الموتور

و كل سنة و انتم طيبين

**مصراوي جدا** · 28-09-2008 11:03 AM

انا هارد على بعض النقط واكيد اصحاب الكريستالة ممكن يستفيضوا في الشرح :

- بلد الصنع والتقفيل ياباني 100 % سواء كانت مصري أو خليجي
- سعر اعادة البيع ممتاز واكيد العربية مطلوبة جدا

- توافر قطع الغيار في التوكيل (متوفرة) وخارج التوكيل (متوفرة جدا)

- اسعار قطع الغيار معقولة (في مستوى البومة)

باقي النقط اللي عندهم كريستالة يوضحوها احسن مني

**islamaboelnaga** · 28-09-2008 10:45 PM

و الله هو استهلاك البنزين كويس اوى بالنسبه لعربيات كتير يعنى على الطوالى حلوه اوى و موفره جدا حوالى 350 -380 فى الصفيحه ( عملت معايا قبل كده 410 كم بس انا مهتم بيها شويه و صيانه فى التوكيل من الزيرو و كده ) العفشه تقريبا من الزيرو مغيرتش حاجه مشاء الله غير مساعدين ورا و مكنوش بايظين اوى (كانو احيانا بيعمللو طقه ) الموتور الحمد لله ماجيتش جنبو لغايه دلوقتى (زيت موبيل وان بس ) و سحبها قوى جدا بالنسبه ل عربيه 1300 (معايا بومه 1600 و بحس ان الكرستاله سحبها كويس اوى بالنسبه ليها )

**hazem_khidr** · 28-09-2008 11:11 PM

انا مش من ملاك الكريستاله ممكن ارد؟؟:)
الموديل دا حلو اوي في كل شئ
سحب و ثبات و قوه تحمل
و ماسك سعر كويس
رخص اليومين دول شويه علشان فيه 3 موديلات نزلو ورا(المكواه و البوما و الشارك)
واحد صاحبي جايب واحد 99 راشه جنبين فول اوبشن مانيوال ب 45 الف
لما شفتها كنت فاكرها ب 50 بس هو قالي انها رخصت.

**saifsaadmohamed** · 29-09-2008 02:24 AM

و بالنسبة لصاجها

**HeMa_LanCeR** · 29-09-2008 03:51 AM

انا بقي من ملاك الكريستاله وكمان من عشاقها
أول بلد الصنع والتقفيل اليابان يعني اليابان
سعر اعاده البيع جامد جدا وده بالنسبه لأي سياره ياباني وخصوصا المتسوبيشي كله
استهلاك البزين موفره جدا لأن الموتور 1300 سي سي يعني لو انت طالب زي حلاتي ماتقلقش هتظبط معاك
قطع الغيار متوفره جدا بره التوكيل وجوه التوكيل وبره كمان هتلاقي الأصلي وكتييييير
وبالنسبه للصاج هنقول معقول مش خفيف ومش تقيل بس يستحمل
وبالنسبه للموتور لما تركب العربيه هتستغرب ان ده موتور 1300 سي سي بجد مش هتصدق ابدا سحبه حلو قوي
يعني انا بجد بالأول 40
والتاني 60
والتالت 100
والرابع اخر حاجه بجيبها 140 علشان ما بحبش احمل علي الموتور وبعدها بجيب الخامس
واي استفسار انا تحت امرك طبعا

**saifsaadmohamed** · 29-09-2008 04:18 AM

المشاركة الأصلية كتبت بواسطة upnemo

انا بقي من ملاك الكريستاله وكمان من عشاقها
أول بلد الصنع والتقفيل اليابان يعني اليابان
سعر اعاده البيع جامد جدا وده بالنسبه لأي سياره ياباني وخصوصا المتسوبيشي كله
استهلاك البزين موفره جدا لأن الموتور 1300 سي سي يعني لو انت طالب زي حلاتي ماتقلقش هتظبط معاك
قطع الغيار متوفره جدا بره التوكيل وجوه التوكيل وبره كمان هتلاقي الأصلي وكتييييير
وبالنسبه للصاج هنقول معقول مش خفيف ومش تقيل بس يستحمل
وبالنسبه للموتور لما تركب العربيه هتستغرب ان ده موتور 1300 سي سي بجد مش هتصدق ابدا سحبه حلو قوي
يعني انا بجد بالأول 40
والتاني 60
والتالت 100
والرابع اخر حاجه بجيبها 140 علشان ما بحبش احمل علي الموتور وبعدها بجيب الخامس
واي استفسار انا تحت امرك طبعا

الف شكر يا باشا على المعلومات الجامده دى
هى كام حصان يا باشا

**مصراوي جدا** · 29-09-2008 02:06 PM

المشاركة الأصلية كتبت بواسطة saifsaadmohamed

الف شكر يا باشا على المعلومات الجامده دى
هى كام حصان يا باشا

80 حصان / 6000 rpm

**bmya** · 02-10-2008 02:01 PM

بصراحه العربيه دي هي اللي عملت سوق لميتسوبيشي في مصر
ان اكانت معايا العربيه دي كان والدي جايبها زيرو موديل 99 GLX AUTo
العربيه طبعا شكلها ميختلفش عليه 2 من جوه عدادتها شكلها جميل جدا
لكن التابلوه شكله قديم شويه بس طبعا دي موديل 99 وكان في السنه دي شكله تحفه بالمقارنه بالصني 99 والكورولا 99 العيون الموديلين شكلهم زي الزفت من جوه و من بره
الموتور هو 1300 بس فعلا شدييييييد مع ان انا عربيتي كانت اتوماتيك بس فعلا كنت بشد مع عربيات كتير و مانوال وكنت بطلع منهم بس بالنقلات اللي هي L.2.3
وكمان ابن خالي معاه كيا كارينز 1800CC والله شديت معاه وسديت بس طبعا هو طلع مني بس مش بالساهل وكمان في اول طالعه انا كنت بطلع منه وبعدين يجيبني مع فارق السي سي 1300 وهو 1800 inj موديل 2004
بس فعلا لو عايز تركب العربيه دي صح وغاوي شد وعايز تاخود منا قوه موتورها صح هاتها كامله مانوال وياريت لو GLX
عيبها بقه التكييف بيخنق العربيه شويه وتبان اكتر لو اتوماتيك
صاجه خفيف شويه غير كده العربيه تمام وعلي فكره ناس كتير تقولك عفشتها ضعيفه والله العربيه قعدت معايا 9 سنين وطرق هنا زي ازفت مغيرتش غير مساعدين امامين وكان بسبب خبطات مش عشان المطبات
سبب اني بعتها انها كربيراتيررررررر وبصراحه دي ارخم حاجه فيهااااااا
انا بعتها كانت ماشيه 125000 وكانت معظمها فبريقه من بره وزيرو من جوه من4 شهور تقريبا بعتها 55000 بس هي فعلا سعرها نزل كتييييييير

الموضوع: ارجو الافاده

LinkBack

أدوات الموضوع

عرض

-

-

-

-

المواضيع المتشابهه

ارجو الافاده

Bmw 316 m3 ارجو الافاده

ارجو الافاده

ارجو الافاده من اهل الخبرا رئيكم فى لادا تافريا ارجو الافاده

ارجو الافاده

الكلمات الدلالية لهذا الموضوع

المفضلات

المفضلات

ضوابط المشاركة