الموضوع: استفسار بخصوص لانسر شارك و اسعارها و مواصفتها

المشاركة الأصلية كتبت بواسطة amr_8800

بص يا فندم هما اربع فئات
1 136000 ودي نش بتنزل وفاضيه خالص
2 145000
3 155000
4 165000 ودي الهاي لاين 2 اير باج (اي بي اس) (اي بي دي) فتحه سقف اسبيلير بصمه بضور من غير مفتاح كاستت تاتش جنط 16

ده كل الي اعرفه

متابع بشدة

المشاركة الأصلية كتبت بواسطة dr . Mohamed

البروشور اهوه
https://icclients.com/mitsubishi/lancerex.pdf

مش فاهم حاجة منة

المشاركة الأصلية كتبت بواسطة sharkawyhiline

يا جماعه بعد إذنكم كنت عايز اعرف حاجة محيراني بالنسبة للكاسيت والاسمارت انجن
لأني سمعت كلام كتييييير من المعارض فيه اللي بيقولي الهاي لاين شالوا منها العتب والسي دي تشينجر والمغتاح عادي (عادي ) مش ستارت إنجن والكاسيت اللي فيها مش بلت إن كاسيت عادي بس مش عارف نوعه وبتكون 4 فئات ده بالنسبه لدايموند اما الرواس فئة واحده بس وبيكون فيها سبويلر
فإيه موضوع الكاسيت بالضبط
وشكرا

بص هو المشكلة ان الوكيل كل سنة ينزل مواصفات مختلفة شوية عن السنة اللي قبلها، فحاجة تحير فعلا...
انما احب اقولك ان من اول 2012 ومع تعديل الموتور لـ1600 استكتروا على الناس الـ100cc الفرق دول وقاموا معاقبينهم بقى: مفيش عتب جانبي ولا كساحات امامية، مفيش الفئة اللي كانت بتنزل بأبانوس بني "غامق" وكان بيبقى مغطي كل المنطقة حوالين الفتيس، مفيش زينون ولا عدسات afs اللي كانت بتخلي النور يلف مع الدركسيون، مفيش الخط النيكل اللي كان بيحدد اسفل زجاج الأبواب...
انا معايا الـ2013 هاي لاين وكل اللي فوق ده ينطبق عليها، لكن في المقابل الكاسيت شاشة تتش 6 بوصة ونظام صوتي فاجر جدا من روكفورد فوسجيت مع صب ووفر روكفورد برضه في الشنطة (والمفروض حسب البروشور سي دي تشينجر بس مجربتش ابدا) + ان العربية فعلا تشغيل بدون مفتاح...

المشاركة الأصلية كتبت بواسطة omaranes77

مش فاهم حاجة منة

الفئة الأولى GLX:
باور - سنتر لوك - زجاج ومرايا كهرباء - إيموبيلايزر - مسند يد أمامي - كاوتش مقاس 205/60 بطاسات - تكييف مانيوال - راديو سي دي 4 سماعات - إيرباج واحدة للسائق - بصمة (keyless entry).

الفئة التانية GLX:
تزيد عن الأولى: جنوط 16 - إيرباج زيادة للراكب الأمامي - فرامل ABS/EBD/BAS.

الفئة التالتة GLS:
تزيد عن التانية: مقابض داخلية نيكل - أبانوس في التابلوه والأبواب الأمامية - تكييف أوتوماتيك - الشبكة الأمامية محددة بالنيكل - 6 سماعات - فوانيس شبورة أمامية - حامل أكواب في الكنبة - امكانية طي الكنبة 2/3 - حواجز أتربة امامية وخلفية - مفاتيح التحكم في التكييف محددة بالنيكل - منفذ USB.

الفئة الرابعة GLS:
تزيد عن التالتة: فتحة سقف قابلة للإمالة - سبويلر - دركسيون وفتيس وهاند بريك مكسوين بالجلد - ملتي فنكشن - راديو سي دي شاشة تتش مع نظام صوتي Rockford Fosgate وعدد 9 سماعات - تشغيل السيارة بدون مفتاح.
الملاحظ هنا -واللي عاجبني جدا- ان البصمة بقت ستاندرد من أول فئة، وهي بتكون في الأبواب الأمامية والشنطة...