اقتباس المشاركة الأصلية كتبت بواسطة amr011111 مشاهدة المشاركة
هما لحقوا يبقوا سيئين
دول فاتحين من قريب
طيب انه مكان بتعمل فيه الصيانه
كعادة المصريين محدش بيستمر علي كفاءتة ولا بيستمر علي مستواة حصل كذا موقف وكانوا عاوزيين يكلفوني علي الفاضي انا كنت عندهم في صيانة 85000 وطلع التقرير الطنابير تمام ومتعلم عليها بالاخضر والتيل تمام كانوا عاملين عرض تغيير زيت وفلتر مجانا قلت اروح اعمل صيانة 90000 وغير ببلاش طلع التقرير طنابير سيئة وتيل لازم يتغير قلت يا باش مهندس انا مش حاسس بحاجة قالي دة شغلنا طب التكاليف كام ياعم 2000 جنية من غير الضريبة. قلتلوا سلاموا عليكم.قلت يا واد طنش خالص مشيت بالعربية وجنبى فبي الشغل توكيل المحمل وكانت العربية عامل 110000 الف قالي الطنابير سليمة والتيل قدامة 2000-3000 كيلو قلتلوا غيرة. يعني اوتو ايجبت كان هايكلفني طنابير امامية 1500 جنية علي الفاضى وتيل قبل معادة ب 15000 كيلو.
دلوقتي العربية عاملة 117000 الف والطنابير لسة شغلة بدون اي رجة ولا صوت.
موقف تاني قبل كدة كنت بغير كاوتش التراب في المساعديين الخلفى والامامي قعدت من 8 الصبح لحد الساعة خمسة مساءا وكل مااسال مش لا قيين المفك الخاص بفك صامولة المساعديين لان الي كانت عندهم اتكسرت ومن الساعة واحدة ومش عارفيين يتصرفوا يعني توكيل محترم مفهوش غير الة فك واحدة ومعندوش غيرها وفكوا المسمار بشنيور دقاق وكان ممكن يخرموا الصاج بتاع العربية او تخبط في حاجة.
انا بعد انتهاء الضمان مبقتش اروح اي توكيل في تغيير الزيوت اوالفلاتر وبغير سيور فقط في توكيل المحمل ودة فاضي علي طول ما عدا يوم السبت والخميس ودة في طريق مصر اسكندرية الزراعي الكيلو عشرة ميت نما
وانت جاي من قليوب وانزل من الدائرى نزلة المؤسسسة