أنا ظروف شغلي بتخليني اسيب العربيه ف البيت كتير وكنت عاوز أعرف ايه أطول مده ممكن أسيب العربيه فيها واقفه وهل دا بيأثر ع البطاريه أو أي حاجه ف الموتور
عرض للطباعة
أنا ظروف شغلي بتخليني اسيب العربيه ف البيت كتير وكنت عاوز أعرف ايه أطول مده ممكن أسيب العربيه فيها واقفه وهل دا بيأثر ع البطاريه أو أي حاجه ف الموتور
مافيش مشكلة على العربية نفسها حتى لو سبتها شهر بس ركبلها بطارية جافة وفك اطراف البطارية لما تسبها لو مده اكتر من شهر وغير زيت الموتور كل 6 شهور مع الفلتر !!
صديقي المواطن
التأثير عالبطارية فقط والكاوتش غيره مفيش أي مشاكل وكمان بتختلف من عربية لعربية يعني فيه بطارية تقعد يوم وبطارية تقعد أسبوع وبطارية تقعد شهر وشهرين وهي هي نفس البطارية اللي كانت تستحمل شهر حتبقه مستواها يقل شوية شوية لغاية ميوصل أسبوع ثم يومين ثم يوم بيومه وفيه عربيات لو دورتها ربع ساعة البطارية حتشحن وفيه عربيات لو مخدتش لفه فيها البطارية مش حتشحن ولازم تعرف إن البطارية أنا بسميها الخرم الرفيع اللي فلوسك بتخر منه سرسوب شوية شوية ﻷنك لازم كل سنتين تغير بطارية وممكن تطلع محظوظ وتعيش معاك 3 و4 سنين لو بطارية فخمة وعربيتك مظبوطة وربنا يعينك أنا عن نفسي جايب تونجر في البيت وعامل سلك 50 متر بمده من الشباك لو بطارية نامت أفتح الكبوت وأمد الواير من الشباك نص ساعة ولا ربع ساعة حتشحن وتدور ولو حسافر بفك البطارية وأحطها عالتونجر وعامل ليه تايمر كل 24 ساعة يشتغل 20 دقيقة يشحن البطارية ويبطل تاني وبسافر بعيش حياتي وخليك في البطاريات الجافة بلاش بطاريات عادية
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
انا هااقولك على تجربتى مع الفيرنا كنت مسافربره 3 شهور وركنتها فى الجراج بس قبلها مليت الكاوتش نتروجين وسبت البطاريه فى العربيه
وكنت بتصل باخو المدام يدورها فى الجراج كل اسبوع مره ربع ساعه كده
وجيت بعد 3 شهور لقيت الكاوتش زى ماهو والبطاريه كمان
مش عارف بقى الكلام ده يمشى مع الصنى ولا ايه لانى ناوى ان شاء الله اسافر تانى 6 شهور فى مهمه علميه بس مش عارف امتى
فعلاً البطاريات الجافة أفضل من البطاريات العادية وتعمر أكثر ..
أنا بسيب عربيتي بال5 و ال 6 أسابيع من غير ما حد يدورها حتي و كله تمام الحمد لله. المهم تكون البطارية نضيفة و العربية ما فيهاش تسريب.