مشاكل الملاك التى ستجعل سعر اعادة البيع فى الارض
مشاكل الملاك التى ستجعل سعر اعادة البيع فى الارض
ازبل واوسخ واحقر دوله فى العالم
باشااقتباس:
المشاركة الأصلية كتبت بواسطة mif
كلامك صح بس مش فى محله
ليه
لان الزياده الغريبه فى الاسعار رايحه للجمارك بالورقه والقلم
الغريب انك روحت تجيب الردود اللى بتشتم فى العربية ومتجاهل الردود اللى بتشكر فيها (اللى هى الاغلبية)!!
حاجة غريبة بصراحة .. على فكرة انا ممكن اجيبلك من توكيل بيجو مواضيع بتلعن سلسفيل ال301!! واللى يقولك
انا غلطان انى مشيت ورا كلام الناس ومش عارف ايه .. يا باشا كل عربية ليها عيوب والنيسان تظل نيسان
بغض النظر ان اللى ينزلنا هنا فرز رابع
انا متفق معاك ان فيه نصب واستغلال على الشعب لكن ده مش فى نيسان فقط دا فى كل التوكيلات بلا استثناء
موضوع ان احنا بنقول على المنتج يابانى وهو مش يابانى فده غير صحيح لان كل واحد بيشترى عارف هو بيشترى ايه كويس
انا شخصيا قبل مااشترى النيسان عارف انا بشترى ايه وعارف ان بعض مكوناتها هندى وده مش عيب اطلاقا كل ده بيتم باشراف الشركه الام وعايز اقول لك انى كنت فى الهند وشفت المصانع هناك شغاله ازاى حاجه تفرح عقابلنا يارب
انا بقى ملاحظ ان حضرتك نازل هجوم على العربيه والشركه بششكل ملاحظ وجايب مجموعه مواضيع عن مشاكل العربيه انا شايفها كلها مشاكل تافهه جدا لاتقارن بمشاكل تانيه مع عربيات تانيه
انا بصراحه راضى جدا عن العربيه لغايه دلوقت ومش نادم انى اشتريتها اطلاقا
وبخصوص قفله الباب اللى كنت اشتكيت منها اتحسن دلوقت ودى مش مشكله ان نقول عليها مشكله
بخصوص السعر انا شايف انه انسب سعر لعربيه زى دى فيها كل عوامل الامان 2 ايرباج واوموبيلايزرر مانع للسرقه وفيها موتور وفتيس معروفين للكل ومعروف كفائتهم يبقى عيب واحد وهو الصاج ضعيف شويه ودا حال كل الجديد
انا قبل مااشترى لفيت كل الاقسام وتجولت وعملت مقارنات علشان الاقى عربيه بالسعر ده مالقيتش الا النيسان والعربيه بصراحه ممتازه مش علشان هى بتاعتى بالعكس العربيه عامله احلى انتشار فى كل حته وعندنا فى كفرالشيخ لوحدها عامله انتشار رهيب جدا ودا اكبر دليل على انها كويسه ومناسبه وصفقه رابحه
انا مش فاهم هدفك ايه من البوست ده الصراحه في الاخر شكله برضه موجه للهجوم علي العربيه انا مستغرب العربيه الناس بتهاجمها ليه اللي عايزها يجبها و اللي مش عايزها و شايفها وحشه ميجبهاش مش كل يومين واحد يجيلنا و هو عمال يشتم فيها لو مش عجباك فطمن نفسك في ناس كتير مش عجباها و قالت عيوبها و لو عجباك في ناس كتير عجباها و قالت مزايا العربيه اللي شايفها اظن الموضوع ابسط من وجع الدماغ اللي بنشوفه هنا
هجوم غير مبرر يافندم وانا واحد من ملاكها وبقولك عربيه زي الفل وعمري مافهمت ولالاحظت ايه عيوب التقفيل المصري دي ؟ يعني ايه هيا بالظبط ؟؟!! العربيه اسرتي معجبه بيها جدا وواسعه وعاليه ولا مطب بتحك فيه وفراملها بدون مشاكل ولو فيه صوت ظهر ايه المشكله !! حاجه تافهه ومقدور عليها وليست عيب جوهري اما مشاكل صناع عمالقه زي مشاكل الفتيس وكهرباء ياراجل ده انا واحد صاحبي مستلم رينو ستب واي بزرار انذار بيعلق وبيشتكي من صوت الماتور العالي جدا وسنسور الحزام والباب مش شغال .. نيسان صانع عملاق مهما كان مكان تجميع سياراته ومحدش خدعنا او ضللنا او شربنا حاجه عشان نشتري النيسان صني الجديده ولم اندم على شرائها مطلقا .. اما بخصوص سعر اعادة البيع العربيه بايعها صديقي في العمل ب 105000 موديل 2013 . انا بصراحه مش فاهم ايه الغرض من موضوعك ؟؟ وايه الاصرار على موضوع الغش ده ؟ يعني حضرتك معاك ميجان 2 ياريت تتكلم عنها وتسيب الصني لملاكها اظن ده افضل وموضوعي اكتر ..