مصنع نيسان فى 6 اكتوبر و لكن القطع المجمعة صناعة صيني او هندي
يا فندم انا مش شايف اي سرقه او نصب بصراحه
السياره معرف للصغير والكبير انها تجميع مصري
وتجميع مصري يعني اكتر من 60% من مكوناتها صناعه مصريه بالكامل
وكل واحد بشتري عربيه بيحسب احتياجاته ومتطلباته منها ويشوف ايه الي يناسبه
اما موضوع السعر ده فارتفاع الاسعار العربيات ده عالمي يعني مثلا العربيات غليت في الخليج برضو
انا معاك ان التوكيلات بيحددو اسعار مبالغ فيها
بس هو ده الموجود وده الي بيحصل من كل التوكيلات مش من نيسان بس
اسمحلي انا مبحيش عربيات نيسان ومش بدافع عنها
بس حضرتك متحامل اوي على نيسان ومحملهم اخطاء كل التوكيلات في مصر
ارجو تتقبل وجهة نظري المتواضعه وممكن انا اكون صح او خطأ
واسف على الاطاله
تقيل مروري
انت متاكد ان الكورولا يابانى؟؟؟؟لانى سمعت انها جنوب افريقي
هذا الموضوع ليس بجديد
فعلا ليست كل المكونات يابانى وفعلا بعضها يابانى وبعضها هندى ويتم تقفيلها فى مصر لكن كل ده تحت اشراف نيسان اليابانيه
وعلى فكره انا كنت فى الهند وياريتنا نوصل لربع الهند بتصنع عربيات كثير من الالف للياء
فى محاولة الصين لبيع سياراتها فى مصر بدائنا نسمع و نشوف محركات ياباني تحت غطاء سياارت صيني مثل ليونسل ( شبيهة اللانسر ) و غيرها من السيارات الصينية التى كانت تضع اسم الشركات اليابانية على محركات سياراتها و كان لسببين الاول لكسب ثقة المستهلك الواثق فى المنتج الياباني و الاخر ان المحرك فعلا ملكية فكرية للصانع اليابانى و لكن الواقع بيقول ان المحركات صناعة صينية يتكنولوجيا يابانية .
الصينين مش عجزة علشان يروحوا يجيبوا المحركات من اليابان اللى يابان اصلا اصبحت لا تكترث لتلك التكنولوجيا التى اصبحت بالنسبة لها قديمة .
Dongfeng Motor - Wikipedia, the free encyclopedia
اللى فهمتهDongfeng Motor Company
Established in 2002 Dongfeng Motor Co Ltd began operating in July 2003.
Nissan hold 50% ownership in this maker of heavy trucks, light commercial vehicles, and passenger cars.
Heavy-duty trucks and buses exclusively carry the Dongfeng brand name, light-duty trucks use both the Nissan and Dongfeng names, and consumer offerings are Nissan products with small changes to make them better appeal to the Chinese buyer.
While the great majority of passenger cars retain the Nissan name, a small number sell under the brand name Venucia.
A few of its Dongfeng-branded light commercial vehicles have been exported to Afghanistan, Pakistan, Africa, and the Middle East.
ان نيسان بتدعم دونج فينج بالفنيين و التكنولوجيا فقط اما الصناعة بالكامل صيني بما فيها المحرك و الفتيس و باقي السيارة
و قلت قبل كده ان اليابان اوقفت صناعة الصني بالكامل سنة 2004 اى بعد سنة واحدة فقط من الشراكة بين دونج فنج الصينية و نيسان اليابانية ( فالمنتج صيني 100 % و ما هو ياباني هى علامة نيسان فقط )
اولا اعذرني للرد اعتراضا على فكر حضرتك . بمنطقك متشتريش منتجات apple عشان متصنعه في الصين . ولا adidas و nike عشان متصنع في الصين وفيتنام و هونج كونج ؟؟!! ولا اغلب موديلات chevrolet عشان مش متصنعه في امريكا حتلاقيها مجمعه في استراليا واسبانيا واندونيسيا وفنزويلا والمكسيك والبرازيل والارجنتين والمجر وفيتنام وبولاندا . ولا نيسان تيدا عشان بتعمل العربيه دي في المكسيك وتايلاند ولا تويوتا عشان بتصنع في اندونيسيا وغانا والهند وباكستان والصين وفيتنام ... حضرتك بتقيس الامور في صناعة السيارات بمعايير لاوجود لها الان من اساسه . ياراجل ده hummer افلست والصين ماوافقتش على صفقة شراها واغلقت الشركه . المتطلبات الاقتصاديه وخفض تكاليف التصنيع والحفاظ على سعر منتج منافس لها حسبتها المعقده عند صانعي السيارات والامور لاتقاس بكلام حضرتك ابدا . دمت بصحه
لما تلاقى شعب يقولك الصنى يابانى ( هندى)
الفلوينس الرينو فرنساوى اروبى ( كورى - تركى )- اللوجان فرنساوى ( مغربى )
البيجو 301 فرنسيه ( اسبانى-مغربى )
اعرف انك فى مصر
مصر كان مشكلتها الفساد الان الجهل
كلام حضرتك رائع
و للايضاح فقط... انا لا اعترض على مكان التصنيع و لكن ما اعترض عليه حقا هو كيف نسمح لانفسنا ان نستغل و ينصب علينا بدفع مبلغ كبير من المال زيادة عن السعر الواقعي المفروض .
انا مش ضد المنتج الصيني لا بالعكس انا اشعر بالرضا من المنتاجات الصينية لانها تفض ثمن المنتاجات لانها تعتمد على اتساع شريحة المبيعات
من الاخر اللى مضايقني ان اغلب المصريين بيدفعوا معتتقديين انها يابانى و تستهال و لكنه نصب و سرقة .
التوكيل لو عايز يحافظ على المستهلك يقول انها صناعة صيني او هندي و ذلك كى تباع بسعر اقل (و ينزل بالسعر اكيد و كفاية تحايل ) من الصناعة اليابانية نع الحفاظ على مستوى الجودة الجيد.