الموضوع: دليل اختيار قطع الغيار - الاصلى

جزاك الله خير

المشاركة الأصلية كتبت بواسطة mahmoudysf

لا يا باشا الله ينور مفيش حاجة وقعت منك
بس فيه تعليق بسيط ومش اضافة
امبارح روحت اجيب حاجات من عند البنا ومن ضمن الحاجات اللي سالت علها بطاحات النوبيرا الاصلي كان سعرها عندو 250 قولت اسالت عند عزيز سليمان لنفس الحاجة لقيت البطاحات الاصلي عنده 220 رجعت عند البنا قولتله لقيتها بكذا عند عزيز سليمان البياع (راجل محترم جدا) قالي روح هاتها من هناك يعني خد حاجتم عادي وسيب البطاحة وخدها من عند عزيز سليمان فبصتله كدة باستغراب قالي عادي انت ليك مصلحتك عندنا اصلي وعزيز سليمان اصلي برضة ولو عند حد تاني كنت قولتك متجبش لكن عزيز سليمان ما يبعش مضروب على انه اصلي سبحان الله مع انو منافس ليهم فبسالو على السبب
فهمني ان هو اكيد عندو استك قديم بيبيعو بالسعر القديم والشغل ده لسه داخل لينا جديد.
اذا الخلاصة لما تكون الناس جربت كذا حد وعارفين انهم محترمين في شغلهم يبقى لما اجي اجيب حاجة اسال عند نفس الناس لنفس الحاجة واخد الارخص .

ربنا يبارك لك فى العربية و فى الحاجة اللى جابتها

بص الكل بيبعوا اصلى على مضروب مخلط , ماستر فرامل اللانوس عندى غيرته كتير و عارف شكل الاصلى من الكورى من الايطالى

المهم من فترة ليست ببسيطة احتاجت ماستر نزلت البنا لقيت المعروض عنده الكورى و عاوز يبيعوا على انه الاصلى , روحت عزيز سليمان نفس القصة . طلعت على ابو الحسن وقولتله هات لى ماسترين لانوس و نوبيرا و هاخد واحد منهم , اللانوس باين عليه انه اصلى لكن اللى شككنى ان ماستر النوبيرا ملزوق عليه علامة مائية انه تبع منصور . اخدت الماستر من ابوالحسن و قولتله هنزل بيه التوكيل لو مش اصلى هرجعه
نزلت التوكيل القديم اللى عند سور نادى الزمالك و اكدى لى حاجتين انه اصلى باذن الله و ثانيا انهم مش بيوزعوا قطع غيار تماما للنوبيرا ووريت شكل ماستر النوبيرا ممكن يكون بيركب على الافيو او الاوبترا قالى مش هو .
و قال فيما معنه ان ابو الحسن و سليمان و البنا موزعين لمنصور لكن بيبقى عندهم قطع غيار مستويات تانية و ان ماستر النوبيرا اللى عند ابو الحسن اكيد فيه غلطة و انه مش تباعهم .

ثانيا محدش بيبع استوك قديم مطابق للجديد بسعر اقل من سعر السوق , لسببين ثقافة مصرية و ثانيا انه هيروح يشترى الجديد بالغالى فعاوز يعوض . ماستر الفرامل ده عزيز سليمان قالى سعر فى التليفون ولما نزلت بعد 3 ايام غالى 50 جنية بحاجة انا سعر الجديد رفع و فعلا كان الكل رفع السعر بتفاوت

محدش بيبع اصلى فقط , اما مخلط او اما مضروب . الجملة دى استنتجتها بعد مرات عديدة من اللف على المحلات فى قطع مختلفة


ثالثا بشكر استاذ ممدوح على الموضوع الجيد , لكن من خبرتى فى الصناعة المصرية و شغلى اللى عاوز يزور بيزور و العلامات المائية و الاستيكارات بتضرب فعلا ببار كود او من غير -على الاقل فى مجالى - الفيصل الوحيد ان الواحد يشترى من حد ثقة و يتوكل على الله