عرض للطباعة
انا عندى مشكلة ان الدركسيون بيتهز جامد عند سرعة 80 و سألت العفشجى قالى هتلاقيها مشكلة ترصيص.المهم انا نويت اروح ارصص بس كنت لقيت بعض الاعضاء هنا بيتكلمو عن ترصيص التروسيكل و بيقولوا انه افضل فيا ترى ايه الفرق بين الترصيص العادى و التروسيكل و لو حد يعرف مكان كويس فى مدينة نصر ارصص عندة تروسيكل و تكلفته كام ؟
و شكرا
انا معرفش ايه الفرق الصراحه بس التروسيكل اسهل و اسرع عشان مفهوش فك و تركيب...موجود فى بنزينة فى شارع دمشق فى مصر الجديدة مش فاكر شل او موبيل .
السلام عليكم,
التروسيكل أسهل و بنفس الكفاءة و هناك بعض السيارات لا يصلح لها الا التروسيكل مثل سياراتي "بيجو 504"
اخر مرة رصصت في شيل المجاور لنادي المقاولين العرب علي الاوتوستراد
طب هو تكلفته كام ل 4 عجلات؟
في ببريدج ستون كالتكس عباس العقاد.
مفيش الفرق يا ريس الفكرة ان في نوع جنوط مقفول ميركبش علي المكنة العادية عشان كدة بيركبة علي التروسيكل فهمت من غير ما يفك الكاوتش
و الله للاسف انا مش فاكر المبلغ كويس, بس ما تقلقش ما كانش كتير
انا عملته ب 20 ج...من فترة
ممكن سؤال
ما هي عملية الترصيص و بيحصل فيها اية و بتتعمل ازاي و ايه فايدتها
في فرق طبعا
الترصيص بـ(التروسيكل) بحدد مركز الثقل للعجلة و الطنبورة معا
الترصيص المنفصل (اللي بنفك فيه العجلة) هو تعديل مركز الثقل و الدوران للعجلة منفصله
و ممكن ترصص الجنط لوحده قبل تركيب الكاوتش الجديد كمان (بس مالهاش فايده قد كده)
يعني لو حضرتك رصصت فردة (بالتروسيكل) و هي راكبة قدام يمين مثلا و العربية ماشية تمام ممكن جدا لو غيرتها قدام شمال تلاقي الترصيص باظ
لأن الطنبورة اتغيرت
اللي قلته ده مؤثر أكتر في العربيات القديمة لأن ممكن عفشتها تكون شافت أيام سوده كتير