تركيب كتاوت تقوية نور ؟؟؟؟؟؟؟؟

**محمد ابو المجد** · 12-02-2014 09:26 PM

العربية معايا كانت بدور من اول تكه حتي مبحطش رجلي علي البنزين بس بعد ما ركبت كتاوت تقوية نور وبعديها لاقيت المارش قاطع الكهربائي قالي ركب كتاوت تقويه مارش ومن ساعتها والعربيه بتتاخر في الدوران الصبح ومن كذا تكه ومكاركة بنزين وبعد ده كوله ساااااااااعاااااات تدور وساعات لا ولو دارت بتبقي زي الاكس يعني في اي وقت تدور فهل ده ليه تاثير ولا ايه مع العلم اني كل اسبوعين او تلاتة بروح اظبط مارش علشان مرة بيلف لوحده ومرة الاتوماتك بايظ وكده معلش اني طوليت شوية بس عاوز حد يفدني بجد علشان انا خلاص اتخنقت

**saddam** · 12-02-2014 11:45 PM

صديقي المواطن
الموضوع بسيط
وقولا واحدا
حتغير الكهربائي بتاعك وتدور على كهربائي صاحب فن ومزاج عالي وتطلب منه يلغي سلوك المارش ويعيد تأسيسها بسلوك محملة أثخن من الفبريكة مع كابلات أم المتر أبو 35"جنيه وتركبه أرضي محترم وتركب كتاوت ميضرش بس تأسيس صحيح وكل السلوك تتلف بمكرونة وترامل وكلبسات وبلاش شغل شريط اللحام مع جوز قطاشات نحاس الهندي أبو 14 جنيه وتحط شحم عليهم وكمان تنظف رؤوس البطارية كويس بالماء السخن والصنفرة وقبل كل ده تخلي الكهربائي يحل المارش وتاخده لشركة ميمي في الجيزة جوار مستشفى أم المصريين أو محمد خليل ولا محمد صديق في عابدين قرب ميدان لازوغلي وأي واحد أقربلك منهم حيرجعلك المارش زيرو ودايما دايما دايما كبر بطارية العربية بعد إستعمال العربية سنتين ببطارية أكبر من اللي نازلة فيها فبريكة وأنصح لو عندك مكان متنزلش عن بطارية فارتا الجافة 74 أمبير ونسأل الله الثبات
ولو بعد متعمل كل ده وعربيتك مدارتش طلقة فإنت تبيعها وتشتري صحتك ونرجع ونقول العيب عندك الكهربائي بتاعك تعبانوللا
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**محمد ابو المجد** · 13-02-2014 09:08 PM

saddam صديقي العزيز انا عملت غيرت الكهربائي وفكيت المارش والدينمو والاوتوماتيك بتاع المارش كان بايظ غيرته وغير ت الضفيرة واه انا بمشي بيها وياه مسهل بس عندي استفسار صغير لو بيعت الادا اجيب ايه مع العلم ان الحال علي الاقد يعني وتكون مشاكلها كويسه شويه