علاقة الرادياتير بالفتيس الاتوماتيك

**mfouad17** · 28-09-2008 12:08 PM

هحكيلكم على تجربتى مع النوبيرا اتوماتيك 2003 وماشية 118الف شاريها من سنه والحقيقة كان كل اللى يشوفها يعجب بيها جدا ويستغربوا ان الفتيس شغال زى الفل كانه جديد وده يا جماعه لحد ماالفتيس باظ بسبب موضوع تافه ....

المشكلة ياجماعه كانت علبة الرادياتير اتخرمت وعايزه تتغير تمنها 100 جنيه عادى خالص رحت لبتاع الرادياتيرات غيرها وخلى المساعد اللى فك الرادياتير يركبه تانى بعد شوية لقيت زيت بينزل مع المياه فى العلبه اللى عرفته انه ده نتيجة خطا فى الفك....

وعرفت انه زيت الفتيس نتيجة مشكلة فى السربنتينة اللى راكبة فى الرادياتير وظيفتها تبرد الزيت وغيرها بواحده نحاس بدل الالومنيوم اللى كانت راكبة ومنعت الزيت يخش على الميه وافتكرت المشكلة اتحلت ومعرفتش توابعه الا بعدين...

المشكلة الحقيقية فى الفتيس دلوقتى بعد الغيار التالت، الرابع مش بيجى الا متاخر يعنى العربية بتمشى شوية من غير غيار وكانها ع ال N رغم انى ع ال D عادى على سرعه 70كم لحد لما الغيار الرابع ييجى بعد شوية وغيرت الزيت ولم تحل المشكلة...

معلش طولت عليكم شوية علشان نتعلم من اخطائنا عايزين نعرف ازاى نتحاشى الوقوع فى هذا المطب مرة تانى وتساعدونى بخبراتكم اروح لمين لاصلاح الفتيس واشكركم جميعا