الموضوع: تقرير عن صيانة 10000 كم سوبارو xv

المشاركة الأصلية كتبت بواسطة blazer

معلش هو ممتازه ازى اسعار المصنعيات
يعنى 180 جنيه تغيير الزيت فقط و تنضيف الماتور بلفوم !؟ + 50 جنيه تغيير تيل الفرامل !؟؟
هو ساعه العمل فى التوكيل بكام عشان تدفع 230 جنيه

اسعار التوكيلات كلها كده و أكثر من كده كمان , ابو غالى يعتبر من ارخص التوكيلات .. شوف اسعار الصيانات بالتوكيلات الكورى و هتشوف العجب بالأسعار ..
مصر بلد العجائب دائما .

طبعا الكل يتفق ان أى توكيل غالى عن أى مركز صيانة : بس المهم ان التوكيل الغالى ده يكون شغله على الأقل يفرق عن مركز الصيانة و الا يبقى ملوش لازمة , و ده مش موجود فى توكيلات كتير :
انا عن تجربة اقدر اقولك : ابو غالى يستاهل تدفع فيه شوية اكثر من بره : و ده لسببين اولهم ان مفيش ناس كتير شغالة فالسوبارو و عليه مفيش حد متميز بره التوكيل . ممكن يكون هشام اللى فالضاهر شاطر و حلو بس مش زى التوكيل . و ثانيا : ابو غالى بجد توكيل محترم فالتعامل و متعاون فى حل المشكلات معاك خصوصا لو انت زبون دائم بالتوكيل .
فيه توكيلات تانية بتروح تدفع دم قلبك و تخرج بالعربية زى ما كانت و لا مشكلة تتحل و لا غيره.

1هشام الى فى الظاهر مش بيفهم حاجة
نصيحة انا والدى معاه سوبارو من 1999 ...... الوحيد الى بيفهم برة التوكيل هوة عايد الى فى الحرفيين
و نصيحة بلاش حد يلعب فى العربية برة التوكيل

المشاركة الأصلية كتبت بواسطة kareem.elaraby

هي ديه أول صيانه ؟!
ولا عملت صيانه الالف ؟!
تكلفه اجماليه كام ؟!
ربنا يباركلك فيها و يكفيك شرها و شر العين

جزاكم الله كل خير
الصيانه الأولي كانت بعد الألف كيلو وهي مجانيه و تكون كشف علي مناسيب السوائل و الكشف علي السياره ظاهريا من حيث الموتور و العفشه

أما صيانه الـــ 10000 كم فهي تغيير الزيت و الفلتر و في حالتي تم تغيير التيل الأمامي لتآكله

و تكلفه صيانه 10000 كم العاديه تقريبا 650 جنيه

جزاكم الله خيرا