الموضوع: ملامح مشروع قانون المرور الجديد

المشاركة الأصلية كتبت بواسطة elawany13

عندما كنا بنصرخ هنا من مخالفات وخطورة التوك توك والموتوسيكلات لم تعطي الحكومة والشرطة اي اهتمام لذلك .
لكن عندما تطور الامر واصبح التوك توك والموتسيكلات مصدر خطر على رجال الداخلية تحركوا واصدروا القرارات التي كان يجب اتخاذها منذ اكثر من 5 سنوات .
وازداد الامر سوءا بانهم يريدون ان يكون الموتسيكل لفرد واحد حفاظا على حياتهم ولا يهمهم ان يعاني المواطن او لا يعاني رغم ان الموتوسيكل مصمم ليركبة شخصان .
فاذا ركب صاحب ورشة ومن خلفة مساعدة للذهاب الى عمل معين اصبحت مخالفة .. واذا اخذ الاب ابنة للمدرسة اصبحت مخالفة ... واذا خرج مع زوجتة لزيارة امها اصبحت مخالفة وهكذا ....

احمد باشا
في حاجة اسمها القانون وفي حاجة اسمها روح القانون. من خبرتي كل قانون بيطلع بيتعمل عليه دوشة اول شهرين. وبعد كده خلالالاص. بحححححح ... مش عاوز اقولك ان مصر عظيمة وفيها قانون حتى للناس الي بتعدي من غير اماكن المشاة المفروض يدفعوا مخالفه. لكن مينفعش تطبق مع شعب فيه نسبة همجية عالية .

الناس عاوزة تعيش سبهللة كدة في كل حاجة وفي كل. شيء ... فلا تقلق انتا فاكر ان في سنة من السنين برضو فرضوا علينا حزام الامان. وكانت القاهرة لو عرفت تمشي فيها متر يبقى كتر خير عدالة السماء :)

لذلك مع الاسف مع الاسف قوانين جميلة لكن التنفيذ. على ارض الواقع مش هيستمر اكتر من شهر شهرين وترجع ريمه لعادتها القديمة ... نقطة كمان لا اعتقد رجل الشرطة لمن يلاقي رجل مع مراتوا وغلبان راكبين على موتسيكل. هيوقفوا ... لكن القانون بيستهدف طبقت الصييييييع. الي انا وحضرتك بنشوفهم راكبين خمسه سته فوق موتسيكل وماشين يتسنكحوا في الشوارع .... يا راجل يا طيب ده احياناً بتلاقي موتسيكل. يخبطلك المرايه يكسرهالك ١٠٠ حته والي راكب مع سواق الموتسيكل اكمن انوا راكب بلوشي ينزل يتخانق معاك ويضربك. مجاملة لصاحبوا الصايع الي مركبوا ورى منو بلوشي .

والي راكب على موتسيكل ومحمل عليه مواسير ومحدش يقلي اصل ممعوش يعني معاه تمن مواسير وممعهوش خمسه سته جنية ولا عشرة او عشرين جنية يأجر مخصوص او نص نقل !!
وبعدين كده. ولا كده حتى لو كان سباك او صنيعي فهو كلوا على حساب الزبون ... خلونا ننضف بقه ونبطل عشوائية ... صدقوني مش الي بيقلقني هو تغليظ العقوبة. لكن انا بقلق من عدم الاستمرارية على تطبيق القانون ... وان المواطن ممكن يوقع فريسة سهلة لرجل قانون مبتز مثلاً. يبتزك لمجرد انك جاهل في القانون او. لانك علنياتك ولانك راجل غلبان وغني راكب عربية بالشيء الفلاني وشكلك راجل طيب فيقوم يشتغلك ... دي نقطة. النقطة التانية. انا باستغرب من قرار منع التكاتيك لمدة سنة. !!! ده على اساس ان مصر التكاتيك الي فيها مش مكفياها ومحتاجين تكاتيك جديدة هههههه. يا راجل انا بقيت اشوف تكاتيك في الشارع اكتر ما بقيت اشوف عربيات او بني ادمين .

نقطة اخيرة .... التكاتيك والموتسيكلات اكمن انها رخيصة انتشرت. ولكن الي الكل مش واخد بالوا منو ان مصر بلد غير بترولي والحجات دي بتستهلك بانزين بغباء يعني من الاخر الوقود الي موجود. مكفي العربيات بالعافية. فهل معقول الوقود الي المفروض نشغل بيه عربيات ومصانع واوناش وجرارات. نبتدي نصرفوا على تكاتيك وموتسيكلات. تسعين في المية من الي سايقينها عيال سابوا مدارسها وابتدوا يصيعوا في الشوارع وتركوا التعليم خالص !!

هتقلي اصل التكاسي. بتستهلك بانزين هقولك لأ التكاسي. بتستهلك الغاز الطبيعي ونسبة بسيطة من البانزين. لكن ازمة الوقود سببها الرئيسي. هو انتشار الموتسيكلات والتكاتيك. ضعف اضعاف اضعاف العربيات وبانزين رايح وبانزين جي. واحرق احرق احرق بانزين مدعم فده عبء على الاقتصاد الوطني ... فلا تقلق على الرجل المسكين الي مركب مراتوا وعيالوا وراه ده هتلاقي ليه استثناء رغم انوا من باب اولى يخاف على مراتوا وعيالوا انا يوم ما كنت في مستشفى زايد التخصصي ايام ابويا الله يرحمو ويشهد الله على كلامي وحدة وجوزها. راس بنتها الصغيرة مصابه فالممرضة بتسئلها. ايه الي سبب الاصابة دي وازاي تسيبي بنتك توقع من ايدك كده قالتلها. ما انا راكبة. توك توك. وعربية نص نقل خبطتينا فالبت طارت من ايدي لمن التوك توك اتقلب ده غير الولية الي حكيتلوكم عنها الي كانت مصابة بطلق ناري بتاعت حادثة التثبيت ماهو القعده في المستشفيات بتخلي الواحد من الملل والزهق يعرف حكاوي الناس ويشوف قصص كده من قلب الواقع ومن قلب الحدث :) ، المهم القصد انو الغلبان الي مركب مراتوا وعيالوا قد يكون خيراً له ميركبهومش وراه ده لو خايف عليهم فعلاً وميقولش ياعمي. ربنا يسترها ... طيب ما ربنا قال ولا ترموا بايديكم الى التهلكة ثم في موتسيكلات مخصص للعائلة. الي هو موتسيكل وجمبية كده كرسي او وحدة اضافية. بتركب وربنا يتولى الجميع ... وتحياتي .