الموضوع: ارجو المساعدة

مقبل على شراء سيارة لانسر موديل 2009 اتوماتيك 1600 سى سى
كنت عايز اعرف ايه مميزاتها وايه عيوبها ؟؟ وسعرها التقريبى كام فى السوق
هى عاملة 72 الف كيلو وراشة حزام لونها كحلى فيها كدمة بسيطة فى الشنطة ورا تكاد لا تذكر

متابع

بص انا مش عارف تحديدا اذا كانت موديل 2009 بالذات فيها عيب معين ولا لأ .. بس كمجمل اللانسر عربيه عمليه جداا .. وكويسه وبتستحمل واسعار قطع غيارها معقوله مش عارف الناس بتهاجمها ليه وتقولك هتجيب عربيه بقالها 10 سنين بنفس الشكل ..مع اني شايف ان دي ميزه عشان الشركه تعرف كل عيوب العربيه .. اللانسر معايا من 2006 الحاجه الوحيده اللي شفتها فيها انها سخنت من كام واحد بس ده كان اهمال شخصي عشان التخبيط وعدم فحص مستوى الزيت والردياتير .. غير كده كويسه .. الصالون نوعا ما كويس . مش واسع اوي بس شغال .. الثبات كويس لحد 150 كده " انت كده كده مش محتاج اكتر" ... التسارع كويس .. سعر اعاده البيع ممتاز .. اهم حاجه ودي مش فى اللانسر بس انك كل شويه تكشف عالاساسيات وهي انشاء الله هتكون كويسه معاك .. بالنسبه للسعر مش متابع بقالي فتره فا مش عارف كام بس ممكن تكون فى حدود من 90 الف ل 105 كده .. وعلى حسب هي كلاسيك ولا هاف.

المشاركة الأصلية كتبت بواسطة abogoda

95 لــــــــ 105 الف حسب الحالة

طيب يا باشا فى عربية تانية لانسر 2009 1600 سى سى مانيوال عاملة حواللى 80 الف كيلو اول مالك من الزيرو هى العربية كلاسيك .. انا لسه ما شفتهاش فكنت عايز اعرف ايه الاوبشن اللى فيها وسعرها كام تقريبا لانها المفروض هتدخل مقايضة مع اوبل فيكترا 99
جزاكم الله خيرا

المانيول 1600 كلاسيك هتبقي تكيف وباور وسنتر وزجاج كهربا والمريات كهربا بس تعديل مش ضم
مفيش عتب ولا جنوط ولا اسبويلر
عربيه محترمه جدا وسحبها حلو وسعرها يعني تقريبا من 85 وانت طالع علي حسب حالتها