الموضوع: فلوانس 2014 ام سيراتو 2014 خليجي

مما لا شك فيه
السيراتو أكله الجو

المشاركة الأصلية كتبت بواسطة ahmed travco

الفلوانس مش تقيلة قوي على فكرة، دي وزنها حوالي 1250كم... واعتقد الموتور ده كويس عليها وافضل من اللي قبله!

الله ينور عليك يا أستاذ أحمد....للأسف كله بيتكلم بدون اى اساس علمى....و كله بيقارن مع الفلوانس القديمة!!!!
الوضع اتغير فى الجديده كقوة موتور و تسارع...
موتور السيراتو و موتور الفلوانس الاتنين عزمهم 157 نيوتن متر بالتمام و الكمال بل بالعكس الفلوانس بتجيب اقصى عزم عند اقل عدد لفات و دى روعة الفتيس ال cvt المرتبط بيه....موضوع الهورس باور ده موضوع تسويقى بحت و عباره عن حماده بالجنزبيل...
يا ريت يا جماعة اللى ينصح الناس يكون ساق العربيتين و أقصد سيراتو 2014 و فلوانس فيس ليفت 2014 علشان فيه ناس اخواتنا بيقروا الكلام اللى احنا بنكتبه و ينزلوا يشتروا بناء عليه و بعدين يكتشفوا الحقيقة المرة بعد فوات الأمان....

رجاء تحرى الدقة فى المعلومات و عدم التحدث بناء على اراء شخصية

انا عمرى ما سقت السيراتو و علشان كده غير مؤهل ان انا اقول او احكم هيه حلوة و لا وحشة سريعة و لابطة و بعدين بنقارنها بأيه....يعنى لما بنقول موتور جبار مقارنة بانه موتور؟ ؟!!!! علشان بس نبقى فاهمين...بنقول مليانه كماليات و تفوق الفلوانس طيب ينفع حد يوضحلنا ايه اللى فيها ازيد و لا اقل و انه فئة و بسعر كام و لا واحد يسمع الكلام ده و ينزل يشترى و بعدين يلبس فى الحيطه

انا لا انصح اى حد يشترى الفلوانس فيس ليفت الا لما يروح التوكيل و يطلب تجربتها و يشوف هتلائم اسلوب قيادته و لا لأ و هتديله اللى هو عايزه من العربية و لا لأ.....الفلوانس لا تناسب اى شخص و شكراً