ريموت البايونير المصنع للدريكسيون محدش يشترية ﻻنه اشارته ضعيفة جدا

**ياسر ابراهيم** · 14-02-2014 02:19 PM

http://caraudiosecurity.com/cd-sr110...g-wheel-remote
انا بقصد الريموت دة

اشتريتة وظايفه ممتازة لكن للأسف اشارته ضعيفة و يلزمة توجيه للكاست .لكن عملت ليه تعديل في led الاشارة عشان يتحسن شوية
بمعني ان بداخلة 2 led واحد ملحوم لاعلي و الثاني ﻻسفل وحدتهم الثنين لاسفل و و خرمت ليهم بحيث يكونونو ظاهرين من ظهر الريموت
و بكدة اتقوت اشارته شويه
بالتوفيق

**body7733** · 15-02-2014 12:31 AM

مع احترامى لكلام حضرتك
انا مجربتش الريموت ده خالص بس ليه انت مجربتوش امام المحل
او كلمت فنى من المحل او التوكيل يجى يجربه ولما يلاقيه ضعيف يغيرة او ترجعه خالص
وانا شوفت واحد اصلى وكنت ناوى اشتريه و اجربه بعد ما غيرت الهيديونيت بتاعى وجبت pioneer 9550
وكنت عاوز اسألك هل جربت الشكل ده منه ،،،
عموما انا نازل بكرة إن شاء الله اسكندريه وهجيبه من اوتو ماركت وهجربه ولو مش شغال تمام مش هشتريه
وهقولك اول ما ارجع بإذن الله على تجربته
تحياتى،،،،

**ياسر ابراهيم** · 15-02-2014 08:59 AM

يا اخي جربت الموديل اللي فية مفاتيح الاتصال التليفون اللي منزل صورته و يشتغل فقط ناحية اليمن علي الدركسيون
لكن الموديل بتاعك ماجربته و اخدت التاني ﻻنه احدث
علي الديركسيون من اليمن هيشتغل معاك لكن لو ركبته علي الشمال مش هيشتغل ولو مركبه علي اليمن و غطيته بصوابعك من ضهره مش هيشتغل
ﻻنه فكرتة مبنيه علي infrared بالاشاعة تحت الحمرا يعني مش بلوتوث زي ما بعض اﻻعضاء متصورين
شوف و جرب بنفسك و حاول تركبة شمال الطارة و شوف
بص بقي اخر تعديل عملته عشان يشتغل معايا علي شمال الطارة واشارته تقوي لحمت اللدات led علي سلك هيد فون قديم ولحمت اطرافهم في اماكنهم في الريموت وخرجتهم خالص من الريموت وقربتهم ناحية الكاست بطريقة سحريه من ورا الطارة بحيث السلك ميبنش و دلوكتي شغال زي الصاروخ
علي فكرة جهازي pioneer DEH-X8600 BT
و متنساش تقولي رايك بعد تجربة الريموت بتاعك ... ان شاء الله يكون اقوي

**ياسر ابراهيم** · 15-02-2014 07:34 PM

https://app.box.com/s/xowzncpvl5cex3ykv7s2
دي صورة تعديل الريموت pioneer steering remote control CD-SR110
واي خدمة يا رجاله

**body7733** · 15-02-2014 07:59 PM

يا باشا كلامك كله تمام
بس انا جربته ورجعته
لما لاقيته اشارته ضعيفه بس انت باين عليك بتحب الفنيات وتحب تعدل فى الحاجه
انا مليش طاقه انى افك واوصل واعدل ،،، يا اما الحاجه تيجى مظبوطه يا بلاشها خالص وادور على الافضل وخلاص
عموما انا جربت الاتنين وشغالين معقولين بس فعلا هما شغالين على خاصية ir علشان كده الاشارة بتاعتهم ضعيفه بس ممكن يشتغل عادى بس يكون قريب من الكاسيت
وشكرا ليك على النصيحه والمجهود بتاعك

**ياسر ابراهيم** · 15-02-2014 10:21 PM

انا شغلي في السيارات يا اخ body و بالتحديد الدبرياج بكل انواعة و جميع انواع السيارات
البنزين و الديزل و الاتوماتيك ....و الدبرياج الاسبورن و ليا شوية في الكهربة و الالكترونيات
و بحب السيارات الرينو و خاصة اللاجونا هيتشباك
بالنسبة للريموت ﻻما تعمله تعديل ليه ﻻما هيتعبك و لذلك انا كتبت تحذير للاعضاء من شرائه
و اي خدمات يا نجم

**body7733** · 15-02-2014 11:53 PM

شكرا يا اخ ياسر للنصيحه
وبالتوفيق يا نجم النجوم

**sigma** · 21-02-2014 12:50 PM

المشاركة الأصلية كتبت بواسطة ياسر ابراهيم

https://app.box.com/s/xowzncpvl5cex3ykv7s2
دي صورة تعديل الريموت pioneer steering remote control CD-SR110
واي خدمة يا رجاله

انا معايا الريموت القديم
http://nileup.com/up/uploads/nilemotors_13924169451.jpg

ينفع اجليك و تعدلهولي ؟

**ياسر ابراهيم** · 04-03-2014 09:45 PM

المشاركة الأصلية كتبت بواسطة sigma

انا معايا الريموت القديم
http://nileup.com/up/uploads/nilemotors_13924169451.jpg

ينفع اجليك و تعدلهولي ؟

ياريت ينفع تيجيلي ..تشرف و الله بس ابعد عنك 5 اﻻف كيلو متر
بس فكرة التعديل كاﻻتي
1. محتاج سلك سماعة هيدفون قديم فليكن مثﻻ سماعة نوكيا
2. تفك الريموت من الجناب فقط و خليك حريص و انت تفك
3.كاوية لحام و شفاط قصدير و تفك ال 2 ليد الانفرا ليد
4. تعيد لحام ال 2 انفرا ليد بسلك السماعة و الريموت وطول السلك حسب المكان اللي يريحك و باستخدام 3 اطراف 1 مشترك و 1 لليد اليمن و 1 لليد الشمال مع مرعاة اللحام بنفس اتجاهات الليدات
مع استخدام عازل اسمة مكرونة عند محﻻت الاليكترونيات عشان يبقي عزل اللحام جميل
لو تقدر تعمل المهمة دي اوكي لو صعبة عليك ..روح ﻻي حد بيصلح اجهزة او موبيﻻت يعملهالك بكل سهولة
بعد اﻻنتهاء من المهمة ثبت الريموت عالديركسيون و عدي السلك بطريقة سحرية بيحث ما يبنش ( ثم جهة الليدات علي الكاست باقرب مسافة )
كدة الف مبروك الريموت هشتغل ان شاء الله عادي بدون مشاكل