الموضوع: ممكن ألاقى لوجان او سانديرو أوتوماتيك فين..؟

افضل مكان اتعاملت معاه هو الطارق
ناس محترمه و بتعامل عربيتك معامله محترمه

المشاركة الأصلية كتبت بواسطة abohassan

فيه أى اخبار عن الشكل الجديد ... ؟؟؟؟

وكنت عاوز اعرف الناس ليه بقول إن الشكل الجديد هيبى غااااالى وهايزيد وكدا مع إن كل المؤشرات والدلائل بتقول إنه هيبقى إن شاء الله بنفس السعر دا إن ماكنشى أرخص .. ودا للأسباب الآتيه :

- الشكل الجديد بره فى كل أوروبا من أرخص العربيات ، دا فى إنجلترا إلى هيا من أعلى الدول فى مستوى المعيشه وعندهم كل حاجه غاليه ... السانديرو بتبدأ من 70000جنيه مصرى ممكن تتاكدو بنفسكم من اللينك دا :
https://www.dacia.co.uk/vehicles/sandero/

- انا شايف إن كل المعارض الى عماله تحرق فى السعر علشان تتخلص من الشكل القديم دا مؤشر إنهم عندهم معلومة إن الشكل الجديد نازل بنفس السعر دا إن ماكنشى أرخص .. يعنى أنا لو صاحب معرض وعارف إن فيه شكل جديد نازل وهيكون غالى بالعكس مش ها استعجل خالص على الشكل القديم الى عندى علشان هيبقى عليه طلب بعد الشكل الجديد الغالى ماينزل الى ممكن شكله كمان كأزواق يعنى مايعجبشى الناس ... زى ما حصل كدا مع الصنى الشكل القديم والجديد .

- انا مش شايف إن مجرد تغيير الشكل يخلى العربيه ترفع فى سعرها 15 ألف زى الناس ما بتقول ...لان هوه كدا ها يخليها تدخل فى فئه سعريه مش بتاعتها خالص دا من ناحيه تسويقيه ... ونفس الخطأ دا وقعت فيه نيسان لما نزلت التيدا الجديد ب 160 ألف فى حين الموديل القديم كان ب 136 الف .. وبصوا وقولولى حد شافها ماشيه فى الشارع كام مره من ساعة ما نزلت .

- معظم التوكيلات بيبقى عندها كدا لمحدودى الدخل عربية للى زى حالاتنا دا لو عاوز يبيع يعنى ...

- مش عارف بقى انا بطمن نفسى وخلاص وعاوز رئيكم برضه و على العموم انا اخدت بنصيحة إخواتى هنا فى المنتدى و إن شاء الله ها أنتظر الشكل الجديد ونشوف ها ترسى على إيه ..!!


تحياتى ...

مفيش اخبار غير ان احتمال تكون موجوده في فورميلا الاهرام شهر مارس
مبدأيا انا شايف انها لو نزلت بنفس سعر القديمه حيكون ظلم بصراحه للي جايبيين الشكل القديم
انا لسه شاريها من 4 شهور وينزل شكل جديد وبنفس السعر كمان حرام يعني

عموما ليه الناس بتقول ان سعرها حيغلي وحتعدي ال 100 الف
انا شوفت اسعار العربيه دي في اكتر من دوله
البرتغال والبرازيل والمغرب والجزائر وكده :)

مبدأيا لو شوفت اسعارها في الجزائر دي تقسيمه الاسعار
[url=http://webstar-auto.com/automobiles/prix-modele-dacia-nouvelle-logan-algerie-110880.htm]Prix
Dacia Nouvelle Logan Alg

حتلاقي ان اول 3 ماتور 1.2 وده صعب ينزل عندنا طبعا لانه حيكون اضعف من ماتور الشكل القديم وحتفشل من رأيي
الاخيره 1.5 ديزيل وده مش بينزل ف مصر

ال 1.6 وده في رايي اللي حينزل سعرها هناك 1195000 دينار جزائري والدينار ب .089
لو حسبتها حتلاقي سعرها حوالي 106 الف جنيه

http://economia.terra.com.br/carros-motos/novo-logan-confira-precos-e-versoes-a-partir-de-r-28990,2275a127bf522410VgnVCM4000009bcceb0aRCRD.htm l

دي اسعارها في البرازيل
برضو هناك ال 1.2 ب 28990 والريال البرازيلي ب 2.97 يعني حتكون ب 86 الف
لكن ال 1.6 بتبدأ ب 39440 يعني بحوالي 117 الف


يعني عموما اسعارها بره لماتور ال 1.6 فوق ال 100 الف
عشان كده كله بيقول حتنزل اغلي

القصه ان العربيه نازله هناك ب abs و parking sensor و gps و radio touch screen

طبعا معتقدش انها حتنزل بكل ده وحينفضوها قبل ما تيجي
يعني اعتقد اكيد حيشيلوا منها عل الاقل ال gps ويكون فيها راديو عادي

عشان عل الاقل يحافظوا ان سعرها ميزيدش اوي

فالله اعلم ايه اللي حيتم
انا من رأيي المفروض يسيبوا الشكل القديم زي ما هو وينزلوا الشكل الجديد رينو سيمبول ويكون في فئه اعلي
لانه لو نزلها فوق ال 100 الف والشكل القديم خلاص حيخسر المنافسه مع اللانوس والفيرنا

بس للاسف الشكل القديم مبقاش ينزل حتي في المغرب اللي بنستورد منها
فالله اعلم ايه اللي حيتم

عموما استني لحد شهر 3 وشوف ايه الكلام وبعدها قرر
ومتستعجلش دلوقتي زي مانا استعجلت وقاعد ندمان دلوقتي :) :)