ارجوا التثبيت : دليلك للكشف عن سيارات bmw و تجربتي في توكيل عز العرب

**Rdwany** · 15-02-2014 08:13 AM

في البداية نويت اشتري عربية بي ام 320 و كنت عايز اكشف عليها و بعد سماع النصيحة من اهل الخبرة لقيت اني لازم اكشف عليها في التوكيل احسن و اضمن من اي ورشة .
و فعلا قررت اني اروح التوكيل لكن اكتشفت ان فيه 3 اماكن معتمدين ممكن الكشف فيهم عن سيارات البي ام و هم :

1- توكيل البافريا

سعر الكشف : 1700 - الحجز : قبل الكشف ب حوالي اسبوعين

العنوان : القطامية - الطريق الدائري - اتجاه مصر الجديدة - التليفون :19269-------

الماظة - رقم التليفون : 19269--------- ابو رواش - كريق اسكندرية الصجراوي - التليفون :19269
2- توكيل عز العرب

سعر الكشف : 1100 - العنوان : الكيلو 28 طريق مصر اسكندرية الصحراوي أبورواش – الجيزة
التليفون : 0235390601 - معرض العجوزة - هاتف : 0237497100 و يعتبر عز العرب و كيل عن البافريا للسيارات لصيانة سيارات بي ام

3- ابو غالي موتورز

الكيلو 9 طريق القاهرة الأسماعيلية الصحراوي العبور

تجربتي في توكيل عز العرب

اختارت توكيل عز العرب و ذلك عشان انا رحت من غير حجز مش زي توكيل البافريا اللي كنت المفروض استني شهرين عشان اكشف عن السيارة و كان يوم رائع :
رحت هناك علي حوالي الساعة 9 لفرع ابو رواش من غير ما اكون حاجز قبلها - بمجرد وصولي دخلت السيارة لمكان الكشف استغليت الوقت و قعدت الف في معارض فولفو و سيتروين و بي ام و ركبت كل عربية هناك و بعد كده رحت قعدت في الأستراحة - الكشف عن العربية يمر ب 3 مراحل الأولي : فتيس و ماتور - التانية : كهرياء و عفشه - الثالثة : الدهان و الصدمات .
اسغرق الكشف حوالي 4 ساعات و بعده طلع تقرير كامل عن العربية عن كل جزء في العربية و الحمد لله كانت السيارة سليمة عدا بعض العيوب البسيطة و توكلت علي الله و اشتريت العربية .

**amrico** · 15-02-2014 09:53 AM

شكرا لنقل التجربة

يا ترى ممكن يقيمولك السعر كمان؟

**abohend** · 15-02-2014 09:55 AM

مبروك يا نيو بيمر
ربنا ينفعك بها و يرزقك خيرها و يجعلها عونا لك على طاعته

بس أسعار الكشف غالية كده ليه؟؟

طبعا بي إم مش زي الماركات التانية
لكن أنا كشفت في كيا ب300 و فهيونداي ب200
لكن 1700 كشف كتيييييييير
ده أنا ممكن أشتري العربية حتى لو فيها عيب عشان ال1700 ميروحوش هدر

تحياتي و مبروك مرة تانية

**saddam** · 15-02-2014 03:12 PM

صديقي المواطن
مبروك وشكرا لنقل التجربة الثرية المفيدة ﻹخوتك أعضاء المنتدى الكرام ولا تحرمهم من كل جديد لك وحفظ الله سيارتك من كل سوء
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال