ايه أحسن عربية مستعملة اتوماتيك في حدود 50 الف؟

**ArafatEHegazy** · 28-09-2008 05:38 PM

كنت عايز أعرف ايه أحسن عربيه مستعملة في حدود ال 50 الف. بس تكون أتوماتيك ويكون الفتيس بتاعها قليل المشاكل.
أنا فكرت في رينو كليو 2004 .... بس موش عارف ايه اخبار الأتوماتيك بتاعها

**drlifewhy** · 29-09-2008 05:53 AM

shoflak crystala kamla t3mlha 58 wla 7aga
aw lanos 1 t3mlha fe awa7'r el 40 3la ma i think

**Mohamed_Ibiza** · 29-09-2008 05:59 AM

ممكن كريستالة زي ما drlifewhy قالك

او ممكن تفكر في تويوتا كورولا العيون برضه عربية محترمة اوي

**hazem_khidr** · 29-09-2008 08:25 AM

عندك في حدود ال 50 كريستاله
في اواخر ال50 كورولا عيون
افضل ما يمكن شراؤه
بس بشرط الحاله الجيده

**ArafatEHegazy** · 29-09-2008 01:52 PM

هي الكرستالة بتبقي موديل كام؟ و1300 ولا 1600؟
لأني قريت كتير في المنتدي انه الأتوماتيك يفضل اكتر من 1300 سي سي.

الكورولا عربيه محترمة جدا ...بس فوق ال 50 الف فوق امكانياتي.

**zizophone** · 01-10-2008 12:50 PM

طيب ماتفكر في الهوندا سيفيك مو 94 ولا 95 1600 وكل الكماليات

**mokhtar** · 02-10-2008 03:34 AM

زى ما قال الاخوه الاعضاء الاختيار ينحصر فى 3 عربيات كورولا عيون ولانسر كريستاله وسيفيك 93 مش هتلاقى احسن منهم اوتوماتيك بالسعر ده بس بشرط الحاله تكون جيده العربيه مش متهانه ,والسعر ده ممكن يجيب سيفيا 99 او كيا ريو2003 اوفيرنا2004 او لانوس 1 موديل 99 اوتوماتيك بس انا مانصحكش بالكورى فى المستعمل الاوتوماتيك بيبقى فتح بقه وخلص بدرى وهيقرفك انما اليابانى لو كان حالته كويسه هيريحك اوى وبالنسبه للكريستاله معظمها 1300 سى سى ماشوفتش 1600 الا قليل وعلى فكره ال1300 مش وحش يعنى هيقضى الغرض

..mokhtar..

**ArafatEHegazy** · 02-10-2008 01:46 PM

هي العربيات اللي فوق كلها ممتازه بس الاعيب اللي أنا شابفه ان معظمها موديل تحت ال 2000. ودي نقطه مخوفاني في موضوع التصليح وخلافة.
واضح ان مفيش حد من الأخوه مشجع الرينو كليو نهائي. أنا شايف ان الموديل بتاعها هيكون جديد (2003, 2004) ودي نقطه مهمه جدا علشان ماتبقاش العربيه ابتدت تفتح بقها وتزبطني مصاريف. وعربية كمان أوروبي فا متنية وثابته علي لطريق. بس متهيألي بيعبها صعوبه إعادة البيع.
فهل الكليو اختيار كويس لو أنا موش ناوي أبيع قريب؟

هي الكيا الريو أنا معرفش أخبارها ايه والفيرنا أنا بسمع كتير من الناس بتشتكي منها وأنا بتطلع من التوكيل بتحدف والتقفيل وحاجات زي كده....

**kefafy** · 12-10-2008 12:44 PM

والله الكيا الريو و الفيرنا معديين ال 50000 الف وعربيتين زى الفل
وبالنسبة للرينو عربية زى الفل ولاكن حضرتك مش متينة ولا حاجة دى رفرفها فيبر
والعطسة فيها بمبلغ وقدرة دة الى انا اعرفة
فلو حضرتك بدور على مستعمل خليك فى الهيونداى الاكسل الاتوماتيك 1500 قطع غيرها كويسة وعربية حلوة على الطريق
بعد كدة فى كريستالة اتوماتيك وممكن تلعب فى خمسين بس انزل الحى العاشر
اما لو مش هتفرق معاك سعر قطع الغيار فنصيحة خليك فى الاوبل 95 اتوماتيك او فى الهوندا السيفيك زى مابقية الاخوة نصحوك
ووفقك الله الى مافيه خيرا