الموضوع: احجز الشكل الجديد و لا

السلام عليكم
عابز اخد راى الاخوة الاعضاء فى حاجة
انا بعد مسح السوق كله لقيت احسن حاجة فى الفئة السعرية دى هى صنى الشكل ااجديد
من وسع و استهلاك بنزين و انتشار
انا بس كل المشكلة عندى شكل العربية مش مرضى اوى من بره بس
فختيف احجز الاقى سنة و لا حاجة نيسان نزلت شكل جديد و خصوصا مع الانتقادات المتوالية للشكل الحالى
و بعدين بسمع ان التوكيل مش كويس و خصوصا ان فى بعض قطع الغيار غير متوفرة
زى بلى العجل الخلفى
يا ترى فعلا موضوع قطع الغيار ده صح
و احجز و لا استنى بعربيتى كمان سنة و اشوف الدنيا فيها ايه
و خصوصا ان انا هقسط فمش عايز ادفع 3سط 4 سنين و انا بقول يا ريتنى كنت استنيت
و يا ريت حد يقوللى لو حجزت الهاى لاين بستلم بعد قد ايه
شكرا للاهتمام

المشاركة الأصلية كتبت بواسطة ibrahimsaad

ههههههههههههههههههههه

ياباشا من حيث السعر والامكانيات فمش هتلاقى زيها

بخصوص قطع الغيار اعتقد كان فيه مشكله واتحلت

بخصوص الشكل مااعتقدش ان هيتم طرح شكل جديد وبعدين نفس الشكل منتشر فى كل دول العالم بمسميات مختلفه ماحدش اشتكى منه غير المصريين

انا شخصيا ماكنتش حابب الشكل قبل مااشترى وكنت مايل للشكل القديم بس لقيته اقل امكانيات ومش معقول اشترى موديل قديم واسيب الجديد

قمت عاصر على نفسى لمونه واشتريت الشكل الجديد وبعدين اتعودت عليه بعد العشره ههههههههههههههههههههههههه ههههههههههههههههه

ماانا برده اتجوزت تقليدى مش عن حب بس الحب بيجى بعد الجواز

والعربيه مش هتكون احسن من الجواز

وبعدين العربيه انتشرت انتشار كبير وكل يوم بتزيد والناس ابتدت تقبل عليها

شكرا لاهتمامك انا حاسبها كده برضو
انا حاببها فعلا من جوة بس الشكل الخارجى اكيد لما ربنا يكرمنى بيها هتعود عليه
بس عند حضرتك فكرة الاستلام بعد الحجز باد ايه
و الهاى لاين لسه زى ما هى ب 120 و لا زادت

يا راجل هو فلوسك حرام ولا ايه

المشاركة الأصلية كتبت بواسطة simon659

يا راجل هو فلوسك حرام ولا ايه

ليه كده بس

والله حرام انك تجيب العربية دى انا كنت حاجز السوبر صالون ولاغيت الحجز والحمد لله ربنا وفقنى وجبت بيجو 301
الصنى للأسف
اضعف صاج
واسوء شكل
وأردئ تقفيل وخامات .
كاوتش صينى سئ
عربية هندى مش يابانى يعنى قطع غيار هندى موتور متقفل فى الهند تجميع مصرى
http://www.nilemotors.net/Nile/40514...post3875421859

المشاركة الأصلية كتبت بواسطة grumby78

يعني معلش بس ردك مستفز جدا . يعني البيجو 301 دي عربيه في رأيي الخاص جدا لايمكن اشتريها واطلع فلوس من جيبي وادفع فيها المبلغ بتاعها . ببساطه عشان ان مش من محبي الفرنساوي اصلا واسواق زي امريكا والخليج لاتعرفها اصلا . دي عربيه حتى مش بتتباع في بلدها فرنسا ولا اوروبا الغربيه اساسا . طول عمر الفرنساوي بالنسبه لي لا اعتماديه له من تجارب اصدقائي اللي حرموا يشتروا فرنساوي من تجارب مريره مع توكيل بيجو وستروين -عز العرب - . .وردينا على الراجل اللي بتستشهد بيه . ناهيك عن اني كمان كام سنه اتعذب في بيعها .

بس معلش اصل ردك نبهنى انى فى قسم نيسان صنى كوكتيل ( هندى - مصرى - صينى ) وعلى فكرة انا مقولتش للراجل اشترى 301 اللى هى اوروبى انا قولتلة ان انا كنت حاجز سوبر صالون ولاغيت وبعدها اشتريت 301 بعد كده حبيت انى انصحة ليه انا لاغيت حجز الصنى وكتبتله بكل امانه عيوب الصنى بس لأن فعلآ مينفعش تقارن بين العربيتين لأن فى فرق سعر وشكل ومضمون وحاجات تانية كتير فوق بعض

المشاركة الأصلية كتبت بواسطة smsm2004w

بس معلش اصل ردك نبهنى انى فى قسم نيسان صنى كوكتيل ( هندى - مصرى - صينى ) وعلى فكرة انا مقولتش للراجل اشترى 301 اللى هى اوروبى انا قولتلة ان انا كنت حاجز سوبر صالون ولاغيت وبعدها اشتريت 301 بعد كده حبيت انى انصحة ليه انا لاغيت حجز الصنى وكتبتله بكل امانه عيوب الصنى بس لأن فعلآ مينفعش تقارن بين العربيتين لأن فى فرق سعر وشكل ومضمون وحاجات تانية كتير فوق بعض :copy of m-s5:

كلام محفوظ و الناس بتردده بدون فهم
اللى متعرفوش سيادتك ان معظم ان لم.يكن كل العربيات عبارة عن كوكتيل
و البيجو دى لو كانت عربية محترمة كنت تلاقيها فى الاسواق المحترمة بتاعة غرب اوروبا او امريكا زى الصنى انما هى مش موجوده غير فى اسيا و شرق اوروبا و افريقيا
افرح بقى