لملاك وعشاق كيا سبكترا ارجو المساعدة

**أسامه طياره** · 15-02-2014 07:38 PM

اي حد معاه كيا سبكترا ياريت يفيدني
حاليا انا معايا نوبيرا 2005 اوتوماتيك وبصراحه قبلها كان معايا كيا سيفيا 2000 مانيوال وبعتها لتحديث الموديل وندمت اشد الندم السيفيا ثبات اعلى وركوبه احلى 100 مره وبصراحه معرفتش اتناغم مع النوبيرا رغم محاولات كتيره محبتهاش
دلوقتي ناوي ابيع النوبيرا واجيب سبكترا عشان منزلش في الموديل وتبقى 2005 بردو بس الناس خوفتني ان هي قطع غيارها صعبه ومش متوفره وغاليه اوي ! ...
انا ساكن في 6 اكتوبر وبصراحه المدينه عندي فقيره اوي ومش عارف هقدر الاقيلها قطع غيار هنا ولا لازم عشان اجيب مسمار انزل التوفيقيه !! .. لان معنديش وقت لكده وبصراحه السيفيا كانت قطع غيارها متوفره اوي ورخيصه ... فالكلام ده صح !؟؟
وهل فعلا كل مااعوز قطعة غيار هتضطر اروح التوفيقيه والحرفين وغيره !؟؟؟
انا حابب العربيه جدا وحاسسها مظلومه وشايف مفيش مقارنه بينها اصلا وبين النوبيرا بس قطع الغيار نقطه مهمه اوي بالنسبالي
اعتذر للاطاله ومشكور مقدما :)

**dreamsmake** · 16-02-2014 09:39 AM

بص ياباشا هي قطع الغيار كلها موجوده .. متهيئلي بأسعار السيفيا..بس عند ناس معينه... وبعدين مش لازم التوفيقية ممكن فيصل.. والبودي حاجته هي اللي قليلة شوية.. وحاول تكون العربية مش ماشية كتير علشان ماتتعبكش.. اصل وقعت في الحوار ده... انا فاضلي كام حاجة بسيطة كده وابقى غيرت العربية كلها تقريباُ

**mhopa2440** · 16-02-2014 11:16 AM

كل حاجة موجودة وبنفس الاسعار العادية ف الفئة دي لو هتزيد يكون عشرة ولا عشرين جنيه

انا لسة بايع النوبيرا واشتريت سبكترا وينج ما شاء الله افضل بكتير ف التقفيل والاداء وعملت الصيانة اللازمة هي زي النوبيرا محستش باي فرق ف تواجد قطع الغيار او اسعارها مع اني من الزقازيق

**أسامه طياره** · 16-02-2014 12:23 PM

طب الحمدلله طمنتوني ياجماعه هتكل عالله ان شاء الله :)) تعبتكوا معايا

**bassam nagy** · 16-02-2014 12:59 PM

العربية دى من العربيات الحلوة و كانت بتتجمع فى مصانع الهيئة العربية للتصنيع aav وكانت هاتنزل بى موتورين 1600 و 1800 بس للاسف قطع غيارها الخارجية ناقصة شوية
استهلاكها فى البنزين عامل اية لانى عارف انها ممتعة جدا فى الجرى على الطريق

**mhopa2440** · 16-02-2014 01:11 PM

المشاركة الأصلية كتبت بواسطة bassam nagy

استهلاكها فى البنزين عامل اية لانى عارف انها ممتعة جدا فى الجرى على الطريق

موتورها 2 كامة ومع ذلك معدل الاستهلاك ف الاوتو منها تقريبا 220 كم/20لتر

بس لو سوقت سواقة اقتصادية اظن هتزيد معاك ف معدل الاستهلاك بس بصراحة انا اغلب غياراتي فوق 3 ار بي ام

**أسامه طياره** · 16-02-2014 01:33 PM

ماشاء الله :) .. طب ممكن سؤال تاني هي العربيه نفس موتور وعفشة السيفيا والشوما !؟؟؟

**أسامه طياره** · 16-02-2014 01:35 PM

او بمعنى اصح هقدر اجيب قطع غيار السيفيا احطها فيها ! لأن كل مااكلم واحد بتاع قطع غيار كوري عندي في اكتوبر يقولي معنديش ليها قطع غيار خالص :d

**dreamsmake** · 16-02-2014 02:39 PM

بص في حاجات بسيطه
يعني العفشه مالهاش علاقة غير في المساعدين اللي ورا ولازم توسع البطاحات شوية
الماكينه مالهاش علاقة
الريداتير هو هو
التابلوه هو هو

**mhopa2440** · 16-02-2014 07:06 PM

حضرتك معلومة اكيدة ان شاء الله بنسبة كبيرة جدا

الكيا سيفيا 2 والكيا شوما 1 هي هي نفس العربية من حيث التابلوه الموتور العفشة المرايات اختلاف بودي خارجي فقط ونفس ضفيرة الكهرباء

اما الاسبكترا هي نفسها الكيا شوما 2 وهي نفسها الاسبكترا وينج زي اللي فات تماما