موضوع الزوايا ده رخم ولازم تظبط كله مرة واحدة والا مش هتحس بفرق
اولا الاويلسيل مالوش دعوة بقصة الزوايا هو له علاقة بتقل الدركسيون والباور وبس انما الزوايا كزوايا لا
وبيتهيألى ان اللى حصل زمان ان العربية خدت خبطة من تحت بوظت الاسكاترا بما فيها الاويلسيل وكان المفروض من الاول تشخص المشكلة كلها وتحلها كلها على بعضها (الله اعلم ده مجرد تخمين )
وفي تحليل تانى لو العربية دى انت شاريها مستعملة وهى كدة احتمال كان فيها المشكلة دى زمان واتحلت بطريقة بلدي عن طريق انه عمل زرجينه وعوج المساعد عشان الزوايا تظبط وطبعا ده غلط فلما انت جبت مساعدين وبطاحات جداد العيب رجع وظهر تانى بقوة
المهم خلينا في الحل دلوقتى هيبقى انك تجيب اسكاترا استيراد و ما تسمعش كلام اي حد يقولك انا هصلحلك الاسكاترا الاسكاترا ما بتتصلحش وده في اي عربية مش في اللاتوس بس
وموضوع القفايز ده انا مش فاهمه اوى بس اكيد هتلاقيها في الحرفيين مثلا ما تقلقش ، انا معرفش يعنى ايه الاسكاترا مربوطة بقفاير فمش عايز افتى في النقطة دى بس اللى اعرفه انها في اغلب العربيات مربوطة بمسامير عادى في القنطرة
خلاصة الكلام اسأل كذا ميكانيكى في موضوع القفايز ده الاول وبعدين غير الاسكاترا باستيراد نضيفة باتياشها بجلبها بكل حاجة واظبط زوايا وكل حاجة هتتظبط ان شاء الله
المفضلات