الموضوع: ارجو المساعدة بسرعة

المشاركة الأصلية كتبت بواسطة moody_687

دلوقتى انا غيرت خرطوم السخن ف عربية فيكترا سي مانيوال ونضفت دورة التبريد وحطيت مية حمرة موبيل المهم العربية بعد اسبوع من تركيب الخرطوم والتنضيف بدور الصبح لقيت علامة نقص مية الرداتير ظاهرالي فالتابلوه
ففتحت الكبوت ولقيت المية ناقصة عن منتصف القربة ولما مشيت بيها وهى ناقصة فبطلت العربية وشغلتها تانى لقيت اللمبة اختفت والمية عدت منتصف القربة وطلعت لفوق
ايه السبب لما العربية تكون باردة تكون المية قليلة فالقربة ولما تسخن المية تطلع لفوق ؟؟

دورة المياه بها هواء
المفروض تزودها وهي باردة لحد العلامة الموجودة على القربة
الطريقة الصحيحة لتغيير مياه التبريد كما يلي:
1- ضع زرار التكييف على السخن بدون تشغيل مروحة البلاور كما يتضح من الصورة التالية
[IMG][/IMG]
2- فك غطاء القربة ثم فك الخرطوم الثاني من القربة كما يلي
[IMG][/IMG]
3- دور العربية وضع الماء الجديد في القربة ودلدل الخرطوم اللي فكيته كما يلي
[IMG][/IMG]

المشاركة الأصلية كتبت بواسطة abdo taha

الله ينور عليك يا باشا موضوع نقصان المية ده كان تاعبني في يوم من الايام كانت لازم تنقص على طول و كل ده بسبب سربنتينة السخن اللي كانت بتسرب دائما .
بس سؤال بسيط يا باشا العربية لما ببقى براها بيطلع منها صهد كتير مع ان الحرارة بتبقى طبيعية او سعات ممكن اكون فاتح الشباك و الاقي صهد من الجنب متعرفش الموضوع ده ممكن يكون ايه ؟
و معلش سؤال تاني ان شاء الله ناوي على تغيير ردياتير متعرفش ايه افضل نوع بره التوكيل ممكن اجيبه للعربية دي لأن سألت عليه في التوكيل قالولي 3400 جنيه و طبعا الحالة المادية لا تسمح لهذا فأيه رأيك
؟

أخي عبد الرحمن
قد يكون سبب الحرارة عدم غلق هوايات التكييف بشكل كامل
أما افضل انواع الرادياتير الموجودة ، هتلاقيه عند أمريكان ستارز ، سألت عليه قاللي 1650 جنيه
واشتريت واحد من عند سرور بمبلغ 1450 جنيه ، ومكتوب عليه فاليو فرنسي ، بس الشكل العام لا يدل على انه اصلي ، والخامة بتقول انه مضروب ، وهو موجود عند الشركة الوطنية في الحرفيين بنفس السعر
ولكني أثق في بضاعة أمريكان ستارز ، وحاولت إرجاع الرادياتير لسرور وشراؤه من أمريكان ستارز
لكنهم رفضوا رغم انني لم أغادر المحل بعد الشراء بس كنت دفعت الفلوس ، ولما شفت نوعية الخامة شكيت انه مضروب لان الخامة رديئة ولا تمت لفرنسا بأي حال من الاحوال
تحياتي لسيادتك

دلوقتي ف المركز اللي غيرت فيه خرطوم السخن ونضفولي الرداتير قالولى لازم دورة المياه تكون مغلقة يعني متزودش انت مية بنفسك عشان مش ياخد هواء
انا مش عارف دورة التبريد بيكون فيها هواء ولا لا انا كده اتلخبطت
لما روحتلهم النهاردة قالولي ف مية عند فرن الجكمان من تحت جاية من عند الماتور فلازم يحلوا حاجة من عند الماتور ويبصوا عليها عشان ممكن يكون وش جوان سلندر او طبة المية اللي ف الماتور بتسرب فانا مش عارف ف ايه وبدأت اقلق

المشاركة الأصلية كتبت بواسطة moody_687

دلوقتي ف المركز اللي غيرت فيه خرطوم السخن ونضفولي الرداتير قالولى لازم دورة المياه تكون مغلقة يعني متزودش انت مية بنفسك عشان مش ياخد هواء
انا مش عارف دورة التبريد بيكون فيها هواء ولا لا انا كده اتلخبطت
لما روحتلهم النهاردة قالولي ف مية عند فرن الجكمان من تحت جاية من عند الماتور فلازم يحلوا حاجة من عند الماتور ويبصوا عليها عشان ممكن يكون وش جوان سلندر او طبة المية اللي ف الماتور بتسرب فانا مش عارف ف ايه وبدأت اقلق

حسب كلامك اظن هناك تسريب في دورة المياه
ولابد من اختبار الدورة لكشف التسريب
وكلامهم في المركز غير صحيح ، وما هي فائدة الحساس داخل القربة؟ هو إنذار بنقص مياه التبريد

المشاركة الأصلية كتبت بواسطة abdo taha

اولا مشكوووور جدا يا استاذ هلال و الصهد ده مش من جوه العربية ده من بره و صابر قالي ان الردياتير بيعمل 1200 مش عارف هل ممكن يكون تعبان و لا لأ و ازاي اعرف ان الردياتير كويس و محترم عن المضروب ؟ لأن والدي ملوش خبرة اوي في شراء قطع الغيار من بره كان معظمها من التوكيل .

استاذ عبد الرحمن
اعتقد ان صابر بيفهم كويس حسب رواية الزملاء ، بس انا ما جربتوش للامانة
لو ممكن يجيبه بالمبلغ ده ، توكل على الله
اما النوع الاصلي بيكون خامته فاخرة والتشطيب جيد والمضروب تلاقي البلاستيك يشبه لعب الاطفال الصيني والتشطيب متوسط

هما ضغطوا مية بالجهاز ولقوا مية ماشية تحت الماتور وماشية ع فرن الجكمان بس مش عارفين جاية منين فهما رجحولي ياما جوان وش سلندر او طبة مية بتاعة الماتور وانا مش عارف بقى انا خايف يكون جوان مع ان العربية ماشية معايا عادي