عرض للطباعة
بسم الله الرحمن الرحيم ,,
بفضل الله أنا خلصت إمبارح ترخيص النيو صني بعد إجراءات امتدت من الساعة 8 صباحا لغاية الساعة 11:45 ظهرا تحت الأمطار طبعا ,,,
ودلوقتي عايز أفعل الضمان وبأتصل على رقم 16244 مش بيجمع فهل ليهم مواعيد عمل معينة ولا فيه رقم تاني ممكن أتصل بيه وشكرا جدا مقدما
الف مبروك ياباشا هو الحل انك تتصل بيهم عشان تفعل الضمان جرب كذا مرة .. ايه انطباعك الاول عن العربية
بقة؟
المواعيد من 9 ص حتى 7 م
ماعدا الجمعه
حاول دايما معاهم لان بيبقى فيه ضغط
انا اتصلت بيهم كان حوالي الساعة 10.30 صباحا وتم الرد مباشرة وتحياتي والف مبروك
تم التفعيل خلاص .. ماكنش بيجمع من التليفون الأرضي فاتكلمت من الموبايل :36_2_55[1]:
الله يبارك فيك يا باشا يا رب ,,,اقتباس:
المشاركة الأصلية كتبت بواسطة amirali
إنطباعي الأولي إن العربية جميلة جدا بصراحة بس محتاج آخد على أبعادها أكتر لأنها أطول وأعرض من العربيات العادية .. الصالون بتاعها رائع فعلا ما شاء الله وواسع جدا سواء قدام أو ورا .. شكلها شبابي من جوه وبره في نظري ,
الفرامل بتاعتها رائعة بمعنى الكلمة و بتساعد جدا قبل المطبات كمان العربية عالية عن المطبات وفي القعدة نفسها جوه العربية مش بأحس إني - بتدفس - فيها زي عربيات أصحاب ليا مثلا ..
الصاج بتاعها كويس وفيه مرونة تتناسب معاه .. بأمانة في الأول كنت خايف منه لغاية ما والدي دخل في عربية فالصاج بتاع العربية دخل قوي وبعدين لما بعدنا عن العربية رجع تاني لواحده ومافيش أي علامة عليه إن حصل حادثة ,, وعرفت بعدها إن دا مقصود في العربيات الجديدة عشان حماية للسائق والركاب في الحوادث لا قدر الله فالعربية ماتقفلشي ع اللي جواها .
أنا جايب السوبر صالون وبصراحة عاجباني والمكيف الجديد بتاعها جميل كمان ,,
اللي مضايقني في الكاسيت إن مافيش مدخل usb وبصراحة حاجة رخمة قوي موضوع الإسطوانات كل شوية ,, بس فيه حد كان اقترح فكرة الإم بي ثري بلاير يشتغل ع مدخل الaux , وهدور عليه أجيبه بأمر الله
كان في الأول بيضايقني الكاوتش وموضوع الزلط اللي بيترمى أو بيدخل جواه لكن لقيت كذا حد بيشتكي منه برده في عربيات تانية فبعد ما كنت ناوي أغير الكاوتش رجعت عن رأيي - مصاريف بزيادة - بس لسه ناوي أملى الكاوتش بالنيتروجين مكان الهوا زي ما اتقالي في السبع .,
إستهلاك البنزين بتاعها كويس جدا بأمانة رغم أني بسوقها أنا ووالدي وجايبها من الثلاثاء قبل اللي فات إلا أنها اتفولت مرة بعد ما جيبناها ومرة الأسبوع اللي فات وهي لسه ماجابتش النص ..
بالنسبالي العربية في مصر " عالية فوق المطبات - ثباتها كويس - إستهلاك بنزين كويس - صالون واسع وكراسي مريحة - وسائل أمان فرامل وإير باجز " وطبعا لسه هشوف موضوع الصيانة بس عموما الناس بتشكر فيهم ..
ربنا يرزقك خيرها و يكفيك شرها يا رب .. وعارف إنك خايف من الإشاعات الكتير بس نصيحة مني ماتاخدشي كلام إلا من حد شاريها فعلا وراكبها .. والعربية من أكثر العربيات الجديدة اللي هتشوفها حواليك في الطريق فوقف أي حد 5 دقايق واسأله عنها واتأكد بنفسك .. وافتكر دايما أنها عربية بتنافس الفئة السعرية اللي أعلى منها بـ20 - 30 ألف مش تقارنها بعربيات الـ180 - 200 ألف يعني
اقتباس:
المشاركة الأصلية كتبت بواسطة ibrahimsaad
تسلم يا دكتور ألف شكر لحضرتك .. تم التفعيل خلاص
اقتباس:
المشاركة الأصلية كتبت بواسطة احمد كاكتوس
الله يبارك فيك يا رب .. تسلم يا باشا تم التفعيل خلاص
تمام ياباشا ربنا يبارك لك فيها .. بالنسبة للتكييف ياباشا ايه الفرق بينه وبين التكييف العادى؟اقتباس:
المشاركة الأصلية كتبت بواسطة dr m.noaman
صاحبي جايب اللانسر التكييف عنده بكر اللي هو العادي وبيقول أنه رخم .. بصراحة ماعرفتش أستخدمه ... لكن التكييف الجديد زي نظام تكييف البيت كدا يعني شاشة وبتعلي وبتقلل بأرقام .. كمان فيه زرار إزالة الشبورة ع الزجاج الأمامي أو الخلفي فبدل ما بتفتح الشباك طول الطريق عشان خايف من تجمع الشبورة بسبب التنفس جوه العربية فبتقفل عليك عربيتك وتشغل الزرار دا كل ما تلاقي الشبورة اتجمعت ..اقتباس:
المشاركة الأصلية كتبت بواسطة amirali
هي مسألة آراء و أذواق فقط يعني وخصوصا إنها أول عربية ليا فماليش خبرات قوي سابقة يعني
الف مبروك يا باشا
الف مبرووك يا باشااااا
انا كمان عايز افعل الضمان ممكن اعرف تفاصيل اكتر و دفعت كام و كدة :)
الله يبارك فيك يا باشا تسلم يا رباقتباس:
المشاركة الأصلية كتبت بواسطة dentist_ihab
اقتباس:
المشاركة الأصلية كتبت بواسطة dr/mostafaazmy
تفعيل الضمان من غير فلوس .. بتكلمهم ع رقم 16244 وتقولهم اسمك ومعلوماتك وتواريخ الشراء والترخيص للعربية ورقمها ،، وبعدين بيدولك كود تكتبه بس
معلش سؤال هو الضمان دة غير التأمين ؟اقتباس:
المشاركة الأصلية كتبت بواسطة dr m.noaman
و انا عندى الفانوس اللى ورا وشة اتكسر و عايز اجيب وش لو عملت كدة هتخرج من الضمان ؟
الضمان دا اللي بتستلم ليه دفتر الصيانة الدورية بتاعت 1000 كيلو و ال5000 كيلو لغاية ال100000 كيلو ،، أما التأمين دا ففي الحوادث بيتكفلوا بدفع الشيك اللي أنت صلحت بيه بس لازم تبقى عامل محضر في القسم زي ما اتقالنا في السبع ، أما لو سرقة بيتكفلوا ب75% من الحاجة المسروقة ،، طبعا أي حاجة هتجيبها تاخدها تركبها في مراكز الضمان عشان ماتخرجش بره الضماناقتباس:
المشاركة الأصلية كتبت بواسطة dr/mostafaazmy
تمام اووى شكرا ... معاليك عملت التأمين ولا لسة .. انا بفكر اعملهاقتباس:
المشاركة الأصلية كتبت بواسطة dr m.noaman
تحت أمرك يا باشا ،، هو اللي خلانى نعمله إن التعامل هيبقى مع السبع مش شركة التأمينات رغم ان العقد الممضي مع تأمينات مصر فشفنا أن كدا أحسن عشان ماندخلش في مواويل شركات التأميناقتباس:
المشاركة الأصلية كتبت بواسطة dr/mostafaazmy
معاليك دفعت كام بقى ف حوار التأمين دةاقتباس:
المشاركة الأصلية كتبت بواسطة dr m.noaman
الف مبروك ..
أول سنة ب5500 ج وبعدين بتقل 20% كل سنةاقتباس:
المشاركة الأصلية كتبت بواسطة dr/mostafaazmy
الله يبارك فيك ،، تسلم يا باشااقتباس:
المشاركة الأصلية كتبت بواسطة j a g u a r