المفتاح المشفر للنيو صني

**Moh. Elnagar** · 21-02-2014 08:40 PM

المشاركة الأصلية كتبت بواسطة ibrahimsaad

طبعا انا ضد عمل مفتاح مشفر خارج التوكيل لهذه الاسباب

لكن انت قلت انه هيعمل المفتاح بدون الشفره بدون ماتديهالوا لو كده يبقى مفيش خوف

لكن انا عايز اعرف هو قالك هيعمل المفتاح ازاى

هل طلب منك الشفره ؟

هل هيقوم بفك الكنترول لمعرفه الرقم بتاعها ؟

لو كده يبقى سيبك منه مفيش خوف لان مفيش معاه شفرات الصنى

لكن الخوف بقى انه يعمل لك المفتاح بدون ماياخد منك رقمه او يعرفه من العربيه

أنا قولتله إنه في التوكيل عشان يعمل المفتاح بيطلب الكود إللي مع المفتاح قاللي مش عايز أي حاجة بس أنا بقول إن لو رحت عشان يعمله لازم هيجيب الرقم من المفتاح أو العربية لأنه سألني على العربية معايا ولا لأ

**Hanytoto12** · 21-02-2014 10:57 PM

أحنا أساسا يهمنا نتأكد إن مش عنده الشفرات زي أول بوست إنت كتبته.. المطلوب خد المفتاح بس وقوله طالما عندك كل الشفرات وعرفت إنه متشفر وهيتكلف 250 جنيه .. أوك إعمل واحد زيه.

طبعا مش مطلوب تديله ولا رقم التكويد بتاع العربية ولا تكون العربية معاك ... لأن لو غير كده يبقي الحمد لله مافيش قلق وده يا نصاب يا حرامي أو معاه حرامية تبعه وهتبقي ثغرة للدخول لعالم الصني .. زي موضوع السيراتو.

وهو ده إللي كلنا قصدناه من البداية وكان سبب قلقنا.

**Moh. Elnagar** · 22-02-2014 07:44 AM

بعد لف ودوران كتير طلب وجود العربية لتكويد المفتاح وعمل الشفرة إذن هو فقط عنده جهاز التشفير وليس الشفرات
الحمد لله وربنا يحفظ لنا الصني العزيزة من كل عين شريرة والحمد لله إمبارح إشتريت قفل الدركسيون إللي هو عصاية البيسبول تحفة وحماية من سواقين الميكروباص

**ibrahimsaad** · 22-02-2014 08:42 AM

المشاركة الأصلية كتبت بواسطة moh. Elnagar

بعد لف ودوران كتير طلب وجود العربية لتكويد المفتاح وعمل الشفرة إذن هو فقط عنده جهاز التشفير وليس الشفرات
الحمد لله وربنا يحفظ لنا الصني العزيزة من كل عين شريرة والحمد لله إمبارح إشتريت قفل الدركسيون إللي هو عصاية البيسبول تحفة وحماية من سواقين الميكروباص

كده تمام وهذا ماكنا نريد معرفته

ليس لديه شفرات الصنى