بسم الله الرحمن الرحيم

طرمبه الميه اللى بتتغير مع سير الكاتينه وشداد الكاتينه .. ماهى فائدتها ؟؟
مكان طرمبه الميه دى فين فى العربيه ؟؟
سعر طرمبه الميه ؟
سعر سير الكاتينه نوع جيتس لان الاصلى الاستاذمحمد بك ممدوح قال على سعره ؟؟
سعر شداد الكاتينه او بليه الكاتينه الاصلى ولو فيه نوع اخر اى عضو يرشحه يقوله ويقول نوعه وسعره؟

العربيه فيه زى طقه من ناحيه الفرده اليمين (يمين السائق )بتحصل مع المطبات الخفيفه خالص ونادره الحدوث الطقه دى مش بتحصل ديما الا وانا ماشى هادى جدا ومطب او نقره فى الارض خفيفه .. ؟؟

وساعات بألف الدريكسيون للاخر وانا بالفه اسمع صوت طقطقه او دربكه خقيقه كدا وبرضوا مش على طول ( بتحصل وانا واقف على مطب ووش العربيه لأسفل المطب ) بس وانا ماشى مبتحصلش مكانها مش قادر احدده بس هو من تحتالدركسيون فى المكان اللى رابط الدريكسيون بالبارات اللى رايحه للعجل الامامى دا ايه ؟؟

فيه صوت تسقيفه خفيفه كدا ساعات بتحصل ع الغيار التانى او الاول ( ويمكن علشان مبشبعش الغيار كويس ) دا من ايه بخلاف التشبيع للغيار ؟؟

زيت الماتور عندى لما بأجى اشوفه من المقاس بالاقيه اعلى من الماكس خالص ( دا طبعا والعربيه بارده الصبح )..اللى غير الزيت حط 4 لتر ؟

العربيه عندى عاليه من ورا ( اللى كنت شاريها منه قالى انا مركبلها عليات 505 علشان كنت باحط فيها شويه شغل ) طيب لو رجعتها لأصلها هحتاج اجيب ايه كوتش او علايه او حاجه ؟؟


ياريت سعر حساس الشكمان كام ؟؟..
ومين اقدر اعدى عليه يعمل اسكانر للعربيه جمب التوفيقيه كدا .. والاسكانر بكام ؟


انا من المنصوره ونازل التوفيقيه يوم الجمعه ان شاء الله .. مين هناك بيبيع الحاجات الاصلى المضمونه ويكون سعره حنين مش جبار زى مابنسمع ؟؟؟

عموما انا مراعى العربيه ميكانيكيا .. ولكن من يوم ماشتريتها ماجتش جمب العافشه نهائيا ..


وشكرا للجميع