ممكن تقولى معلومات اكتر عنها
عرض للطباعة
انا شفت عربيه 89 كانت فيها بارومه من جنب الشنطه والفرش كان متهان شويه والموتور صوته كويس والتابلوه والعدادات كويسه بس كان فيها حاجه غريبه ان لما تدورها وتسيبها دايره على المور بتفصل بعد شويه ولازم تكبس بنزين وانت بتدور فهل دا كان عيب ايه وهل البارومه دا امر مسلم بيه فى البلونيز
هي لو البارومه مش ضاربه اوي ف الشنطه يبقي مش مشكله بس دور علي الدواخل وبعد كده كله امره سهل بالنسبه لحكاية انها بتفصل وهي شغاله سلانسية هل انت بتشد الشداد اللي بيعلي المكنة وانت بتسخنها اصل لو لا يبقي وهي بارده عادي تعمل كده اهم حاجة بتدور من اول تكه ولا بتغيب سيبك من حكاية لازم تكبسلها بنزين وانت بتدورها دي عادي كل القديم كده ( تقوص دواره اي عربية كاربراتير كده لازم تكاركلها مرتين تلاته بنزين وانت بتدور)
ان هقولك المعلومات اللي عندي العربية دي والد صاحبي اشتراها سنة 92 اعتقد .. ومشي بيها 40 ألف بعد كده سافر وكان صاحبي لسة مابيسوقش ساق العربية دي فـ أولى جامعة اللي هو كان بظبط من 7 سنين وفضل راكبها لحد من سنة ونص وركنها تاني علشان جاب عربية جديدة وهي حاليا عملة 65 ألف كيلو .. في المعلومات اللي عندي أي استفسار تاني أنا موجود أو لو عاوز تكلمه شخصيا
متابع
مش ف البولونيز بس ف معظم القديم بس اهم حاجة انها تكون حاجات بسيطة يعنى يادوب اطرراف باب الشنطة بس مش جايبه الباب من اوله لاخره
الشداد ده بتاعه كده زى دراع بتشده فبيعلى المكنة اثناء التسخين
حكاية بتدور من 3 مرة اهم حاجة تكارك بنزين بالهداوة عشان ماتشرقش ده عادى
المهم الدواخل تكون فابريكة ونضيفة ومافيهاش بارومة
البولونيز تضرب 100 لادا بالشلوت
مفيش مقارنه اصلا
دور علي بولونيز جولف1600
لو مالقتش يبقي بولونيز بزجاج اضافي خلفي
موتور 1500
كاتينه كاوتش مش جنزير
الكارونه بتاعتها انضف من 31 و32
فتيس 5غيار امامي وانضف من بتاع ال31 وال32
السخونيه تركب مروحه سير علي طلمبه المياه