يا رجالة
عايزة اعرف رايكم
في الاعلان بتاع الشقق من شركة اونست طعن شقة 75 الف جنية
هل دة كلام حقيقي ولا نصب وضحك علي الدقن
ارجو الرد للاهمية
ويارتي لو في شقق بالسعر دة في القاهرة كيف اعثر عليها
عرض للطباعة
يا رجالة
عايزة اعرف رايكم
في الاعلان بتاع الشقق من شركة اونست طعن شقة 75 الف جنية
هل دة كلام حقيقي ولا نصب وضحك علي الدقن
ارجو الرد للاهمية
ويارتي لو في شقق بالسعر دة في القاهرة كيف اعثر عليها
قياسا للتكلفة
اعتقد ان مصداقيتها مشكوك في
قياسا للتكلفة
اعتقد ان مصداقيتها مشكوك في
مش شرط يكون نصب وأنا شخصيا أعرف شركات كتير كويسة بتبيع شقق بالأسعار دي
المقياس بيبقى هل في تراخيص ولا لأ
المنطقة اللي فيها الشقق دي شعبية ولا لأ
هل في مبالغ مستخبية تاني ولا هو المبلغ ده بس
عموما لو عايز شركة مضمونة بتبيع بالأسعار دي أنا أقدر أدلك بس في حاجات لازم تعمل حسابك هتتنازل عنها مقابل إنك تشتري شقة بالمبالغ دي منها عدم وجود تراخيص بس ده مش مشكلة زي ما انت فاكر طالما بيركبولك عداد كهرباء وفيها كل المرافق لأن أكثر العقارات دلوقتي بتطلع من غير تراخيص خاصة من بعد الثورة ومفيش حد بيسأل ومحدش يقدر يعمل إزالة أو ما شابه للناس دي طالما سابوهم من الأول والعمارة اتشطبت وسكنت فخلاص المسألة بقت أمر واقع للأسف
الحاجة التانية انك متحلمش بشقة متهوية من كل الجوانب وبيدخلها شمس وهوا وبينك وبين جارك شارع 15 متر على الأقل وكل الكلام اللي بيبقى في العمارات المرخصة أو المدن الجديدة ، غالبا الشقق دي بتكون مجروحة إلى حد ما والتهوية والإضاءة مش بتبقى صحية بالدرجة الكافية
لكن في النهاية بتقدر بالمبلغ ده تشتري شقة مش لازم تسكن فيها بس تقدر تستثمر فلوسك فيها والعقارات أكتر شيء مضمون وشغال في مصر حاليا وكل يوم في ارتفاع وممكن تأجرها تستفيد من دخلها الشهري ولو حبيت تسكن فيها برده هتسكن
لو مهتم ممكن أدلك على شركة كويسة وعن تجربة بس زي ما قلتلك لازم تتنازل عن حاجة مقابل السعر الزهيد اللي هتدفعه في شقة زي دي لو اشتريتها برة في مكان متوسط مش راقي كمان هتدفع ضعف المبلغ ده على الأقل
الف شكر يا باشا علي الرد الوافي
انا ممكن ازود في المبلغ شوية يعني حتي 110 الف
بس طبعا اهم حاجة انها تكون مرخصة والمكان هادي نسبيا
انا بشوف في التلفزيزن اعلان عن مشروح اسمة دجلة بالمز هل المشاريع دي كويسة
خصوصا انهم بيقولا انها كامبوند متكامل وحراسة وتقسيط بسيط والسعر كويس تقسيط حتي 7 سنوات القسط 700 ج
فهل دة كلام صحيح ولا مجرد دعاية ط
وياريت تدلني علي اسماء شركات كويسة في العقارات
وشكرا مرة اخري
خالص تحياتي
ابعد عن دجلة بالمز فيه تأخير جامد فى مواعيد التسليم
وعاملة كل مشاريع معمار المرشيدي فاشلة
أونست وتراست من أوسخ الشركات العقارية.
أسامي على غير مسمّى.
آسف يا جماعة للدخول على الموضوع، بس لو أنا عاوز أجيب شقة متشطبة أو نص متشطبة في منطقة زايد، 6 أكتوبر أو حدايق الاهرام و تكون صغيرة مش مشكلة... أهم حاجة فيها عداد كهربا و خدمات و مايكونش زحمة (صعبة في الركن) أو مليانة صنايعية. رنج السعر ميزيدش عن حدود 200 الف كاش؟
كدة اتنازل عن كل حقوقة في المسكن .
-أمن الحيازة القانوني
-الصلاحية للسكن ( هواء صحي -تدخلة الشمس - تهوية جيدة - البرد والرطوبة والحرارة )
-توافر الخدمات والمرافق والهياكل الأساسية ( جميع المرافق وتصريف النفايات )
-الامان ( عدم تلاصق المباني - حالات الحرائق - دخول سيارات الاسعاف بسهولة )
يبقي دة مش مسكن ........ دة قبر .