أخوانى الكرام
ما فائدة مشط كهرباء سكودا فليشيا مودل 97 و كيف يمكن التفرقة بين السليم و التالف ؟ :U_thin1[1]:
عرض للطباعة
أخوانى الكرام
ما فائدة مشط كهرباء سكودا فليشيا مودل 97 و كيف يمكن التفرقة بين السليم و التالف ؟ :U_thin1[1]:
فائدة مشط الكهربا لزيادة جهد التيار الكهربائى زى بالظبط الاين اللى فى التليفزيون عبارة عن وحدة تكبير للجهد عن طريق ملفات الاسبرتير لضمان استمرا وقوه الجهد المتجة الى البوجية والتى بدورة هو المكلف باشعال غرفة الاحتراق** دا على قد علمى ممكن يكون فهمى غلط فانتظر باقى الردود**
عن التفرقة بين التالف والسليم فلا يوجد طريقة قياس باى اداة لاثبات تلف المشط من صحتة والحكم علية بفقدان وظيفته يعنى العربية مش بتنطق مع ان الكهرباء واصلة للموبينة والشرارارة تخرج منها**
عم صبحي انا شايف ال بيرفع الجهد او الفولت هو الموبينة من 12 فولت الي كليو فلتات زي الاين كما ذكرت
الموبينة مسؤليتا زيادة وتكبير الطاقة الكهربائية لاكن رفع الجهد مسؤلية الملفات اللى فى الاسبرتير ودى مرتبطة بمشط الكهرباء عبر سلك الاسبرتير**
انتا عارف اللاين دا اللى بيرفع الجهد للتلفزين مثلا للتلفزيون ال17 بوصة بيرفع الجهد الى 17000 ودا اللى ممكن يصعق اى كائن لو اقترب من نقطة توصيلة بالشاشة***
وتركيبة اللاين التشريحية عبارة عن ملفات من سلك نحاس رفيع **
اخي الكريم عم صبحي اي محول جهد لازم يكون جهد الدخل تيار متردد جهد البطارية جهد مستمر مينفعش اغزي بيه الموبينة لازم جهد متغير فالمشط دوره يقوم بتقطيع التيار وتحويله الي ac متغير نفس وظيفة الابالاتين والكوندنسر
كلام سليم
وظيفة المشط انه بياخد خرج الحساس اللى فى الأسبراتير مع وضع الكامة لاخراج اشارة كهرباء سالبة للبوبينة علشان تطلع شرارة متزامنة مع الكامة بشكل متقطع دون الحاجة للابلاتين والكوندنسر وهو افضل منهم علشان الدوائر الألكترونية ثابته فى اشارة الكهرباء للبوبينة وده بيطلع شرارة قوية على عكس الابلاتين اللى كفائتة بتقل مع الأستخدام وده بيضعف الشرارة اللى خارجة من البوبينه وبيحتاج يتغير على فترات منتظمة لكن المشط شغال او مش شغال مفيش مشط ضعيف !!
مفيش حاجة محددة تقدر تعرف من خلالها اذا كان المشط بايظ يعني لو مش سليم العربية مش هتدور اساسا
اشكركم جميعا على الأهتمام و الرد و ارجو ايضاح هذا الرد
اقتباس:
عن التفرقة بين التالف والسليم فلا يوجد طريقة قياس باى اداة لاثبات تلف المشط من صحتة والحكم علية بفقدان وظيفته يعنى العربية مش بتنطق مع ان الكهرباء واصلة للموبينة والشرارارة تخرج منها**
فعلا منتدى عظيم و رائع بأعضائه الأفاضل و الف شكر على التوضيح و وضحت الرؤيا
اقتباس:
نجرب افصل وصلات المشط وخليك فاكر ترتيبهم وشيل وصلة المبينة من الاسبرتير وحط فيها مفك رفيع ولمسة مع معدن العربية وخلى حد يدور العربية حتلاحظ خروج شرارة ولاكن ليس كافية للوصول الى البوجيهات**
و كدة يبقى المشط سليم أم تالف
اقتباس:
حتلاحظ خروج شرارة ولاكن ليس كافية للوصول الى البوجيهات
قمت بالأختبار الذى نصحت به و لم تخرج شرارة من سلك البوبينة فما هو العيب و ماذا اختبر ؟
اقتباس:
نجرب افصل وصلات المشط وخليك فاكر ترتيبهم وشيل وصلة المبينة من الاسبرتير وحط فيها مفك رفيع ولمسة مع معدن العربية وخلى حد يدور العربية حتلاحظ خروج شرارة ولاكن ليس كافية للوصول الى البوجيهات**
الكهرباء قاطعة من العربية اى لا تخرج اى شرارة من الموبينة ماذا هو سبب ذلك مع العلم ان البطرية جيدة جدا و المرش بيدور لاكن مفيش كهرباء
طيب يبقى مافيش الا الفيوزات والكتاوت راجع عليها او خلى كهربائى يبص ليك عليها
علم و جارى اتباع التعليمات يا استاذ صبحى يا راجل يا محترم
اقتباس:
طيب يبقى مافيش الا الفيوزات والكتاوت راجع عليها او خلى كهربائى يبص ليك عليها
هل الكتاوت هو الكتاوت الى عليه رقم 18 الى فى علبة الفيوزات ؟
خير يا جماعة سبتونى ليه
انصحك تشوف ميكانيكى متخصص سكودا يظبطلك دوارة العربية !!
قمت بفحص جميع الفيوزات و كلها سليمة و كذلك قمت بتغير الرلاى رقم 18 و خلعت الطرف الموجب و السالب الداخلين الى المبينة و دورت كونتاكت و قمت بقياس الفولت فيهم فوجدته 12 فولت فقمت بتركيبهم مرة اخرى الى تراملهم بالموبينة و دورت كنتاكت و اخذت قراءة الفولت من الترامل الخارجة فوجدته صفر فولت؟ مع انها نفس الترامل الداخلة للموبينة؟ وكررت القياس اكثر من مرة و كانت نفس النتيجة مع ملاحظة ان كل الترامل نظيفة.
ممكن اذا سمحتم احد الأخوة بالمنتدى ان يقوم بنفس التجربة التى لا تكلف اى شئ حتى اعرف ان كانت هذه القياسات طبيعية. :help1:
هل الشرح واضح ام يحتاج الى توضيح اكثر ؟
يبقى كده المشط عندك بايظ المفروض لما تدور العربية بيوصل 12 فولت متقطع من المشط الى البوبينة وده اللى بيخلى البوبينة بتطلع شراره ولو غيرت المشط والكهرباء ماوصلتش يبقى كده الأسبراتير نفسة بايظ وعاوزك تجرب تجربه قبل ماتغير حاجة تفصل اطراف البوبينه وتوصل طرفين ارضى و+ من البطارية وتثبت الارضى فى البوبينة وتلمس بالطرف ال+ على طرف البوبينة ال+ بس تكون فاصل كل اطراف العربية وتخلى حد يمسك السلك الخارج من البوبينة للاسبراتير الطرف الاسود التخين ويقربة من جسم الموتور لو لاقيت شرارة طالعة يبقى المشط او الأسبراتير بايظين ومنتظر تقرير بعد ماتجرب اللى قلته ليك !!
توضيح بسيط ما المقصود ب(بس تكون فاصل كل اطراف العربية)
يوجد بالموبينة أربعة ترامل ,اثنين ارضى أحدهم داخل الى المبينة و احدهم خارج الى المشط و اثنين (+) أحدهم داخل الى المبينة و احدهم خارج الى المشط هل تقصدهم ام شئ اخر
و هل من الممكن تكون ايضا الموبينة؟
تم عمل التجربة عمليا على فيفورتى الان والنتيجة كما يلى:
اطراف الموبينة السلك الاسود دا حمل تيار كهربائى موجب(مغزى التيار) والسلك الاصفر هذا يحمل تيار موجب وهو خرج الموبينة يصل طرف الى المشط والطرف الثانى الى عداد الأر بى ام*
يعنى لو فكيت السلك الاسود ووضعت فيه تلامس الافو الموجب ووضعت تلامس الافو السالب على اى منطقة فى صاج السيارة تكون القراءة 12 فولت** ولو وضعتها على السلك الاصفر ستكون القرائة 0 حيث انهما الأثنين يحملان كهرباء موجبة ولاكن المصدر الاصلى السلك الأسود **
طيب لو فكيت السلكين القادمين من الضفيرة الاسود والاصفر فسيكون فقط تيار كهرباء موجبة فى السلك الاسود والسلك الاصفر لا يحمل حتى السالب*** وتكون القراءة صفر**
طيب ركب الاسلاك وثبت تلامس الافو السالب فى اى نقطة من صاج السيار وتنقل بالتلامس الموجب على دخول وخروج الموبينة ستجد القراءة ثابته بشرط ان تكون مشغل سنة كونتاك**
يارب اكون وفقت ان انقل التجربة وتستفيد منها**
الف شكر لأستاذ وليد للنصيحة و الف شكر لأستاذ صبحى الرجل الشهم الخدوم على تعبه وتجربته على فيوفورته العزيزة و اسف على تأخرى فى الرد لظروف طارئة
بالنسبة لسيارتى فالموبينة بها اربعة ترامل ,ترملين موجب (+) سلك اسود داخل الى الموبينة و سلك اسود اخر خارج من المبينة و داخل الى المشط, و ترملين أرضى او سالب (-) واصل بهم سلك اصفر داخل الى الموبينة و سلك اصفر اخر خارج من المبينة و داخل الى المشط و هذه الأسلاك لم يغير مكانها احد من قبل.اقتباس:
اطراف الموبينة السلك الاسود دا حمل تيار كهربائى موجب(مغزى التيار) والسلك الاصفر هذا يحمل تيار موجب وهو خرج الموبينة يصل طرف الى المشط والطرف الثانى الى عداد الأر بى ام*
كيف يمكنى رفع الصور على هذا المقع لتوضيح الرؤية افضل ؟
حضرتك قريت ردى مافيش طرف سالب فى الموبينة السلك الاسود يمل تيار موجب ياتى من ضفيرة السيارة والسلك الاصفر خارج الموبينة واحد رايح لعداد الاربى ام والثانى الى المشط**
http://www13.0zz0.com/2013/08/05/16/432532319.jpg
استاذ صبحى هناك التباس حدث لان الموبينة محفور عليها (+) و (-) و ايضا عندما خلعت السلك الاسود و الاصفر من ترامل الموبينة و دورت سنة كونتاكت و وصلت الافوميتر للسلك الاصفر و الاسود اعطانى ١٢ فولت مع ملاحظة انى ايضا فصلت الموبينة عن المشط( الاسلاك الداخلة الى المشط)
و شكرا لرفعك الصورة لانها نفس التى عندى بالضبط
والله انا نقلت التجربة العملية بكل امانه وهذا مهو عندى بسيارتى ولتوجد اى مشاكل ولله الحمد**
طيب فك السلك الاسود اللى جاى من الضفيرة وضع عليه تلامس الأفو الموجب وحط التلامس السالب على السلك الاصفر وهو راكب فى الموبينة ودور سنه كونتاك واقراء الافو فلن تجد قرائة طيب لمس السالب بتاع الافو مع صامولة الموبينة مثلا ستجد القراء 12 فولت**
فمن هنا يستبين لنا انا الموبينة داخل وحارج وليس طرفين داخلين **
أنا متأكد من ذلك و اشكرك بكل صدق على مجهودك انا فقط متعجب من رموز السالب و الموجب المحفورين على المبينةاقتباس:
والله انا نقلت التجربة العملية بكل امانه وهذا مهو عندى بسيارتى ولتوجد اى مشاكل ولله الحمد**
سأقوم بالتجربة غدا و سأوافيك بنتائج التجربة ان شاء اللهاقتباس:
طيب فك السلك الاسود اللى جاى من الضفيرة وضع عليه تلامس الأفو الموجب وحط التلامس السالب على السلك الاصفر وهو راكب فى الموبينة ودور سنه كونتاك واقراء الافو فلن تجد قرائة طيب لمس السالب بتاع الافو مع صامولة الموبينة مثلا ستجد القراء 12 فولت**
فمن هنا يستبين لنا انا الموبينة داخل وحارج وليس طرفين داخلين **
قمت بالتجربة اليوم
اولا وصلت طرف الأفو بالطرف الأسود و الطرف الثانى من الأفو الي جسم السيارة و كانت القراءة 12 فولت
ثانيا وصلت طرف الأفو بالطرف الأصفر و الطرف الثانى من الأفو الي جسم السيارة و كانت القراءة 12 فولت
ثالثا وصلت طرف الأفو بالطرف الأصفر و الطرف الثانى من الأفو الي الطرف الأسود بدون خلعهما من الموبينة و كانت القراءة صفر فولت مما يؤكد انهما نفس الأقطاب احدهم داخل و الاخر الخارج.
رابعا وصلت طرف الأفو بالطرف الأصفر و الطرف الثانى من الأفو الي الطرف الأسود بعد خلعهما من الموبينة و كانت القراءة 12 فولت و لا اعرف السبب ؟
خامسا خلعت كل الأسلاك من الموبنة و وصلت طرف الأفو الى مدخل الموبينة و الطرف الأخر الى مخرج الموبينة و و اخذت قراءة المقاومة فكانت 0.78 اوم و هذا يدل ان الملف سليم
سادسا خلعت كل الأسلاك من الموبنة و وصلت طرف الأفو الى مدخل الموبينة و الطرف الأخر الى منتصف الموبينة مكان السلك الأسود الذى يصل الى الأسبراتير و اخذت قراءة المقاومة فكانت 5 كيلو اوم و هذا يدل ان الملف سليم.:0002014A:
و أنا اعتقد ان العيب سيكون من المشط او الأسبراتير هل هناك طريقة لأختبار الأسبراتير؟:Copy of rfds:
قمت اليوم بتغير مشط الكهرباء محفور عليه فاليو ب125 جنيه و جربت تدوير السيارة ولاكنها لم تدور ,فوصلت السلك الأسود الغليظ الخارج من الموبينة الى الأسبراتير بالقرب من جسم السيارة فخرجت شرارة قوية عكس ما كان يحدث فأطمنت ان المشط سليم,و قمت بعد ذلك بتجربة الأسلاك الداخلة الى البوجيهات و خرج منها شرارة فأطمنت على الأسبراتير,فقمت بشراء بوجيهات جديدة تشيكى ب55 جنيه و لاحظت ترسبات كربونية كثيفة على البوجيهات القديمة و قمت بتغير ايضا فلتر البنزين الثلاثى ب 25 جنيه و دورت كونتاكت الموتور دار من اول تكة.
أحب ان اشكر الأستاذ صبحى على مساعدته لى و جميع اعضاء هذا المنتدى الغنى بمشاركات اعضاءه
ملحوظة أنا عندى ثلاث سيارات مختلفة و لاحظت ان قسم السكودا فليشيا من انشط الأقسام بالمنتدى بفضل رجالته الجدعان.:B4_388::verygood:
1000 مبروك على الأصلاح ولاشكر على واجب !!