سكودا فليشيا موتور انجكشن بيطلع دخنة سودا

**حسن محمود احمد** · 17-02-2014 11:22 PM

انا عندي مشكلة ان السيارة بطلع دخان اسود وخروج نقط او رزاز مياة عند الدوارة بالصباح بالاضافة الي هباب البوجيهات وrbm بيعلي ويوطي وفي بعض الاحيان السيارة بتبطل عند المطبات أواثناء الوقوف في اشارة تلاقي مؤشر لفات الموتور نزل ولابد ان ادوس بنزين بسيط علشان متبطلش المهم واحد قال ممكن تكون طلمبة البنزين ضعيفة ومرة ثانية بعد كام يوم قال ممكن اللي يعمل كدة حساس جكمان او البوابة بايظة وبتتغير ب300 جنية استعمال وشخص اخر قال ممكن حساس الحرارة بيعطي للكمبيوتر قراءة خطأ بيخلي المكينة مبرجلة وشخص اخر قال حساس الهواء وانا فعلا حاسس ان العربية الكهرباء مش مظبوطة فارجوا منك الافادة وعلي راي البرنامج الاذاعي القديم ماذا تفعل لو كنت مكاني مع العلم معايا 2حساس هواء غير اللي شغال وكمان معايا حساس حرارة اضافي وطلمبة البنزين باسمع صوتها مع تكة الكونتاكت اين المشكلة

اليوم منذ ساعة تقريبا تم تنظيف البوابة بس للاسف معرفتش افك عدد 2 مسمار من 4 مسامير
المثبتين للبوابة لان لاحظت ان مكان المفتاح اتاكل روحت رابطهم تاني ورشيت الاسبراي الخاص ببوابة الانجكشن وبعد كل رشة امسح الهباب وبعد ذلك تم الرش مع دوس بنزين بس الملاحظ بعد هذه العملية ان الار بي ام بيعلي لوحده بعد ماكان في الاول بيوطي لدرجة ان العربية كانت بتطل احيانا مع الدخول علي مطب والمشكلة الان ان لم اقف بالعربية علي السلانسيه بيعلي لوحده وبيعلق علي 20 يعني 2000وادوس بنزين يوطي وبعدين يعلي تاني لوحده ياتري ايه الحل هل كدة البوابة بايظة ولا ايه

**Amr_Azab** · 18-02-2014 09:02 AM

موضوع البنزين اللي بيعلي ده بعد تنضيف البوابة ده حساس الهوا محتاج يتنضف
بالنسبة لباقي الآعراض فهل لازالت مستمرة بعد تنضيف البوابة ؟
الدخان الآسود - هباب البوجيهات
وعلي فكرة الموضوع مش مكانه هنا ولكن في قسم الفيليشيا

**Amr_Azab** · 19-02-2014 10:02 AM

طيب حضرتك مردتش علي استفساري
بالنسبة لباقي الآعراض فهل لازالت مستمرة بعد تنضيف البوابة ؟
الدخان الآسود - هباب البوجيهات

وزي مقولتلك موضوع علو الآر بي أم ده من حساس الهوا محتاج تنضيف

**حسن محمود احمد** · 21-02-2014 10:36 PM

المشاركة الأصلية كتبت بواسطة Amr_Azab

طيب حضرتك مردتش علي استفساري
بالنسبة لباقي الآعراض فهل لازالت مستمرة بعد تنضيف البوابة ؟
الدخان الآسود - هباب البوجيهات

وزي مقولتلك موضوع علو الآر بي أم ده من حساس الهوا محتاج تنضيف

اين المفيد يااستاذ Amr_Azab

**Amr_Azab** · 22-02-2014 09:01 AM

علي حسب منا فاهم
عربية حضرتك انجيكشن وبتحط بنزين 80
دي لوحديها أكبر مشكلة وتبهدلك البوابة والبوجيهات والرشاشات
ولازم طبعا العربية تقطع وتبرجل معاك جامد
حضرتك طالما الموتور انجيكشن يبقي لازم 92 وحاول تحط منظف البنزين معاه كل 5000 كم