زي ما قلتلك في الموضوع الاخر" و حاول تركز في موضوع بدل التوهان اللي انا بتوهه ده" لو بعد المشاوير دي الزيت مظبوط "ما بين الماكسمم و المينيمم" يبقي طرمبة ....
عرض للطباعة
زي ما قلتلك في الموضوع الاخر" و حاول تركز في موضوع بدل التوهان اللي انا بتوهه ده" لو بعد المشاوير دي الزيت مظبوط "ما بين الماكسمم و المينيمم" يبقي طرمبة ....
متشكر لحضرتك جدا .. فعلا الزيت مظبوط .. الدركسيون كمان تقيل عن العادي واحيانا يظبط لوحده ويرجع ناعم بس بيكون لمدة قصيرة.
وانا شايف ان الكلام ده منطقي ومقنع .. وهحاول اشوف الموضوع ده .. بس ليا كام سؤال:
1. هل الطرمبة ممكن تتصلح وتتظبط وللا لازم تتغير؟
2. هل في مضاعفات أو مشاكل ممكن تحصل لو مشيت بيها شوية كدة من غير ما اصلحها؟
3. ازاي محدش عرف المشكلة دي رغم اني روحت لناس متخصصين سواء في العربية دي او سواء في الباور؟
مفيش اي اخطار حتي لو البور راح خالص .... هتعاني من تقل الدريكسيون بس غير كدة مش هيحصل حاجة ان شاء الله
كون بقي حد بيعرف ولا لا فأنا معرفش الصنايعيه شايفين ايه بس عامة بيقولك الشيخ البعيد سره باتع ... و برضه اللي علي الشط عوام .... انا بعيد عن المشكلة و علشان كدة بفكر براحة و واحدة واحدة و مش متوتر ف نتيجة كده و مع الاراء اللي الناس بتقولها و مع استبعاد الحلول اللي اكيد غلط بنوصل للصح و ربنا يخلينا لبعض دايما ان شاء الله
ممكن تفتح غطاء علبه الباور وتشوف الطرمبه بتقلب الزيت ولا مش بيتحرك
ما هي هتقلب .... هوه مقلش ان مفيش بور...بس البور ضعف
الله يكرمك يا سيدي الشكر لله ... ادينا بنساعد بعض
صباح الفل عليكم جميعا .. اخر الاخبار في مشكلتي العجيبة :)
تم بالأمس تغيير طرمبة الباور واستبدالها بطرمبة نوبيرا .. ودي بتركب زي الفل بدون اي تعديلات .. شيل وركب علطول.
بس ايه بقي والحمد لله .. مشكلة الرعشة متصلحتش.
الباور ظبط وبقي كويس وناعم تاني لكن الرعشة موجودة.
قولنا يمكن مشكلة في قاعدة موتور .. بصينا عليهم وشوفناهم كلهم .. كله تمام وزي الفل.
الراجل صاحب الورشة غلب غلبه وقاللي من نفسه تعالى في يوم تاني هركبلك علبة دركسيون من عندي ونجرب ونشوف .. قولتله طب استني يكون معايا فلوس واجيلك .. قاللي يا بيه مش مشكلة فلوس دلوقتي .. انا اللي عايز اعرف المشكلة فين دلوقتي مش انت بس.
الراجل غلب غلبه معايا وبقي واخدها عند مع العربية انه يلاقي سبب المشكلة. بصراحة هو كتر خيره زوق وصابر معايا ع الاخر وعايز يحل المشكلة معايا بأي شكل وهو كمان يفهم دا عيب ايه.
دعواتكم بقي ربنا يهدي العربية علينا ونخلص من الموال الاسود ده.
غيرت الطلمبه فين
والتكلفه كام
غيرتها عند واحد بتاع باور وعفشة في حلوان.. وهو مرضيش ياخد مني حساب عليها عشان لسة محلش المشكلة .. لكن على حسب معلوماتي ان طلمبة النوبيرا استيراد بتكون في حدود 200 جنيه غير التركيب.. وبيشيل ويحط علطول مش محتاجة تعديلات. وشغالة معايا زي الفل من ساعة ما ركبت.
طلمبة الاسبرانزا جديدة بـ 670 ج واستيراد بـ 350 ج.
لو محتاج مني اي مساعدة انا تحت امرك.