بص ياباشا
الموضوع دة لية حلين
الاول ان صاحبك اللى شغال فى جهاز امنى دة لو يقدر يوصلهم بشكل مباشر او غير مباشر ان حركتهم مكشوفة ............يبقى كدة الموضوع مات خلاص
الحل التانى
محتاج قلب ميت بمعنى الكلمة وانا هقولهولك بناء على تجربة حصلت معايا
انا عندى محل هدايا ......المهم فى يوم اختلفت مع زبون (هو اللى كان غلطان) وبعد ما قل ادبة عملت معة الجلاشة
ومشى من عندى وتانى يوم وانا برة المحل عرفت انة جاب ناس شمال (بلطجية) عشان يعمل معايا الجلاشة .فلما ملقونيش قعدوا يجعروا شوية وكلام من عينة : احنا هنعرف نجيبة لو رجع بطن امة .....وكلام من كدة يعنى
لما رجعت المحل شغلت كاميرا المراقبة واتصلت بكل اصحابى عشان يتعرفوا عليهم وعرفنا هما مين
فبدل ما اعمل زى حضرتك وابدا افكر فى اتخاذ اجراءات كلها دفاعية
عملت العكس
لمينا بعضنا كلنا واتصلنا بكل اصحابنا وحبايبنا وخدنا بعضنا ورحت للناس الشمال دى (كنا حوالى 23 فرد)
مكناش رايحين نتخانق لكن كنا جاهزين لكدة
ورحت لواحد منهم وسلامو عليكو وكدة وبلهجة نصها جدية ونصها استعباط قولتلو انا عرفت ان انتوا بتدورا عليا وكدة فقلت اجيلكوا لحد عندكو خير ان شاء الله
قالى انت مزعل فلان وغلطت فية ومش عارف اية قولتوا فلان هو الى غلطان والحكاية والرواية وفى اخر الكلام قولتوا بلهجة نصها مكر انا موجود فى المحل طول النهار وفى اى وقت اى حد عايز ييجى يشرف وخدنا بعضنا ومشينا
والموضو انتهى على كدة ومات
الشاهد من كلامى او الفكرة منة ان لما يكون واحد ناويلك على شر وعايز يخدك غدر مجرد ان انت تكشف كدة وتعرفة انك كشفت كدة وانك عارفة وعارف بيتة وعارف مكانة وعارف اللى هوة ناوى يعملة الموضع بيفكس خلاص لانة كدة بيكون فقد كل حاجة
1- عنصر المفاجأة
2- كونة حد مجهول
3 - عرف انك مستعد لة
بس زى ما قلت لك عايز قلب ميت
المفضلات