الموضوع: صوت الماتور هيجنني!!!!!

المشاركة الأصلية كتبت بواسطة amr_azab

الموضوع ده بينحصر في اكتر من حاجة وممكن ميكنش ليه علاقة بالموتور
فحضرتك لازم تتاكد منهم كلهم
ودي بعض الحاجات اللي ممكن تعمل صوت عالي وتحسسك انها من الموتور
1. الشاكمان من الآول للاخر لازم تكشف عليه بما فيهم الفرن والجوان بتاعه ( المانوفلد ) لانه لو مقطوع او في تسريب حيعمل معاك صوت عالي ولو علبة البيئة بايظة او متشالة ومتركب علبة عادية برده حيبقي فيه صوت عالي وممكن تحس انه من الموتور
2. طرمبة المياه ممكن تكون تعبت والرومان بلي بتاعها بقي بيعمل صوت عالي وبرده حتحسسك انه الموتور
3. برده اتاكد من حالة الدينامو لانه ممكن يعمل صوت خشونة
4. لو عندك سير كاتينة ( جنزير وليس كاوتش ) وبقاله فتره متغيرش يعمل صوت خشونة عالية وخصوصا لما العربية بتسخن
5. نوعية الزيت اللي بتستخدمه غير مناسبة لان مش كل المواتير زي بعض

هما نقط كتير اه بس دي الحاجات اللي ممكن تخلي صوت الموتور عالي لان معظمها راكب قريب اوي او واصل بالموتور فيسمعك صوت الخشونة دي وتبقي فاكر انه من داخل الموتور
وطالما حضرتك لسة عامل عمرة للموتور والسحب بتاعه كويس يبقي حتلاقي العيب في نقطة من النقط دي
فحاول تراجع عليهم نقطة نقطة وان شاء الله توصل لحل المشكلة
بالتوفيق

كفاءة كفاءة بس كان عندى سؤال هو سير الكاتينة الجنزير زى السيراتو ليه عدد كيلومتر زى سير الكاتينة العادى ولا لأ؟

المشاركة الأصلية كتبت بواسطة amr_azab

بيبقي ليه عدد كم معين
( الآصلي بيعد لحد 100 ألف تقريبا والانواع الآخري بتتراوح من 30-40 الف )
وبعديها يبدأ يعمل صوت خشونة ويخلي صوت الموتور عالي
( لكن مبيتقطعش ولا بيعمل أي ضرر أخر )

شكرا على المعلومات القيمة يا عمرو باشا