الموضوع: تقييم مركز صيانة السبع اوتوسرفيس

مساء الخير جمعيا......
اولا اتشرف بالانضمام للمنتدى حديثا و ثانيا الانضمام لعائلة كيا
ندخل بقي فى المفيد .......مركز السبع للصيانة جنب بيتى لانى ساكن فى المعادى و هو فى اخر زهراء المعادى بعد نادى وادى دجلة وانا تحديدا روحته مرتين .....اول مرة كان تحفة و زى الفل و صيانته كانت احسن من الصيانة فى التوكيل بتاع القطامية محمد زكى
تانى مرة بقي يا حضرات روحت كان زبالة وللاسف اتسرقت حاجات من عربيتى هناك و معرفتش اعمل اى حاجه غير حسبنا الله و نعم الوكيل و استعوضت ربنا وانصحكم بالبحث عن ا بديل اخر لان سعره هو هو سعر التوكيل تحديدا فى الخليجى لان عربيتى هاى لاين خليجى وشكرا

التفاصيل انى روحت اعمل صيانة و قبليها كنت روحت عندهم بكام شهر تقريبا شهر 6/2013 بس كانوا عاملين عرض تيل فرامل و تغير زيت فكان زحمة اوى ......روحت ساعتها مغير زيت فى بنزينة و روحت عند حمادة امام علشان كنت لسه شارى العربية جديدة وكانت محتاجه تظبيط و فعلا راجل محترم جدا و بيفهم اوى لانى لما اشتريت العربية روحت كشفت عليها فى التوكيل و قالولى محتاجه علبة دريكسيون و مساعدين و ساعتها وشى جاب الوان لانى سالت توكيل لقيت علبة دريكسيون معدية 5000 وروحت لحمادة امام اكدلى فعلا محتاجه مساعدين بس مفيش حوار علبة دريكسيون دى خالص ......المهم نرجع لموضوعنا لما روحت السبع عملت صيانة طلعولى حاجات فى العربية محتاجه تتغير ومنها حاجه كنت لسه مغيرها معداش عليها 5شهور فقولت ماشى و راحو قالولى محتاجه تيل امامى و خلفى وبرضه قولت ماشى مع انى عارف انها محتاجه خلفى بس مش امامى وبعدين دخلوا العربية و خرجوها و بعدين دخلوها تانى علشان ------ ركبوا حاجات قولتلهم عليها لا و لسه مغيريها ودى كانت البوجيهات وضافوها على الفاتورة و الكارثة بقي بعد ما اقعدت من الساعة 11 للساعة 5 لقيت فيه حاجات ليا شخصية مسروقة من العربية منها فلاشة 16 جيجا عليها شغل مهم جدا ليا واكيد اللى سرقها اخدها علشان صغيرة اوى قد عقلة الصباع و لقيت نظارة كاريرا مسروقة و لما طلبت الراجل اللى استلم منى العربية قعد يدور و بتاع الامن اللى هو فضى العربية بنفسه من الحاجه اللى جواها و حطها فى كيس قال انا شفتهم و شلتهم فى الكيس و الكيس كان مدبس وطبعا لقيت ناس كتير بدور معانا و لقيت تقريبا مدير المركز واحد اسمر و تخين شوية جه و قعد يدور معانا بس مفيش قلت هاطلب شرطة واجيبهم و فى الاخر مش هوصل لحاجه فاستعوضت ربنا ومشيت و قولت مش هاروح هناك تانى ......حسبى الله و نعم الوكيل و على فكرة الكلام ده مكملش اسبوعين او ثلاثة


يرجى مراعاة اختيار الالفاظ
مشرف 3 ب
1.40pm
20/2/2014

للامانه .... انا روحت هناك اكتر من 3 مرات وعمري ما مشيت زعلان بالعكس ممتازين جدا .... انا معايا ريو هايلاين خليجي وعمري ماشفت منهم حاجه وحشه ولسه كنت هناك امبارح بغير زيت وتعمدت اسيب موبايل قديم ليا في الطابلوه لقيت بتاع الامن بيقوللي انت نسيت موبايلك ......