اه المواعيد الفل ديه ده ولا جراح مخ واعصاب في حد يبدا شغل 12 بليل للصبح
عرض للطباعة
اه المواعيد الفل ديه ده ولا جراح مخ واعصاب في حد يبدا شغل 12 بليل للصبح
هو في حاجه انا افتكرتها مش عارف يمكن تفيد ولا لا لما كان الميكاينكي شغال في البوابه وشالها ونظفها ورجعها تاني وجاب وحده غيرها استيراد وجرب بيها لقيته بيركبها علي طول بدون اي جوان تحتها فهل ده عادي ولا المفروض يكون في جوان تركب عليه البوابه
ده عيب بوابه حساس السلانسيه وده عندى ومنعايش بيه عادى كل اللى بتقوله ده عندى وانا اصلا مغير طرمبه باور بس قبل مغيرها كانت الزنه عاله جدا ومقيش باور
اولا اكشف علي بلية شداد سير الدينمو
ثانيا هات سير الدينمو بالمقاس الأصلي بتاعها (اعتقد هيكون 1125)
ثالثا غير زيت الباور واسحب الهوا من الدورة
رابعا لو البوابة جوانها منفس هتبقي مشاكلك اكبر من كدة علي السلانسية وعلي الطوالي
تحياتي
من الأخر
تجيب جوان البوابه وتتأكد من ربط الأرضى بتاع البوابه
تنظف البوابه كويس ويفضل الموضوع ده انها تطلع بره العربيه تتنضف وترجع تانى
ظبط اسبراتير العربيه على المنتصف تماما يعنى لا يقدم سنه ولا يأخر سنه
اما موضوع الزنه لو انت بتكسر وبتفضل عاصر الدركسيون تحت ايدك فدا طبيعى اما لو دا بيحصل اسناء اللف بدون عصر يبقى مش طبيعى والطلمبه بتاعتك بدأت تجيب أخرها ووجب تغييرها
انا شاكر حضرتك علي محاوله مساعدتي في الموضوع ده بس انا مغير بليه شداد الدينامو ولسه جايب سير دينامو جدي ومركبه كونتننتال والموضوع ده كان موجود مع السير الاصلي الاولاني ومع السير الجديد والسير الجديد بنفس مقاس القديم وبردو في ظل وجود بليله الشداد الاصليه وبله الشداد الجديده
وبردو مغير سير كاتينه وبليه شداد شير كتينه وكامن موجود العيب قبل وبعد
بخصوص زيت البور انا غيرته مرتين مش مرة وحده خلال الشهر اللي فات بزيت ابيض جانك اصلي اللي علبته صفرا ده وسحبنا الهوا منها
حته جوان البوابه انا مش عارف ايه قصته هل المفروض يب في جوان لاني مشفتكش الميكانيكي حط اي جوانات وشال البوابه ورجعها من غير جوانات واللي جابها استيراد جرب بيها بردو من غير جوانات فايه الحكايه
اولا انا احب اشكر حضرتك جدا يا بشمهندس دايما تعبك باسالتي الكتير
بس بخصوص البوابه هي اتنظفت بتاع 4 مرات وهي راكبه ووهي متشاله واتمسحت لحد ما بقت مرايه
بخصوص الجوان انا معتقدش راكب عندي اي جوانات للبوابه والميكانيكي مع انه مشهور جدا ملفتش نظره الموضوع ده وشال وركب عادي جدا ولا كان في حاجه غريبه فايه الحكايه افكها تاني عندي الميكانيكي بتاعي واعمل لها جوان
هو الموضوع مش موضوع زنه الموضوع موضوع رعشه او رجه بالموتور عند العصره وكانت لما ابق واقف سلانسيه في اشاره واحرك الدركسيون سنه يمين او سنه شمال كانت تحصل الرجه بردو
بس انا بعد ما غلبت مع التوكيل ومع اشهر ناس في الفولكس رحت للميكانيكي بتاعي وهو فك وغير لي خراطيم صغيره رفيعه كده كان مشقه شويه وظبت الكاتينه تاني وغيرت بوجيهات وفلتر هوا وبق الموضوع اخف كتير بق دلوقتي بس مع العصره لو لفيت الدركسيون لاخره تحصل الموضوع ده
في كمان ملاحظه يمكن نفيد انا عندي الار بي ام بيكون يحت ال 8 وانا واقف عادي ولو شغلت التكييف بيوصل لقبل ال 10 بسنه بسيطه يعني بين ال 9 وال 10
وكمان لما شغلت التكييف انهاردا وحاولت اجريب الموضوع ده وعصرت الدركسيون لقيتها اختفت ومبقاش في رجه يعني لو مشغل التكييف مبيكنش في الرجه ديه يا ترا ايه السبب
وشكرا
كنت عاوز اسال حضرتك علي حاجه
هو الار بي ام عندك عل كم في السلانسيه والعربيه دايره بس مش بتتحرك وكمان لما بتشغل التكييف بيق علي كم
لان انا عندي وهي واقفه بيكون علي 7 ولما بشغل التكييف بيبق علي 9 بس لما بشغل التكييف واجي اكسر الدركسيون مش بلاقي الهزة ديه يعني بحس ان في حاجه بتقاومها
انا حاولت اعلي الموتور اخليه وهي واقفه علي 9 بس رحت عند واحد عنده جهاز وقالي انه مبيعلاش مش عارف الكلام ده صح ولا ايه
يا ريت حضرتك تفيدني ويا ريت الجميع يشارك يمكن نوصل للحل
وشكرا