الموضوع: ار بي ام في بولو 99

الباور الى فالعربية راكب مش فبريكة مش كدة

لا الباور بتاع العربيه فبريكه
بس انا كنت عاوز افهم هل ده بوظان في طرمبه البور اكيد ولا ممكن يكون كهربا مثلا وايه اعراضه لو اتساب شويه هل بياثر علي حاجه تانيه وهل ممكن تتصلح طرمبه البور لاني سمعت ان في كهربائيه بيصلحوها انا عندي الباور كهربا

المشاركة الأصلية كتبت بواسطة ra3d

عاندي نفس المشكلة بالظبط و الميكانيكي قالي ده الطبيعي بتعها

ازاي ده الطبيعي معتقدش لان ديه زنه جمده وقت ما ابدا اكسر الدركسيون وهي وقفه في اشاره تخلي الا ربي ام ينخفض ويعلي تاني انا سالت واحد صحبي معه نفس السياره من 9 سنوات وقالي لا مبيحصلش معه كده

انا شاكك في حاجه في طرمبه البور ممكن يكون بليه ليها او ضعف فيها وكمان بالاضافه لانه ممكن يكون في حساسات او رشاشات عوزة تتنظف او فلتر بنزين كمان لاني مبصتش عليه بس بصيت علي البوجيهات عند 2 ميكانيكه اول ما اشتريها وقالوا لي انهم كويسين فقلت يعني مفيش داعي للاستعجال في للتغير

بس اكيد ان ده مش الطبيعي بتاعها صعب قوي ويا ريت المهنادسين هنا يفيدونا اكثر

المشاركة الأصلية كتبت بواسطة hossamalsadik

طرمبة الباور عندك زيت وليست كهرباء
اكشف على معيار الزيت ممكن يكون ناقص وممكن يكون عسره ( انسداد ) فى احد خراطيم الباور
موضوع زن طرمبة الباور عيب شائع من ضمن اسبابه استخدام زيت باور غير مطابق للموصفات
انخفاض rpm طبيعى فى الحاله ديه لان بيبقى فى تحميل على الماتور من طرمبة الباور البايظه
روح لميكانيكى متخصص فولكس والموضوع بسيط ماتقلقش

مين ممكن حضرتك تنصح باني اروح له ميكانيكي وميكنش غالي او مصنعيته مبالغ فيها لاني روحت عند هاني عصمت وبصراحه مصنعيته مبالغ فيها جدا غيرت سير كاتينه وبله وسير دينام وبليه وطلب 330 ج مصنعيه في موضوع مخدش ساعه زمن ويا ريت اللي اروح له يكون عنده كمبيوتر علي شان لو حبيت اكشف بالمرة علي العربيه

مساء الخير انا عندي مشكله جديده بدات تظهر مش عارف ايه سببها
المشكله ان انا وانا ماشي علي الثاني وبدوس بكبس بنزين بلاقي العربيه زي ما تكون اتخطفت كده او زي ما تكون قطعت للحظه بنزين ورجعت تاني وفي الوقت ده بلاقي مؤشر الر بي ام اتخطف بردو ونزل وطلع فجاءه بسرعه جدا وبعد كده بتكمل عادي يا ريت اكون عرفت اوضح
والموضوع ده مبيحصلش وانا ماشي علي سرعات عاليه ده بيحصل بس وانا علي الثاني ومش في كل الاوقات واحيانا بيحصل علي الثالث بس نادرا قوي لكن هو 95% بيحصل علي الثاني ولما بيكون المؤشر تقريبا داخل علي ال 30

يا ريت حد يفيدني ده يبق ايه

ملاحظه العربيه عمله 86000 كيلو وانا غيرت طقم سيور وبلي بس مغيرتش لا فلتر هوا ولا بنزين ولا بوجهات ونظفت البوابه بالمنظف بتاعها وكمان حطيت منظف الانجيكشن للعربيه منذ حوالي 2000 كيلو